دبور قرصنى :(

**Abo_Mazen** · 13-09-2014 12:18 PM

إزاي حضرتك إتخانقت مع عشرين دبور

**gade2** · 13-09-2014 01:24 PM

عاوزين ياjaguar يا صديقى تقولنا موضوع 20 دبور دول ايه

**J A G U A R** · 13-09-2014 01:44 PM

المشاركة الأصلية كتبت بواسطة speed_magnum

الف سلامه عليك
وما تقلقش الموضوع بسيط ان شاء الله طالما ما فيش عندك حساسيه من القرصه بتاعتها

الله يسلمك
وربنا يطمنك

المشاركة الأصلية كتبت بواسطة بحار

الف سلامه عليك .. متقلقش مفيهاش حاجه ..
هيا بتسبب ألم فظيع بس بتروح بالتدريج .

الله يسلمك
انا صحيت النهارده من النوم والالم راح خالص

المشاركة الأصلية كتبت بواسطة land_cruiser

الف سلامه علي حضرتك. اهم حاجه تطلع الا بره من مكان الإصابة باستخدام ملقاط مثلا و مش بايدك طبعا او تروح صيدليه يطلعهولك و بعدين ممكن تعمل عليها كمادات ثلج علشان تخف الالتهاب شويه لحد ما يروح ان شاء الله

الله يسلمك
انا فضلت ادور على البتاعه بتاعته دى ملقيتهاش وروحت لصيدلانى عطانى حقنه ومش فاكر كمان بتاعه ايه علشان مكنتش مركز وعطانى علبه برشام بانادول

المشاركة الأصلية كتبت بواسطة hany63

ده انت على كده طلعت دبور كبير ههههههه
معلش انا شايف انك تسئل دكتور مش هتخسر حاجه
ههههههه والله منظرهم امبارح كان حاجه مرعبه

**J A G U A R** · 13-09-2014 01:54 PM

المشاركة الأصلية كتبت بواسطة mostafa bedo

الف سﻻمة عليك بس ايه سبب الخناق مع 20 دبور ؟

المشاركة الأصلية كتبت بواسطة m_m_sh_a

إزاي حضرتك إتخانقت مع عشرين دبور

كل الحكايه عندنا شقه مدخلنهاش من زمان وهيا فى دور عالى وضغط المياه فيها ضعيف وركبنا ماتور وكنا عاوزين نخرم مكان لسلك الماتور علشان يعدى من الخرم بدل ما هو معدى من الشباك وكان معايا صاحبى معاه صاروخ واول ما ضرب الصاروخ فى الحيطه لقينا بسم الله ما شاء الله مش اقل من 20 دبور هايجين علينا وانا ماسك فوطه عمال اضرب فيهم علشان عمالين يزاولو فينا وفى دبور ضربته وحطنى فى دماغى ولاقيته جى عندى وطلعت اجرى منه وطلع يجرى ورايا هههه ووقف على كتفى وقرصنى .. انا اصلا بخاف من الحاجات دى والدبور شكله يخوف اصلا

**J A G U A R** · 13-09-2014 03:01 PM

المشاركة الأصلية كتبت بواسطة hany63

سؤال نخرج بيه شويه من الموضوع
انت ركبت موتور جوه الشقه ولا في المنور ؟
عشان انا داخل على الموال ده في الساحل الشمالي
و كنت عايز اعرف السعر و النوع
نوع الموتور طبعا مش نوع الدبور

تحت امرك :)

الماتور راكب فى المنور
ونوعه كالبيدا ايطالى ونصف حصان وما شاء الله مطلع ضغط قوى للدور السادس
على فكره هو قديم بس احسن بكتير من الصينى اللى فى السوق دلوقتى علشان هتلاقى حاجات كلها مضروبه وتعبانه
بالنسبه لسعر انا اخدته من واحد حبيبى ولسه مدفعتش حاجه بس وديته لواحد بيفهم فيهم وسعره 300