الموضوع: هي نسبه الكيراتينين كده طبيعيه ولا في مشكله ؟

السلام عليكم
والدتي مسنه تقترب من 70 و من سنتين اكتشفنا ان عندها ضغط عالي مزمن و اثر علي الكلي ووصل الكيراتينين عندها في ذلك الوقت اكثر من 2.4 ... المهم الدكتور نزل الكيراتينين واصبح 1.15 .. و كتب لها علي ادويه ضغط اكسفورج hct و كونكور 5 و دواء سيوله اسمه جوسبرين 81 و دواء املاح اسمه زليوريك 300 عشان حمض اليوريك كان عالي عندها جدا كلام ده ماشيه عليه لغايه دلوقتي .
السؤال لحضراتكم وهو اني ملاحظ ان نسبه الكيراتينين كل ما بنعيد التحليل للاطمئنان قبل زياره الطبيب بنلاقيها تتراوح ما بين 1.23 و 1.19 و الدكتور بيقول عشان هي بتاخد دواء مدر للبول ( اكسفورج hct )
فبيأثر علي الكلي ... و نسبه حمض اليوريك عنها ايضا 5 او 4 ... والنسب دي حوالي 5 مرات تحاليل كل فتره
الكلام دي طبيعي يا جماعه ولا في مشكله في الكلي ؟؟؟