لا محصليش الشرف
عرض للطباعة
لا محصليش الشرف
هي فين المطرة دي يا جماعة
ده يادوب تندعلها نقطتين و تسكت .. هي المطرة مش هتسترجل عن كدة شوية !
للأسف المطر مش زى زمان هيه تقريبا ما مطرتش غير مرة او اتنين شكله من تغير المناخ , ربنا يستر على السنين الجاية .
لو شفتونى حاليا و انا قاعد هتعرفوا الشتاء بيمثل لى ايه :)
مافيش احلى من الربيع والله :)
الشتااااااااااااااااااااا اااااا يعنى الرومانسية الحب والدفء لما ندفى ايدين بعض واحنا ماشيين على الكورنيش بيكون شعوووووووور لا يوصف بجد مش عارف اوصفة ازاى بتحس بنشوة حب غير طبيعية المهم وبحب المطر والجو بعد المطر بيبقى رومانسى اوىىىىىىى
مش عارف اعمل اية ولا اقول اية بس انا باعشق الرومانسيةةةةةة
وبجد انا مش عارف ابدء منين احلى حاجة فى فصول السنة هوة الشتا
الشتا بالنسبة لى اية ؟؟
اتفرجى على احد احياء المنصورة بعد شتواية اول امبارح ... و بعدين قوللي اية رأيك :
http://img110.imageshack.us/img110/3565/01032009001.jpg
بتهيألى مفيش تعليق!
أكتر حاجة بحبها فى الشتا المشى فى الشارع بالليل فى السقعا و لواحد يبقى ماشى سقعان و تدخل البيت تلاقيه دافى إحساس رهيب
المشى فى المطرة جامد بيخلينى عايز أجرى و أطنطط شوية أحاسيس جامدة
كوباية كاكاو شخن و مع المذاكرة رهيييييييييييب
و أحلى حاجة كانت فى ثانوى طرقع للحصص و أنزل أعمل أى حاجة فى الحوش أو أطلع أتشمس على السور و الى دلوقتى بنوا مدرسة تانية جنب الصور و حرموا الأجيال القادمة من النتط و الهروب و التشميس
دلوقتى بقى بطرع للمحاضرات و أروح أقعد فى ملعب الكورة الى فى الكلية فى النص عشان أخد كل الشمس لعدم وجود كافيترا و ساعات بطلع أقعد على القهوة الى قدام الكلية و الى لسة فيها كوباية الشاى ب75 قرش و حجر القص ب50 قرش "مع إنى ما بطلبش غير شاى "
و يا سلام على القعدة مع أصحابى فى أى قهوة نلعب كوتشينة
و أكتر مكان بحب أروحة كافتريا فى وسط غيطان أينعم بعيدة و مشوار مؤرف و كله كلاب بتجرى وراك "الحمد لله بقالهم بكام شهر مختفين" بس القعدة هناك فى السقعة جميلة و كمان فى الصيف بس الصيف بتبقى مملة عشان بتبقى زحمة
أحلى حاجة فى الشتا تتلف ببطانية و تتفرج على التلفزيون بس عيبها إنى مبعرفش أغير القناة بكسل أطلع إيدى و أجيب الريموت
ياه على الشتا و أيام الشتا و تسمع فيروز فى الشتا شعور تانى غير الصيف
الحمد لله على الشتا و الصيف
يا سلام يا جماعة علي الشتا بجد ده احلي فصول الشتا عند ساعة المطر الغزير دعاء مستجاب و تمشي تحت المطر و انت مبسوط و بتدعي و انت مبسوط
دفاية و نوم جميل من غير قلق ولا ارق من الحر زي الصيف
انتجيتك في الشغل قد الصيف ييجي 100 مره
اسكندرية بتاعتنا لوحدنا و لو ان حاليا فيها حتت باظت من شتوية اول امبارح
واحد سحلب علي القهوة ز انت قاعد تتفرج علي الشتا و تسمع الست
تتمشي تتفرج علي الموج و سبحان الله علي شكله و شكل السحاب حاجة و لا في الخيال
الهدوم الشياكة و حمص الشام و اسكندرية فاضية الله علي كل حاجة
بجد و الله انا بزعل اول لما الصيف ييجي يارب الشتا يفضل موجود يارب