الاشاعة بدات تتاكد""!!!

**pharonicking** · 24-10-2008 07:03 PM

الالنترا سعرها نزل والنيواكسنت حد لاحظ دة؟وياترى ايه السبب؟؟؟:k39:

**Hassan Khalil** · 24-10-2008 07:10 PM

ممكن تكون تصفية موديلات 2008

**elassar2010** · 24-10-2008 07:18 PM

الجرايد بتقول ان معارض العربيات مش عارفة تبيع عربية واحد فى اليوم!!!!!!!!
ودى نتيجة طبيعية

**blazer** · 24-10-2008 07:28 PM

المشاركة الأصلية كتبت بواسطة Hassan Khalil

ممكن تكون تصفية موديلات 2008

اعتقد كدا برده

**pharonicking** · 24-10-2008 08:25 PM

يعنى فعلا الاسعار بدات تنزل ودة بسسب الازمة المالية وخسارة البورصة 9 مليار جنيه ونسبة مبيعات السيارات فى اوروبا انخفضت بنسبة 8% عن الشهر الماضى يارب الاسعار تنزل كمان وكمان واللى عايز يشترى يستنى شوية اكيد الموضوع حيفرق كتير""""":err:

**Ahmed Anwer** · 25-10-2008 12:22 AM

مبيعات السيارات في الولايات المتحدة

انخفضت 25%

بس برده محدهش هيشتري

الناس خايفه علي قرشنتها مش هتروح تحطها في عربيات

**big big** · 25-10-2008 12:02 PM

الاسعار لسة هتنزل تاني اصبرو شوية

**creative** · 25-10-2008 01:44 PM

ياجماعة احنا فى بلد اللى بيزيد فيها مش بيرخص تانى
بمعنى اسعار السيارات زادت ومش هاترخص ده نتيجة لجشع المعارض والتوكيلات
زى مالحديد ومواد البناء رخصت ومازالت الاسعار كما هى
للعلم انا اتصلت باحد اصدقائى فى توكيل غبور واكد ليا ان اخفاض الاسعار على الالنترا والنيو اكسنت لمجرد انه تصفية لموديلات 2008 والانخفاض هايكون بمعدل 2500 جنيه
ولتاكيد ذلك ان الزيادة مازالت مستمرة ان سعر الفيرنا هايغلى 1000 جنيه
ياجماعة بجد البلد دى بقت كلها جشع وبجد عقابهم من ربنا هايكون عسير على الجشع والطمع ده

**mohamed_kta** · 25-10-2008 01:46 PM

السلام عليكم

طبعاً كلنا نتمنى ان تنزل اسعار السيارات لكن أعتقد أننا لدينا مشكلة فى ثقافة التاجر و السوق المصرى ( اللى بيروح مبيرجعش أو اللى بيغلا مبيرخص).

و ادعوا الله ان هذه الاشاعة تتحقق و لا تصبح مثل اشاعة اتفاقية الجات التى طالما سمعت أبى و جدى رحمه الله يتحدثون عنها !!

فهل هناك مدة زمنية معينة للأنتظار و الصبر ( يعنى شهور و لا سنوات )؟؟؟

**menabigboss** · 25-10-2008 02:12 PM

المشاركة الأصلية كتبت بواسطة mohamed_kta

السلام عليكم

طبعاً كلنا نتمنى ان تنزل اسعار السيارات لكن أعتقد أننا لدينا مشكلة فى ثقافة التاجر و السوق المصرى ( اللى بيروح مبيرجعش أو اللى بيغلا مبيرخص).

و ادعوا الله ان هذه الاشاعة تتحقق و لا تصبح مثل اشاعة اتفاقية الجات التى طالما سمعت أبى و جدى رحمه الله يتحدثون عنها !!

فهل هناك مدة زمنية معينة للأنتظار و الصبر ( يعنى شهور و لا سنوات )؟؟؟

معاك حق .........لان مصر بلد خارج الكرة الارضية......
لا تسري عليهااي اتفاقيات سواء جات او مجاتش....
ولا تسري عليها انخفاض جميع اسعار السلع من دقيق وخضروات وحديد وكل منتجات اي شركة ذات مدخل اجنبي....او محلي.........
وعشت مصر حرة مستقلة........عشت حرة لولادنا وولاد ولادنا دة لو عرفوا يخلفوا ايامها........