برجاء مساعدتی فی الاختيار بين السيارتين ميتسوبيشی اتراج اعلی فئه اوتوماتيك 2015 و سوزوكی سويفت ديزاير سيدان اوتوماتيك 2015 لأنی فی حيرة بين الاثنين !!!!
برجاء مساعدتی فی الاختيار بين السيارتين ميتسوبيشی اتراج اعلی فئه اوتوماتيك 2015 و سوزوكی سويفت ديزاير سيدان اوتوماتيك 2015 لأنی فی حيرة بين الاثنين !!!!
رميل لسوزوكي لان السيارات الصغيرة مجال احتراف سوزوكي
كمان لاحظت ان ات اج بلاستيك رخيص قوي
انا ماشوفتش الإتنين عالطبيعه لكن الفروق على الورق
الأتراج أوسع وأكبر شويه , أطول من السويفت ب 25 سم وقاعدة العجلات أكبر ب 12 سم
الأتراج إستهلاك بنزين أفضل شويه بيوصل ل 20 كم في اللتر في أفضل الظروف , السويفت 17.5 كم
السوزوكى موتور أقوى 87 حصان 114 نيوتن 4 سلندر , الأتراج 78 حصان 100 نيوتن 3 سلندر
السوزوكى نسبة إنضغاط موتور أقل 10.0 مقابل 10.5 للأتراج
السوزوكى فتيس اوتو عادى الأتراج cvt
السوزوكى أتقل بحوالي 100 كجم
الارتفاع عن الأرض واحد 17 سم
سعة تانك البنزين واحد 42 لتر
بناقص الاتراج ال 3 سلندر دى
السويفت صفقه رابحه وينقصها الانتشار وهاتعدى
طيب يا جماعه ..يعنی بالنسبه لمراكز الصيانه وتوافر قطع الغيار واعاده البيع ...حد عنده فكره ...وانهی اوسع فی كنبتها ..وخاماتها الداخليه ؟؟
وموضوع 3 سلندر و 4 سلندر ... هتفرق كتير ؟
الاتنين لسه جداد فى السوق ولسه قطع غيارهم مش منتشره كتير ومع الانتشار اعاده البيع هاتبقى افضل
وفى الوسع الاتراج اوسع والخامات والتقفيل السويفت افضل بمراحل
اه طبعا هايكون فى فرق فى القوه والسحب والعزم
ميتسوبيشی اتراج
انا اتفرجت على الاتراج و دورت الموتور و اتفرجت عليه و قعدت فيها
و قارنت نفس المقارنة من عدة أشهر و الحمد لله ربنا وفقنى للسوزوكى الديزاير و عملت الموضوع ده :
http://www.nilemotors.net/Nile/439246-2015.html
و فيه مواضيع عن الاتراج كمان فيها تفاصيل عنها و ربنا يوفقك للأصلح
بسم الله الرحمن الرحيم
الأخت الفاضله منه
كنت قد شاركت فى مقارنه سابقه بين عدد من السيارات المتقاربه مع بعضها نوعآ ما و أود أن أشاركك بهذه المقارنه. فها هى لك
1 - السيارات موضوع المقارنه بالترتيب حسب سعة المحرك و القوه الناتجه منه:
1 - رينو لوجان سيدان (1600 cc بقوة 90 حصان)
2 - رينو سانديرو هاتش باك (1600 cc بقوة 90 حصان)
3 - كيا بيكانتو (1248 cc بقوة 87 حصان)
4 - سوزوكى سويفت ديزاير سيدان (1197 cc بقوة 87 حصان)
5 - سوزوكى سويفت هاتش باك (1197 cc بقوة 87 حصان)
6 - ميتسوبيشى أتراج (1193 cc بقوة 87 حصان)
2 - السيارات موضوع المقارنه بالترتيب حسب مساحه تخزين الحقائب:
1 - المركز الأول تفوز به الرينو لوجان بسعة مساحة تخزين 510 لتر
2 - المركز الثانى تفوز به الميتسوبيشى أتراج بسعة مساحة تخزين 450 لتر
3 - المركز الثالث تفوز به الرينو سانديرو بسعة مساحة تخزين 320 لتر
4 - المركز الرابع تفوز به السوزوكى سويفت دايزاير (سيدان) بسعة مساحة تخزين 315 لتر
5 - المركز الخامس تفوز به السوزوكى سويفت هاتش باك بسعة مساحة تخزين 210 لتر
6 - المركز السادس و الأخير يكون للبيكانتو بسعة مساحة تخزين 200 لتر
3 - السيارات موضوع المقارنه بالترتيب حسب سمعة الوكيل:
1 - المركز الأول تفوز به الرينو لوجان و سانديرو و كيا بيكانتو
2 - المركز الأخير يكون للسوزوكى سويفت سيدان و هاتش باك
3 - لا يمكن تصنيف وكيل ميتسوبيشى (دياموند موتورز) لأنه جديد و لم يكتشفه أحد بشكل موثق و مؤكد حتى الآن
4 - السيارات موضوع المقارنه بالترتيب حسب الفخامه و الأناقه (من وجهة نظرى الشخصيه و التى لا أفرضها و لكن أعرضها):
1 - المركز الأول مناصفة بين رينو لوجان و رينو سانديرو
2 - المركز الثانى مناصفة بين سوزوكى سويفت سيدان و هاتش باك
3 - المركز الثالث كيا بيكانتو
4 - المركز الأخير للميتسوبيشى أتراج
5 - السيارات موضوع المقارنه حسب توافر ناقل السرعه الأوتوماتيكى:
1 - تستبعد الرينو لوجان و سانديرو و تبقى باقى السيارات
6 - السيارات موضوع المقارنه بالترتيب حسب قوة المكيف (هذا الترتيب مبنى على السمعه و ليس التجربه الفعليه):
1 - المركز الأول تفوز به سيارات السوزوكى سويفت سيدان و هاتش باك (بسبب صموده و كفاءته المستمره فى السفر بعيد المسافة كثير الساعات)
2 - المركز الثانى و بمسافة قريبه جدآ جدآ من المركز الأول تأتى سيارات الرينو لوجان و سانديرو ( ما كانت المكيفات الفرنسيه تقدر على منافسة المكيفات اليابانيه و لكن بعد تعاون رينو و نيسان أصبحت رينو تقوم بتركيب مكيفات نيسان فى سياراتها الأمر الذى جعلها منافس قوى لكل السيارات فى عنصر المكيف)
3 - المركز الثالث يكون للكيا بيكانتو ( بسبب أن المكيفات الكورى فى السيارات الصغيره لداخل المدينه لا تصمد أو تثبت فى سفر طويل و بعيد و لكنها تكون بكامل كفاءتها داخل المدينه)
4 - مكيفات ميتسوبيشى لها سمعه مشرفه و لكن فقط للتأنى و عدم التسرع لا يمكن إعطاء أى مركز للميتسوبيشى أتراج حتى نتبين آداء المكيف على محرك 3 إسطوانات فقط
7 - السيارات موضوع المقارنه حسب إمكانية عمل الصيانات خارج التوكيل:
1 - يمكن عمل ذلك للسيارات السوزوكى سويفت سيدان و هاتش باك
2 - نتوقع إمكانية عمل ذلك للميتسوبيشى أتراج لبساطة محركها (تطبيق ذلك بشكل عملى يتوقف على آداء التوكيل حبث ان آداء التوكيل هو الذى سيحدد إتجاه الملاك للخارج أم بقائهم معه)
3 - تستبعد السيارات الرينو اللوجان و السانديرو و الكيا لعدم الحاجه للإتجاه للخارج لكفاءة الوكيل و طيب سمعته
و الآن أعرض ما حصدته كل سياره من هذه المقارنه:
1 - الرينو لوجان و سانديرو:
1 - المميزات:
1 - المحرك الكبير القوى
2 - المقصوره الأكبر و الأوسع
3 - أكبر مساحه تخزين خلفيه للحقائب والمتاع
4 - المركز الأول فى خدمات ما بعد البيع (كفاءة الوكيل و حسن سمعته)
5 - مكيف قوى ممتاز
6 - الأناقه و الفخامه و الرفاهيه
2 - العيوب:
1 - عدم توافر ناقل حركه أوتوماتيكى
2 - السوزوكى سويف سيدان و هاتش باك:
1 - المميزات:
1 - المحرك الصغير القوى (فارق 3 حصان فقط عن الرينو)
2 - توفير الوقود (خاصة فى الزحام)+(أوفر من البيكانتو و لكن بفارق طفيف)
3 - مساحة تخزين خلفيه للحقائب و المتاع متوسطه (للسيدان فقط)
4 - المركز الثانى من حيث الفخامه و الأناقه
5 - توافر ناقل سرعة أوتوماتيكى
6 - أقوى مكيف
2 - العيوب:
1 - التوكيل من أشهر التوكيلات الفاشله (سىء السمعه و الكفاءه و كأن هذه السياره بدون وكيل)
2- صغر مساحة التخزين للحقائب و المتاع (للهاتش باك)
3 - الكيا بيكانتو:
1 - المييزات:
1 - محرك صغير و قوى (فارق 3 حصان فقط عن الرينو)
2 - المركز الأول فى خدمات ما بعد البيع (كفاءة الوكيل و حسن سمعته)
3 - المركز الثالث فى الأناقه و الفخامه
4 - توافر ناقل سرعة أوتوماتيكى
5 - مكيف متوسط الحال (داخل المدينه ممتاز لكن فى السفر البعيد لا يصمد)
2 - العيوب:
1 - مقصوره صغيره
2 - المركز الأخر فى مساحة تخزين الحقائب و المتاع
3 - قطر العجل صغير (ما يجعل هذه السياره تتأثر و تتضرر بشده من المطبات)
4 - الميتسوبيشى أتراج:
1 - المميزات:
1 - المحرك الصغير القوى (فارق 3 حصان فقط عن الرينو)
2 - ثانى أكبر مساحة تخزين للحقائب و المتاع
3 - توافر ناقل سرعة أوتوماتيكى
2 - مالا يمكن تصنيفه:
1 - كفاءة المكيف
2 - خدمات ما بعد البيع (كفاءة الوكيل و سمعته)
3 - العيوب:
1 - تدنى مستوى الفخامه و الأناقه و التقفيل و التشطيب
هداك الله لأرشد أمرك و أقومه
السلام عليكم و رحمة الله و بركاته
معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟
السوزوكى
سوزوكي
من وجهة نظرى السوزوكى أعلى من الاتراج
الأتراج 2 كامة - موتور مايفك mivec
12 صباب
يعنى 4 صباب لكل سلندر - مكافىء لل 16 صباب فى المحركات ال 4 سلندر
لا خوف من هذه المحركات، لأنها مشابهة لمحركات دايهاتسو ثلاثية الإسطوانات التى تنتج من سنوات و مشهود لها بالكفاءة
أنا سيارتى دايهاتسو شاريد 2007 - 1000 سى سى - 3 سلندر - و التكييف يعمل بكفاءة - اللهم بارك
و قمت بتجربة الميتسوبيشى أتراج - تست درايف - فى الصيف الماضى و كنا 4 رجالة فى السيارة و شغلت التكييف و قرصت على العربية و كانت محترمة و بتسحب كويس.
بس السويفت أفضل فى قطع الغيار (فى الوقت الحالى فقط) -
صلى إستخارة و ربنا يرزقك الخير