-
سوق المستعمل لا تعليق
عربيات تعبانة و سعرها فى السما و عربيات زى الفل و سعرها فى الارض
تعليقا على نقطة وسائل الامان .. قبل ما نقول للتوكيل نقول لجمارك البلد اللى بتحسب الايرباج و وسائل الامان اوبشن و بتاخد جمرك زيادة عليه !؟ طيب يعنى مع انه غلط انك تاخد على الاوبشنز جمارك اصلا بس قول مثلا فتحة السقف و الجنوط حاجات رفاهية و ماشى يعنى رغم انه غلط بس تيجى فى وسائل الامان و رفاهية كمان !!
واضح ان هما شايفين ان مجرد العيشة فى البلد رفاهية
-
هى الفكرة فى تفكير الناس, اللى مرتبط بان الماركة يابانى او غيره, بغض النظر عن ان موديلها قديم و مثلا بيبقى فى التسعينيات وبرده سعر العربية بيبقى مبالغ فيه اوووووى
-
ان فاتك اليابانى مش راجع تانى
مع احترامى لكورولا 2006 و2007 متلزمنيش حتى لو سعرها 30 الف
-
معاك حق في كل اللي قولته و البومة زيرو تقريبا ب140000 جنيه مفيش فيها وسائل امان و واحد عايز يبيعها اغلي 12000 جنيه؟؟؟؟؟؟
بالنسبة لوسائل الامان،مش لما الناس تفهم إن الحاجات دي مهمة يبقي يجبروا التوكيلات تحطها؟؟في ناس كتير بيقولوا مالوا الabs مالوش لازمة اصل في مصر مفيش مطر و الإيرباج نفس الكلام مالوش اي لازمة
-
كلام زي الفل .. انا بقالي فترة بدور على حاجة مستعملة سعرها متوسط وشفت حوال 30 عربية لحد دلوقتي .. واسف في الكلمة عربيات في منتهى السوء ومطلوب فيها ارقام فلكية .. وتلاقي مبررات عجيبة من البائع .. المشكلة ان ده بيحطم السوء عربيات كتيره معروضة للبيع وبحالة سيئة .. وبسعر عالي .. ده بالاضافة لاحتمال كبير جداً ان يضحك عليك لو كنت مستجد في العربيات زي حلاتي كده .. هقول ايه بس .. حسبنا الله ونعم الوكيل في كل ظالم وكل جشع
-
عشان كده انا بركب دائما العربيات اللي محدش بيركبها ولا بتتباع بسهوله
عندك سيات كوردوبا 2006 انضف و احسن ميت مره من الكورولا اللي بتقول عليها و البومة
عندك رينو ميجان انضف ميت مرة منهم كلهم
كل دي عربيات ثابتة جدا و نضيفة و شياكة و أداء و استهلاك اقل و قطع غيار معمره و وسائل امان نازلة فيها من اواخر التسعينات ...
يلا ربنا المستعان
اي عربية من اللي ذكرتهم ثمنها من 65 الف الي 80 الف افضل حاجه و اعلي موديل و حاجه تحفة و جوز بيبان منها برقبة عربيات كتير
حتي الموبايلات .. بشتري اللي الناس مبترضاش تشتريه .. بلاقي فيه امكانيات و سرعه و نضافة و خامات افضل ميت مره من الاشياء المنتشرة و بنصف الثمن
شوف ثقافة الشعب راحه فين و امشي عكسها .. هتكسب دائما و تتقدم
-
طبعا مع كامل اعتراضى على حال السوق مستعمل وزيرو
انما المستعمل بالذات ، طالما مازال مرتبط بعامل العرض والطلب دون عوامل اخرى خارجية يبقى احنا معندناش اي مشكلة فيه رغم كل المهازل اللى بتقولوا عليها ، انما مازال خاضع للعرض والطلب وثقافة الناس في ركوب العربيات
لان اللى عايز يعرض يعرض بالسعر اللى يعجبه طالما هيلاقى مشتري وده في اي حاجة في الدنيا ، ولو قل قل الطلب ساعتها لازم يزيد العرض وتنزل الاسعار
-
بص يا باشمهندس كلامك حضرتك سليم لكني مختلف معاك شوية في بعض النقاط
1- السيارات شئنها شأن اي سلعة شهدت تضخم في الاسعار بشكل بشع خلال الكام سنه اللي فاتوا .
2- الحكومات المتعاقبة لم تبذل اي مجهود لضبط السوق بشكل جدي .. الحل الوحيد اللي انا افهمه واتأكد من خلاله ان دي بلد بتحمي المستهلك من الجشع و الزيادات الغير مبررة هو وضع حد اقصى لهامش الربح
3- سعر المستعمل مرتبط بالضرورة بعلاقة طردية بسعر الزيرو فلو البلد عملت اللي عليها بوضع حد اقصى لهامش الربح سعر الزيرو هيتظبط و سعر المستعمل هيقل
4- التنسيق للإمتناع عن الشراء لفترة من خلال المستهلك ده عايز قدر من الوعي آسف اني اقول انه مش عندنا. للأسف احنا كمصريين بننتهز اي فرصة للشراء او للبيع للظفر ب 1000 جم اقل في سعر العربية وسعتها اي امتناع مش هيمثل اي مشكلة بالنسبة للتجار و الوكلاء.
5- حتى وسائل الامان المفترض تواجدها بتبعتبر في الجمارك كماليات بتنضاف على سعر العربية و بالتالي سعرها النهائي علشان كده التجار بفضلوا العربية المنفضة علشان ده بيحقق اعلى هامش ربح ليهم و الف طظ في ارواحنا معلش ماهو المصريين كتيير و خليها تخف.
فمن الآخر بدون تدخل من الحكومة مفيش اي امل...
مجرد اقتراح: منتدى نايل موتورز اصبح له مكانه واضحه بين مستخدمي السيارت مش بس محبي السيارت .. بين هؤلاء الاعضاء الافاضل مسئولين بالفعل في الدولة.
لذلك اذا تم طلب الاجتماع بالسيد رئيس الوزراء لبحث مشكلة تردي خدمات ما بعد البيع و عيوب الصناعة ودور جهاز حماية المستهلك و طبعا وضع هامش ربح لأسعار السيارات في مصر مقابل وضع رسوم ولو 500جم على العربية الواحدة في حساب خزينة الدولة. اعتقد انه ده ممكن يكون موضع اهتمام وشئ ايجابي جدا للمسئولين عن منتدى من اكبر منتديات السيارات في مصر
بعتذر عن الإطالة
-
http://www.nilemotors.net/Nile/43925...post3875749486
اتفضل فابريكة برا وجوا ورشة بابين واكصدامين .... اعمل ايه دلوقتي
-
سيبه يعرض ويكتب اللي هو عايزه ومين هيشتري ؟؟؟؟؟؟؟؟؟؟؟؟؟؟؟؟؟؟؟؟؟
يا سيدي دول شويه مجانين
Content Relevant URLs by
vBSEO 3.6.0 PL2