المشاركة الأصلية كتبت بواسطة mustafaezz
انا معاك تماما يا eng.mark فى موضوع المستعمل ده
وعملت الموضوع ده على صفحة شهيرة على الفيس البوك فيه ناس كانت معايا وناس كانت ضدى
وفى الاخر صاحب الصفحة طردنى منها.
وكل ده لانى كنت بشوف عربيات مايدفعش فيها نكله وبتتباع بخمسين وستين الف وييجى واحد عايز يشتريها يفاصل معاه فى الفين ولا تلاته وصاحب العربيه المعفنه بيتنك.
والله العظيم من حوالى سنتين كده كنت فى السوق ساعتها الاسعار كانت غالية انذاك يعنى مثلا كان فيه تاجر معاه اوبل استرا 2001 كان عايز فيها 38 قالى السعر ده علشان عرف ان انا فى السوق ببيع عربيتى وكان بيقول لاى حد 45
دلوقتى سعرها بقى 50 و 60 الف ليييييييييييييييييييييه ياعم يقولك علشان الجديد غلى
العيب دلوقتى بقى على التاجر والزبون اللى بيشترى
طول ما فيه مغفلييين بيشتروا التجار لازم يعلوا السعر واللى ماسك دلوقتى السوق كله تجار هما اللى بيحددوا السعر
بس على فكره انا ضدك فيه موضوع ان احنا البلد اللى بتشترى العربية بضعف ثمنها
اسعار العربيات فى انجلترا تعتبر اغلى من مصر
يعنى مثلا كنت بتفرج على توب غير جيرمى كلاركسون كان معاه مرسيدىس اي 250 بيقولك دى من العربيات الغاليه وسعرها بيبدأ من 70 الف استرلينى يعنى بما بعادل مصرى 800 الف جنيه قبل ما الدولار يغلى وكان ساعتها سعرها فى مصر 750 الف
وكذا عربية جابها وجاب سعرها وكان سعرها اغلى من مصر
فا معنى كده ان اسعار العربيات عندنا الى حد ما كويس
بس بره بينزلوا باوبشن مش موجود فى مصر
يعنى مثلا الكيا ريو الشكل الجديد فى انجلترا كان فيها جى بى اس والركن الذاتى واوبشن الواحد ما بيسمعش عنه غير فى العربيات اللى بملايين
وف مره صاحبه المهندس القصير ده كان جايب بوجاتى كان بيقول سعرها مليون استرلينى بما يعادل مصرى 12.5 مليون
يعنى انا شايف من وجهة نظرى ان الاسعار عادية وموضوع ارتفاع الاسعار ده بيبقى بسبب الدولار
بس عيبنا فى مصر ان بيجلنا ازبل العربيات ومافيهاش اوبشن زى عربيات بره
وفي يوم من الايام كنت فى توكيل مرسيدس فا قاعدت شوية اتكلم مع مهندس
قالى المرسيدس معظمه تقفيل مصرى ولو السى 180 جات تقفيل بره سعرها هيبقى فى حدود مليون جنيه
ربنا يعدل الايام دى ويشوفه حل فى التقفيل الزفت والعربيات الزفت اللى بتنزلنا