-
BMW 316i verses 320i
السلام عليكم و رحمة الله و بركاته.
انا بفكر اشترى عربيه جديده و وقع اختيارى على ال BMW بعد خيبة أملى فى ال Mercedes C & CLA 2015 بسبب استخدام السيارتين ل بنزين 95 فقط.
المهم انا محتار بين ال BMW 316i و ال 320i موديل 2015 انا عارف ان المقارنة غير عادلة من الجانب الفنى و السعر! بس انا عندى بعض الأسئلة ارجو من حضراتكم الإفادة و لكم جزيل الشكر ؛
- هل يوجد عيوب لل 320i المجمعه محليا؟
أنا ملاحظ انتشار العربيه بشكل جديد فى الشوارع، و هذا دليل جيد على وضعها الفنى و التسويقي. بس انا لى أكثر من صديق اشتكى من ال318i المجمعه محليا.
- هل ال motor 2000 cc لل 320 يستاهل الفرق المبالغ فيه في السعر بين ال 320 و ال 316؟
الفرق يصل ل 100 الف جنيه في السعر بين ال Luxury line للسيارتين
- الخسارة فى السعر فل حاله البيع - من المتعارف عليه أن ال BMW بتخسر كتير من السعر في حاله البيع، مين في الاتنين بيمسك نفسه في البيع اكتر ؟
لكم جزيل الشكر مقدما
-
حضرتك ممكن تزور اللينك ده اعتقد فيه ردود على كل استفساراتك ولو فيه حاجة نقاصة يسعدني اجاوب حضرتك عليها ....
http://www.nilemotors.net/Nile/436519-316-320-a.html
-
-
لو مش فارق معاك فرق القوة في الموتور يبقي هات ال316 و هي برضه مش وحشة أوي يعني ... هي 136 حصان و ال320 بتبقي 184 حصان يعني ال50 حصان فرق دول ب 100 ألف جنيه ... ال2 هيكيفوك بصراحة و لكن من رأيي هات ال320 ,,, الاتنين هيخسروا جامد عند إعادة البيع بس مين أصلا هيفكر يبيع بي ام
-
بص انا صاحب الموضوع التانى اللى الاستاذ مودى قالك عليه كنت محتار نفس حيرتك دى وكنت حاجز 316 فعلا ووقت الاستلام غيرت جبت 320 اكسكلوسف ودى الفرق بينها وبين ال 316 لكشرى 46 الف فرق الموتور وفتحه السقف والكراسى الكهربا هيا اهم الفوارق بين العربيتن الفرق فى استهلاك البنزين ضعيف جدا مش هتحس بيه انا لسه مستلمتش بس دى تجربه ناس قبلى راكبين العربيه كلهم اكدوا كمان ان التقفيل المصرى لا يقل عن الالمانى لكن هيا دى النقطه اللى كنت خايف منها بس استخارت ربنا وربنا يبارك ان شاء الله
اما لو بتكلم فى ال 320 اللكشرى فياراجل حرام عليك عربيه ما شاء الله وهم كفايه لون الفرش والزينون انا عندى برشور واخده من الوكيل بيوضح الفرق بين جميع فئات ال 316 وال 320 ان شاء الله فى اقرب وقت هعمله اسكان واعرضه على الموقع هنا اتمنى اكون فيدتك وبما انى كنت محتار نفس حيرتك فاى سؤال عايز تسال فييه اسال
-
بالنسبه لموضوع اعاده البيع فهو لصالح 316 طبعا وده لانها 1600 سى سى بحكم ان فى مصر هنا الناس بتعمل حساب لموضوع البنزين ده خصوص زبون المستعمل لكن الفرق مش كبيير اوى يعنى مثلا لو ال 320 بتخسر 50 فى اعاده البيع ف ال 316 بتخسر 45 ده مثال فقط ليست ارقام حقيقه
-
ممكن حضرتك تبعتلي البرشور اللي فيه المقارنه بين العربيتين bmw320i و bmw316i الجديده موديل ٢٠١٥وشكرا جزيلا
Content Relevant URLs by
vBSEO 3.6.0 PL2