انا بس الى مزعلنى ان مفيش فرق اصلا فى السعر برة بسبب trade mark او غيرة (بالنسبة للامثلى الى انا جايبها )...
احنا بس الى عندنا الموضوع دا
انا بس الى مزعلنى ان مفيش فرق اصلا فى السعر برة بسبب trade mark او غيرة (بالنسبة للامثلى الى انا جايبها )...
احنا بس الى عندنا الموضوع دا
يا ريس فرق 500 دولار او الف دولار
ده مش فرق بسيط
ده فرق كبير بالنسبة لاسعار العربيات هناك
و لما تضرب الفرق ده في سعر الدولار و قيمة الجمارك هتلاقي الفرق ده بيتضخم
الكوري مش بسعر الياباني ...ولا قرب منه
اللي عايز يقارن بين عربيتين يثبت العوامل الأتية :
1 - الفئة ..(مش السعرية الله يخليكم) الفئة الحقيقية و ده موجود في صفحة وكيبيديا لأي عربية
2 - الموديل و الجيل (يعني مش عربية جيل قديم بس موديل 2009 تتقارن بجيل جديد موديل 2009)
3 - العربيتين يكونوا بسعر الوكيل وليس الخليجي
4 - تساوي الفئة في التجهيزات ( يعنى ماتقارنش الهوندا أول فئة بالسيرتو الهاي لاين , قارن الهاي لاين بالهاي لاين)
5 - ياريت ...يــــــــــاريت بلاش حد يقول رأيه في الأداء وهو مجربش كويس و محدش يحكم على عمر عربيتين بقالهم في السوق سنة علشان الموديل اللي قبلهم بقاله 10 سنين.
6 - لا نقارن سيارة مصنوعة خارج اليابان بسيارة مصنوعة خارج كوريا ..مش عيب في المصانع دي ..بس بلاش نقول صني و فيرنا ونقارنهم بنفس الفئة و جاية من اليابان او كوريا .
و لاحظو حاجة ..احنا بنتكلم في مرحلة تشهد تطور و دفعة قوية و مخطط لها بالذات من مجموعة هيونداي (هيونداي و كيا) لرفع مستوى صناعتهم - في مجال السياراتطبعا لأن هيونداي متقدمة جدا جدا في الحاجات التانية- و التهديف للمنافسة مع اليابانيين ..
حاليا ..ذكر ان الفرق هو اسم الصانع أو تاريخ و سمعة الصانع هو خروج عن الهدف الموضوعي للحديث وهو حجر على مجرد مشاهدة النجاح الكوري او حتى استيعابه و الحقيقة انا مش فاهم ليه الحماس و الحمية دي ؟
انا اشتريت عربية كوري ..وليس عن عجز ميزانية أبدا و لكن عن اقتناع تام
ولن أدافع عنها بشكل غير موضوعي لأن لها عيوب ايضا
و قريبا أو بعيدا ان شاء الله قد أنتقل لسيارة أقوى و أفضل و لن تظل هي سيارتي و لكن رأيي سيظل مكتوبا على صفحات المنتدى
وأنا لا أحمل جواز سفر كوري ولا ياباني (هو الأخضر ابو نسر اللي جايبنا ورا) ولا أكن حبا لشعب كوريا ولا اليابان
لماذا لا نجرب ؟
لماذا لا نتناقش بموضوعية ؟
في ناس بتجيب كلام صنايعية ..
وناس بتسرد تفاصيل لا تثبت الا بزيارة المصنع ..مين يعرف مراقبة الجودة في مصنع كذا السنة دي مستواه ايه ؟؟؟
وناس بتقول سمعت ...
ليه اللي عايز يتكلم و يثبت الن الياباني أفضل أو الكوري أفضل ما يجربش عربيتين ؟؟
و التجربة مش لفة زي بتاعة اديني لفة يا كابتن لأ ..جرب عربيتين فترة كويسة
إيــه ؟ كتير ؟ يبقى اللي ماعندوش وقت يجرب كتير ما يستغلش وقته الفاضي انه يفتح مدرسة التوعية ضد الصناعة الفلانية أو العلانية و خلاص ...
انا ارتكبت الغلط ده ...
وجربت مثلا التويوتا كرولا تلات مرات و قلت رأيي في الفتيس و بعدين لاقيت ناس كتير من الملاك بيقولوا انهم عايشين عادي و الدنيا زي الفل
يبقى كان المفروض اركب العربية لفترة أطول ...و تراجعت عن الخوض في الموضوع لأني مقتنع انني لم أجرب بما يكفى لخوض النقاش ...
انا كتبت الكلام ده لأني قريت الموضوع كاااملا دلوقتي ..الـ121 مشاركة كلهم و شفت بعض الردود الغير منطقية ولا موضوعية ولا علمية ولا أي حاجة ...وكلها تدور حول نفس المعنى المستهلك
ده منتدى يا شباب ...و متخصص و احنا ناس بنكتب و ناس بتقرالنا و بتقيم كلامنا و في ناس بتاخده دليل
لازم نراعي صورتنا قدام القراء و نراعي ضميرنا ..و نراعي ربنا
كلامي يمكن حد ياخده انه تقيل ..بس و الله ما قصدي اذم حد ولا ألمح لحد
ياريت نتعب شوية ..والكلمة تكون بدليل
و ممكن تكتب قدامك على المكتب علشان دايما تفتكر...
انا حاجة ..و العربية اللي تحت دي حاجة تانية
كلمة واحدة..أحييك
وايه المشكلة لما نعترف بكدا؟؟؟اقتباس:
حاليا ..ذكر ان الفرق هو اسم الصانع أو تاريخ و سمعة الصانع هو خروج عن الهدف الموضوعي للحديث
فرق السعر = اسم و تاريخ " مش جودة "
انا كدا فهمت صح ولا ايه؟
طبعا مافيش مشكلة-بل لامفر- من الاعتراف بإن السيارات اليابانية لها سمعة جيدة وتاريخ محترم جدا لا تملكه الصناعة الكورية
ولكن ...
هل سمعة السيارات اليابانية المحترمة و الجيدة تمنع السيارات الكورية من المنافسة بالجودة و محاولة تكوين سمعة لها أيضا ؟؟
هذا هو السؤال ...
بمعنى أخر ...هل "لو" انتجت كوريا "يوما ما" سيارة أفضل من أخرى يابانية بشكل قاطع ...هل يمكن ان يعترف حاملي اقداس اليابان -وهم في مصر الأكثر انتشارا- بهذا أم لا ...ام تظل وصمة الجنسية "الغير يابانية" تصم النجاح الكوري لتحوله في نظرهم الى فشل لا يرقي حتى لنناقشه !!
صدقني ..البعض لا يمتلك مساحة من الاستيعاب تتسع لهذه الحقيقة ولو بشكل افتراضي
و السبب ...سمعة الياباني = كل حاجة
انا مازلت ارى انه مازال هناك الكثير و الكثير امام الكوريين (وربما هو شدييييد الصعوبة) ان تتفوق شركة مثل كيا أو هيونداي على صناع عتاولة مثل تويوتا أو هوندا بشكل مستمر وعلى جميع الجبهات .
و لكننى استطيع ان استوعب قدرة اي من الشركتين على انتاج منافس قوي و مخيف للعمالقة ..وقد تربح بعض الجولات ...
لأنني لا أقدس بشرا ولا اتعصب لصناعة
بل اتناول كل ما هو قابل للطرح ..اسمع ..اناقش ..و اجرب ..و اعترف باستنتاج الغير ان كان مقنعا
و أخذ بنتائج التجربة مالم اخضها و اكتشف العكس
يا دكتور أحمد
ما هو رايك فى صفقات شراء :
1-بريليانسfrv
2-بروتون جين2
3-بريليانس سبليندور
4-كيا سيراتو الجديدة
5-تيوتا كورولا
6-bmw 316i
تحديد جودة الصفقة له عوامل مزدوجة احدها يتعلق بالطرف الأول (المشتري). يعني كلامي يفرق من شخص لشخص..
بس عموما انا شايف العربيتين اللي في الأخر المفروض ينزلوا شوية بس الاتنين بيبيعوا اسم و شهرة واسعة ..
وده ليه تمن في مصر لا يمكن اغفاله
يعني انا اعترف اني موافق اشتري بي ام بربع مليون و انا عارف انها المفروض تتباع أقل من كده بس ده بسبب اني هاجيبها علشان عايز اجيبها و خلاص ..
و نفس الكلام ينطبق على التويوتا ولكن بدرجة أقل ..
ما عنديش معلومات كافية عن السبليندور فا مش هاتكلم عليها .
البريليانس frv (كانت) صفقة جيدة أول مانزلت ولو ان الناس بتشكر فيها جدا لحد دلوقتي ومازالت صفقة منافسة.
البروتون ايضا صفقة جيدة في نظري ...
أما السيراتو ..أظن توقيعي معبر عن رأيي
و في النهاية ...اي شخص يعقد صفقته ..فهي مناسبة له لأنه هو اللي اختارها
مع احترامى لكل العربيات الخمسة الى فى الاول
ال بى ام عربية محترمة حقيقى
وبتبيع عربية بجد مش مجرد اسم ابدا
بلاش ال بى ام
الجولف مثلا
فى فرق كبير بينها وبين اى منافس يابانى او كورى
ودا كا اداء او تقفيل او خامات او شكل وكل حاجة
الفكرة دلوقتى
فى اليابانى والكورى
هل يوجد فرق حقيقى؟
والا المفرض اليابانى والكورى يبقوا تقريبا بنفس السعر زى بره كده؟؟
اتفق معاك ان الايطالي والاوروبي حاجة و العربيات التانية حاجة
و انا كمان اتفق معاكم الاوربي و خاصة الالماني حاجة
و العربيات التانية حاجة تانية
الاسيوى كله صابون
زي الموبايلات يعملك موبايل بيلف ، موبايل بيتزحلق ،،
و كل ثلث اشهر ينزلك موبايل جديد عشان تغير الموبايل القديم
فمش فارقه معايا خاااالص
و لا الصين نزلت عربية جودتها شغاله
هاشتري عربية صيني بتلف و تطلع نور ،،
حد يفهمني ايه العلاقة ما بين الشكل الحالي للكورولا و الشكل اللي قبله و الكورولا العيون
رغم ان كلهم تطور نفس الموديل خلال عشر سنين بس
بس يعني ميبقاش توكتوك الماني احسن من اوتومبيل ياباني او كوري
بس دلوقتى يا احمد باشا...
انا بدأت اتخلص نوعا ما من عقدة اليابانى....لانى صراحة ورثتها عن والدى ..:36_3_10[1]:
وبفكر ابيع اليارس...واجيب النترا او سيراتوا او حين 2 او اوبترا وبقية الشلة ال 1600....
يعنى على اساس ان دول فئة اكبر ..ومواتير اقوى...
مش عارف بقى هندم وهحس بفرق .
لان انا سواقتى خشنة وقاسية على العربية حبتين..
فهل ياترى الكورى هيستحملنى..
الياريس لحد دلوقتى 27000 كيلو..والعربية كفاءة..مفيش اى صوت او زنة او اى حركة قلة...رغم ان انا معملتش الا صيانة ال 5000...وبعد كده غيرت زيت بس....العربية ناعمة وزى الفل ..واداءها كويس جدا..
بس بفكر اعمل مبدئيا تست درايف للجين 2...
العربية دى سعرها ممتاز..
وكلام الاخ توت...اغرانى جدا ...
دا حتى استهلاك البنزين...تقريبا الجين 2 زى الياريس ....
مش عارف ليه بقى الواحد يدفع فلوس زيادة اوى كده فى اليابانى...
صحيح انا كان ليا تجربة سابقة مع الكامرى....وفضلت معايا من سنة 1994 لحد 2007..وعمرها صراحة ما اشتكت ولا عملت الدنيئة فى يوم...كنت بغير زيت وبس لا اكثر والله....والصراحة يعتمد عليها لابعد الحدود..
السؤال دلوقتى...
هل الكورى اخره من 3 الى 5 سنين وبعد كده لازم يتغير...
على عكس اليابانى الى من تجربتى فضل معاايا 12 سنة تقريبا..والعربية مكنتش بسمع صوت موتورها وهى دايرة..
هل الكورى نفس الكفاءة ...ويعتمد عليه ...
انا عربيتى الجاية هتفضل معاايا على الاقل خمس سنين وانت طالع ...
فا هل الكورى خيار يطرح نفسه...
والا تفتكر الواحد يجيب لانسر فاضية مثلا...احسن مايجيب سيراتوا كاملة؟؟؟
لا يا ريس تغير العربية ليه ؟؟؟
و تخسر فلوس ،،
الياريس حلوة و جراية و ناعمة
روقها و روشها و عدل فيها شوية
و استمتع بيها كمان و كمان
و لما ربنا يكرم في الوقت المناسب ابقي غير ،،،
انا والله حبيت العربية جدا....
وهى جميلة حقيقى ..رغم انها غالية حبتين..
بس كل شوية اقول بينى وبين نفسى ..الواحد كان جاب النترا ...1600 وفئة اكبر وكده...
بس ارجع واقول يابانى ...واصلى ..
بس دلوقتى انا نظرتى اتغيرت بفضل الموضوع دا...
وبقيت شايف ان الكورى تقريبا زى اليابانى...والفرق مش مستاهل ابدا الهالة الى معمولة حوالين اليابانى...
والصراحة السيراتوا الجيدة برده عربية محترمة جدا...شكل جميل جدا مفيهوش غلطة..
ووزنها اثقل من الالنترا ...يعنى ثبات افضل ...دا غير الجنوط والكاوتش الاكبر..والكماليات....باختصا ر صفقة مميزة...
ايضا الجين 2 من خلال كلام الاخ توت العربية كفاءة...وبالنسبة لسعرها دا تعتبر صفقة ناجحة جدا...
واعتقد من الخطء القول بأن دا كورى ودا يابانى...يبقى اليابانى يكسب...
الكلام دا عفى عليه الزمن...
انت عارف...
لو بنتكلم فى المانى....او انجليزى او ايطالى او امريكى....دا وضع تانى..
والناس دى قديمة جدا...وليهم مكانة خاصة ...
وبرده مش معنى ان العربية المانى او ايطالى...تبقى الافضل ...
ياريت نكون واقعيين وعمليين اكثر من كده..
ووداعا لعقدة اليابانى..
الحقيقة انا نظرتى اتغيرت نوعا ما من ناحية يابانى وكورى والكلام دا..
أنتو لسه بتتكلمو فى الموضوع ده ياجماعه خلينا نعترف بأى عربيه جديده محترمه وننسى الثقافه القديمه بتاعت الألمانى واليبانى والكلام اللى بقى يدخل الناس فى مهاترات مع بعضها ده
يا باشا ربنا يكتر من أمثالك و عقلياتك كدا ( يا رب الناس تفوق )
اه و اللهاقتباس:
أنتو لسه بتتكلمو فى الموضوع ده ياجماعه خلينا نعترف بأى عربيه جديده محترمه وننسى الثقافه القديمه بتاعت الألمانى واليبانى والكلام اللى بقى يدخل الناس فى مهاترات مع بعضها ده
الموضوع دا بيخلي قسم المقارنات في المنتدى يتقلب لخناقات .. حاجة تكسف والله ( ربنا يهدي )
العربية ال الهيونداى اى 20 الى انت حاطتها فى التوقيع على فكرة واخدة اربع نجوم من خمسة على وات كار
العربية تحفة على فكرة...وبره بيشكروا فيها يمكن اكثر من الياريس
هى نفس فئة الياريس على فكرة
بس هى بره بتنزل 1400 سى سى
بس فى الجورنال كنت شفتها هنا فى مصر هتنزل 1600 ..الى هو الموتور بتاع الالنترا
شوف بقى الموتور دا على الحجم الصغير والوزن دا هيدى تسارع جامد جدا
العربية دى و نزلت ب حاجة وتسعين كده...الكاملة طبعا
هتبقى تحفة....بجد
اه فعلاً هتكون عربية روعة ( بحبها جداً )
و غبور افندي اكتشف اخيرا ان الناس عايزة وسائل امان .. فنازلة بالإيرباجز و الـabs .. بس متعديش التسعينات (الكاملة)
لا فرق بين الكوري ( الهيونداي بالتحديد) والياباني.
دلوقتي سيارات هيونداي سيارت اعتمادية وممتازة وذات جودة عالية حسب التقارير العالمية.
يعنى الحقيقة انا ملاحظ ان اسعار الكورى واليابانى مفيش فرق بينها فى اوروبا واميركا...على عكس مصر...
ودا مكن يخلينا نستنتج ان مفيش فرق تقريبا ...
صحيح التاريحخ يصب فى مصلحة اليابانى...
لكن الواقع اختلف...
الحقيقة انا مش عارف هل حقيقى مفيش فرق ..والا لأ..
لان انا بدات افكر فى سيارة كورى ...تكون اكبر واوسع من الياريس ...على الاقل لما ابقى افكر اغير او اشترى بعد كده ....
وبحاول فى المرة القادمة ان اتخلى عن عقدة اليابانى...
ما فيش داعي للتعصب للياباني بدون تدقيق ومقارنات ( عقدة الياباني).
العالم كله بيقول ان مستوى الكوري وصل لمستوى الياباني ( وافضل في بعض السيارات ) وانت بتقول متقرنش السيراتو بالمازدا !!!!!!!!!!!!!!!!!!!!!!!
يارب كل اللي عنده عقدة الياباني يخلص منها ويفتح عقله وودانه للمقارنات.
يا عم لا عقدة ولا غيره .ز وبلاش بقه الكلمة الخايبة اللي ماسكين فيها دي ... مش كل الياباني زي بعضه ..ز مثلا أنا مبحبش اللانسر ولا الياريس ولا افضلهم عن الألنترا او السيراتو .. بس بلاش مبالغة وتقولي تتقارن بالمازدا ... وهي لسه مكملتش حاجه وعيوبها بدأت تبان والله اعلم بالجاي ..،
وبعدين اي واحد بيفهم وركب العربيتين هيعرف ان الفرق شاسع ومفيش مقارنة اصلا ..
بلاش بقه نظيط وخلاص ونقول كلام غير صحيح بالمره لمجرد الدفاع .. وكل واحد يشتري اللي عاجبه وهو حر .. بس على الأقل متقلبوش الحقائق
الاخوه اللى مصممين ان اليابانى زى الكورى
اقول لهم كلامكم صح فى اول 3-4 سنوات لان الفرق مش بيكون واضح و لكن مع تقدم عمر العربيه بيظهر فرق كبير بين التصنيع اليابانى والكورى مع كامل احترامى للسيارات الكورى اللى بالفعل تطورت كثيرا فى السنوات الماضيه ولكنها لم تصل الى نفس مستوى جوده اليابانى لان اليابنين بيطوروا نفسهم مش واقفين عند حد وخلاص
justs مع احترامي العربية تقارن بالسيراتو ممكن لكن مش السيراتو الي تتقارن بيها
انا والله شاكك من كتر مانتا بتكلم عنها انك راكب lexus مش مازدا 3 !!!!!
ياريت تعيد النظر فالكلام دا ..!
تقبل تحياتي
لا يا باشا مش هعيد النظر في كلامي ولا حاجة .. حاول انت تركبها اعلى فئة وتركب السيراتو اعلى فئة .. واحكم انت بحيادية .. وانت هتلاقي كلامي في محله ومفيهوش اي مبالغة ... ولكن المبالغة بصراحة هي وضع السيراتو في مقارنة مع عربيات بمنتهى الصراحة والصدق ، لا ترتقي السيراتو للمقارنة معها في اي شيئ الا انها اقتربت منها في السعر ( فرق سعر من 2000 ال 25000 ) رغم بعدها كل البعد في الجودة والصناعة والاعتمادية وطول العمر وبصراحة الفرق شاااااااااااااااااااااااا ااااسع .... " وكما قال احد التجار ( السيراتو دي هوجه وهتخلص )" ...، واقسم بالله العلي العظيم ان رأيي ده لا تحيز لعربيتي ولا للصناعة الياباني ولا اكثر من تجربة عربية ( السيراتو ) وتجربة المازدا3 ( قبل ان امتلكها ) ، واقسم بالله بردو اني لا اهدف ابدا للتقليل من احد او التعالي على احد ولكن فقط اتحدث من باب النصح وحب الخير لغيري كما احبه لنفسي ، ولن يضيف لي شيئا ان يقتنع احد بكلامي ، ولن ينقص مني شيئا ان يرفضه احد ..... وفي النهاية لن يتغير الواقع بالأوهام..
مع تحياتي
ربنا يا باشا يخليهالك و تفضل مبسوط بيها علي طول كدا
الف مبروك على الماذدا 3 يا استاذ justs وربنا يباركلك فيها
انا مع حضرتك طبعا الكورى فعلا بيتقدم بس فعلا لسه لم يصل الى مستوى اليابانى !!!!!!!
السيراتو الجديده من الامام هوندا ومن الخلف لكزس is والتقليد واضح جدا
انما الماذدا 3 احلى تصميم فى الفئه دى من وده راىء شخصى- يعنى العربييه دى تبصلها من اى زاويه تلقيها جميله جدا -
المفاجاه بقا انى مش عاجبنى خالص شكل الماذدا 3 الجديده من اى زاويه مش عارف ليه ومع ذلك الناس كلها بتقول شكلها جامد وفيه واحدة جارتنا اشترت واحده لونها احمر وحاسس ان شكلها مش متناسق خالص
دى برده راىء شخصى علشان محدش يزعل
يبدو ان الاخوة المتحيزين للياباني بشكل متعصب. مشافوش التقارير العالمية ومتبعوش الاخبار العالمية و احصائيات المبيعات .
العالم كله بيقول حاجة وانتو بتقولو كلام مخالف له . بالذمة الواحد يصدق مين
:pointi~2[2]::pointi~2[2]::pointi~2[2]:
غير كده التجربة خير برهان ودليل على كفائة الكوري ( الهيونداي) المكافئة للياباني او افضل في بعض السيارات..............
يا باشا ربنا يبارك فيك ...
وعلى فكرة فرق الكوري عن الياباني مش بس في التصميم .. ده دي اقل حاجة .. لكن الأهم ان فيه فروق واضحة جدا وفعلا شاسعة في جودة الخامات ونظام التعليق والثبات والموتور والتقفيل والعمر الأفتراضي .. ورغم ان فيه ناس بتجادل في ده .. الا اني حاسس انهم من جواهم عارفين ان ده الواقع لأنه واضح لأي انسان حتى لو كل خبرته في العربيات انه بيعرف يسوق ..
بالنسبة لتصميم المازدا الجديد هوه فعلا مش عاجبني انا كمان وعلى فكره كان نازل وموجود لما اشتريت عربيتي من اقل من شهر وأنا فعلا فضلت الشكل اللي معايا عن اللي نزل جديد .. وواكتر من تسعين% من اللي اخدت رايهم قالولي الحق هات الشكل ده . وكمان دخلت على منتديات بره اشوف راي الناس بره لقيت أن الغالبية العظمى غير معجبه بالشكل الجديد وبيقولو أن الشكل اللي قبله أجمل بكتير وله شخصية مستقلة فعلا ورياضي اكتر .. وعموما هو اللي اختلف الشكل بس والعربية هي هي في كل حاجة لأنها أصلا كانت سابقة عصرها بسنين ولسه سابقة ، وفي النهاية الشكل ده اذواق .. وعلى فكره غالبا الشكلين هيستمروا مع بعض نظرا لرد فعل محبي مازدا على الشكل الجديد والله اعلم ، المهم في النهاية بالنسبة لي لم يعجبني الشكل الجديد اطلاقا والحمد لله اني جبت الشكل اللي معايا وكمان ربنا كرمني وجبت اللون الؤلؤي وفعلا شكل العربية في اللون ده فارق جدا عن اي لون في المازدا3 وأنا الحمد لله مبسوط بيه جدا وفعلا سعيد جدا باختياري وكله بفضل الله ورزقه ... ما شاء الله ، الله أكبر ، ولا قوة الا بالله العلي العظيم
تقبل تحياتي
مبروك يا بشمهندس على الاختيار ..اخير استقريت على موديل
بس عاوز اضيف ان الشكل الجديد اجمل بكتير فى رايى ... .و فى الشكل الجديد تم تطوير الهيكل برضو , و معالجة حاجات كنت موجودة فى الهيكل القديم , منها مثلا ان ارتفاع السيارة زاد عن الارض , و الشكل القديم كان ضعيف شوية فى التصادم , الجديد متوقع ياخد تقديرات احسن اكيد , دة غير ان تم تطوير نظام التوجية و زيادة ثبات السيارة فى المنحنيات .
الخلاصة يعنى ان فى تطوير كتير حصل مش فى الشكل بس , لكن فى اداء السيارة على الطريق كمان
- اما فى التصميم الداخلى , اعتقد التصميم الجديد يكسب بكل سهولة .
وهى طبعا مسئلة اذواق زى ما انت قولت ...بس كان الافضل انك تجرب الشكل الجديد على الطريق قبل ما تستقر على اختيار النهائى ...اما مسئلة راى الناس فدى ظاهرة طبيعية ان الشكل الجديد بيكون صادم شوية و العين ليسة لم تتعود علية .
عشان كدة معظم الاراء بتكون متحيزة ناحية الشكل القديم لفترة من الوقت , دى ظاهرة بتحصل فى كل الشركات تقريبا مش المازدا بس ..لكن بتختفى بعض وقت قصير , و بيظهر جمال الشكل الجديد .
انا اختلف فى الراى مع الكابتن اللى بيقول ان اللانترا افضل من الياريس دا كلوا علشان السعة اللترية , بص للقوة والسحب والعمر الطويل للعربية والجودة والتبريد والتكييف وحاجات كتيرة تانية يعنى هات عربية هونداى موديل 2000 واستعمال نظيف وهات عربية كورولا موديل 1995 واستعمال نظيف واركب الاتنين وشوف فرق القوة والسحب والسرعة وعندك اللانترا عزمها 140 نيوتن والياريس 135 نيوتن مع ان الياريس 1300 سى سى ولكن الياريس 1500 سى سى عزمها 155 نيوتن الكورى عمره ما هيوصل لليابانى وفى الاخر مصر عندنا كوسة فى الاسعار فى السعودية الياريس 1300سى سى اقل فئة ب 42000 ريال واللانترا 1600 سى سى فل اوبشن ب45000 ريال
بعد ما قريت ال-١٥٦ مشاركة...
أولاً كل سنة وانتو طيبين و رمضان كريم .
ثانياً أحب أضيف معلومة مش عارف إذا كان حد عارفها ولا لأ ، المازدا اللي موجودة في أمريكا مازدا USA ، و الكيا اللي في أمريكا خارجة من مصنع مازدا USA.
الكلام دة مش من دماغي دة كلام والدي اللي شغال في مجال السيارات من ٣٥ سنة ، و هو حالياً مقيم في أمريكا من ١٥ سنة . و لما نزل مصر من شهر كنا بنتكلم على العربيات (كالعادة ) قلي إن الكوري في أمريكا متقدم جداً و فيه موديلات كتيرة حققت نجاح مش متوقع .
لما نزلنا علشان نشتري قلي حاجة غريبة أوي ،مش ديه العربيات اللي بتنزل عندنا خالص (الكلام كان على الكوري والياباني ).
فيه حاجة كمان، مش كل الأوروبي في أمريكا ليه قيمة، الفيات و السكودا مش بتنزل أمريكا أساساً !!!
من كل الكلام دة أنا عايز أقول حاجة واحدة ، احنا مصر في كفة و العالم في كفة ، ممكن في كم موديل معدودين اللي بينزلولنة ذي برة.
أستاذ طارق كل إحترام لرأيك.
ثالثاً
مش كل الياباني أحسن من كل الكوري ، في مبدأ أنا ماشي بيه و هو اني اشتري العربية اللي صنع بلدها يعني - اشتري الالنترة الكوري و مشتريش الكورلا الجنوب أفريقي ، و اشتري اكورد ياباني و مشتريش E-class مصري ، و كل واحد و احتياجاته بردو ، أنا مأدرش أقارن ياريس بإلنترا علشان ديه فئة و ديه فئة (الالنترة هتكسب )، بس ينفع أقارن إلنترا بمازدا ٣ (المازدا هتكسب و مش على شان هي ياباني على شان لما تسوقها كام ساعة هتعرف أنا بتكلم في إيه ).
يارب كلامي يكون مذعلش حد مني، و أنا بحاول أكون محايد في رأيي على أد مقدر .
و شكراً
ايه كل دا هو الموضوع دا مش كان هدى شويه ؟
عموما ننعنشه تانى :d
ممكن حد يقوللى
ليه المازدا 3 الشكل الجديد 2010 ( 150 الف الى 177 الف )
والسيفيك ( 150 الف الى 188 الف ) ومن المحتمل ان موديل 2010 ينزل أغلى
بتمن الاوكتافيا والجيتا والجولف 5 والفيكترا والفيات برافو والبيجو 308 والرينو سينيك
وكمان أغلى من الليون والأسترا والفورد فوكس والميجان والسيتروين c4 ؟؟؟؟؟؟؟؟
أما الياريس 1500 عزمها هو 140 نيوتن - متر فقط لا غير ........ بصراحة مش عارف حضرتك أرفقت الأرقام دي منين
أنا أرقامي أرفقتها من موقع تويوتا ............. أتفضل أدخل و دور بنفسك علشان تتأكد أني مش غلط .
و فيه فرق كبير في الإلنترا و الياريس .......
أولا فرق الفئة ........... الإلنترا فئة الكورولا بسعر الياريس .
ثانيا فرق الحجم ........ حجم الإلنترا كصالون أكبر ... و أوسع ...... و شنطة أكبر ...... و سعر إلى حد ما معقول بعكس الياريس .
ثالثا فرق الموتور ...... موتور الإلنترا أفضل و أنعم و أقوى و عزمه أعلى بكتير كما وضحت سابقا .
الياريس هي السيارة التي تدخل بها تويوتا السوق مخاطبة الشباب قليل الميزانية ( مش في مصر علشان التوكيل بيسعرها زي العربيات الكبيرة ) .... و لكن ثمنها في أمريكا هو 85 ألف جنيه مصر لأعلى فئة في موتور 1500
و الإلنترا هناك بتدخل في فئة حوالي 100 ألف جنيه مصري ......
الأرقام من على موقع ياهو لأسعار السيارات الحالي في السوق الأمريكي ......
شوفت الفروق كتيرة ازاي ...... آه نسيت أهم فرق الناس معتبراه فرق
أن الياريس صناعة اليابان .......... و الالنترا صناعة كوريا الجنوبية اللي فازت كأفضل سيارة في عام 2008 تقريبا في الولايات المتحدة الصهيونية .
و رمضان كريم .
يعنى الكيا فى امريكا خارجه من مصنع ماذدا امريكا
على كدا الماذدا فى امريكا طالعه من كيا امريكا
هو بصراحه دى وجهة نظرك بس انا مش معاك خالص فيها
يعنى تشترى هوندا اكورد ومتجبش e class
مع انى ال e class فئه اعلى من الاكورد وكمان مرسيدس بنز
على فكره العربيتنين مش ينفعوا يتقارنوا مع بعض خالص
الاكورد ممكن تتقارن مع الفيكترا والباسات والكامرى
انما e class !!!!!!!!!!!!!!!
الكورولا الجنوب افريقى بجودة تويوتا وتوقيعها واعتماديتها وبكل الاوبشنز اللى فيها وفارق السعر الكبير بينها وبين الالنترا تختار الالنترا علشان كورى
بصراحه وجة نظر غريبه جدا طبعا مع كامل احترامى ليك ولوجهة نظرك
تحياتى
تم تغيير اللون الأحمر الى الأزرق. يرجى عدم إستخدام اللون الأحمر حيث أنه مخصص للمشاركات الاداريه
مشرف عام الاياباني