:ph34r:موضوع لفت نظرى ليه اسعار السيارات الكورى ممكن يبقى ازيد من اليابانى مع اختلاف الجودة والعراقة لصالح اليابانى طبعا """ طب ليه احنابنشترى الكورى""؟؟؟؟ :k41:
:ph34r:موضوع لفت نظرى ليه اسعار السيارات الكورى ممكن يبقى ازيد من اليابانى مع اختلاف الجودة والعراقة لصالح اليابانى طبعا """ طب ليه احنابنشترى الكورى""؟؟؟؟ :k41:
أغلب السيارات الياباني في مصر غير مصنوعة في اليابان و في حالة أنها ياباني 100% فبتبقى أغلي من الكوري.
الكوري مش بعيد أوي عن الياباني يعني و العراقة دى في الأوروبي و الأمريكي دول أصل العربيات اليابان بردو تعتبر حديثة العهد في السيارات.
الفرق في الجودة معتش زي الاول بين الكورى و اليابانى اصبح فيه تقارب
و بعدين الكوري ارخص شوية برضة
مثلا الالنترا و اليارس نفس التمن بالرغم من ان الالنترا اكبر و 1600
و بعدين عندك نيو اكسنت 1600 بحاجة و تمنين تعتبر ارخص من اي عربية يبانى 1600 , و برضة النوبيرا اللي مش محصلة 80 الف من اساسة 1600
و بعدين لو بصيت هتلاقي اليبانى اللي بقالة 15 سنه تعبان و الكوري كذلك فمش فارقة كتير
بالنسبالي اشتري عربية كوري باوبشنز حلوة احسن من انى اشتري عربية يابانى بنفس السعر من غير الاوبشنز اللى موجودة في نظيرتها الكوري , الفرق في الجودة مش مستاهل
و يبقى الاوربى هو الافضل
؟؟؟ موضوع مستغرب منه !!
اكيد فى فرق فى الإمكانيات ...
بصراحة بستغرب ان فى ناس بتشترى يارس مع ان الالنترا موجودة و محركها افضل و ثباتها افضل ..
اختلاف جودة اية بس ؟
يوجد فرق كبير في السعر علي اعتبار اختلاف الماركه
:ANSmile23:لو الموضوع امكانيات تبقى العربيات الصينى تكسب """ ولكن فرق السعر بين اليابانى والكورى الجودة والخامات والتقفل """""
من وحهة نظري متتعبش نفسك في التفكير عشان هتغلب,
اسس التسعير عندنا هنا في مصر خاطئه 100% و فيها مهلبيه و مكاسب ساعات بتوصل لـ60% من الثمن الاصلي للسياره و مادام الناس بتشتري و مفيش رقابه يبقى خلاص يزودوا في السعر,
زي سيارات كتير جدا اوروبي مبالغ جدا في سعرها عشان بيلعبوا على ان الناس هنا بتحب الالماني والاوروبي انما في جميع دول العالم الاسعار مش كده ابدا,
الي يخلي عربيه زي النوبل الصيني الجديده الي هي تقليد السمارت تبقى بـ50 الف و البيكانتو بـ56 الف!!!!!!
يبقى ايه بقه؟؟؟!!!!!!!
الشركات الكورى بتعمل عربيات تديك قوة ورفاهية عربيات يابانى اخرى بسعر اقل ...........يعنى ما ينفعش مثلا تقولى الانترا بتمن اليارس لية ؟
لكن عربية زى الالنترا دة تشابة الكورولا فى الفئة والقوة والرفاهية والكلام دة بس بسعر اقل وجودة اقل وهكذا.............طبعا هتقولى ما الانسر القديمة بسعر الالنترا................هقولك بردك ان الالنترا دة بديل رخيص للانسر الجديدة اما الانسر القديمة دة تكنولوجيا من 6 سنين وراحت عليها بس احنا يامصرين اللى بنرفع من عربيات للسما ونزل منها الارض.............وكدة يبقى عمر ما اليابانى بتمن الكورى
لما نثبت العوامل كلها تلاقى اليابانى أغلى
يعنى لو ثبتنا ميعاد طرح الجيل مش الموديل بس
وثبتنا بلد المنشأ وثبتنا السعه اللتريه
وثبتنا الكماليات حتلاقى اليابانى أغلى
والأمثله كتيره
يعنى مثلا النيو أكسنت والياريس نزلوا مع بعض
والنيو أكسنت 1600 ورغم كده الياريس أغلى
الفرق بين الياباني و الكوري أصبح غير الأول خالص و الدليل طبقاً لتقارير المستهلكين consumer reports الأمريكية في فئة الـ small sedan الإلنترا هي الأولى عام 2008 طبقاً لإختبارات يقوم بها خبراء متخصصين و تغطي
road test
reliability
safety
http://www.consumerreports.org/cro/c...picks-2007.htm
و في تقييم آخر لـ US News & World Report الأمريكية قسم Ranking & Reviews الإلنترا إحتلت عام 2008 المركز السادس في فئة الـ affordable small cars بعد السيفيك و المازدا 3 و الجولف و قبل الكورولا الجديدة و اللانسر الجديدة و التيدا (فيرسا) و الـ SX4 و غيرهم كتير.
http://usnews.rankingsandreviews.com...le-Small-Cars/
طبعا أكيد مش معنى كدة إنها أحسن منهم على طول الخط بصورة مطلقة لكن اللي عايز أوصلوا لحضراتكم إن موضوع ياباني و كوري دي خلاص مبقتش دليل على جودة أو إعتمادية.
برغم ان الفروق في الاسعار بسيطه
الا ان الكوري يعتبر ورق
انما الياباني متمالك نفسه
تخيل ان السدر بتاع العربيه فبر !!!
امريكا حالة خاصة جدا
لان هيونداي مهتمة بالسوق هناك وبتصنعلهم مخصوص بجودة عالية جدا
وتقريبا فيه مصنع هناك بينتجلهم (مش متأكد)
يعني الي عندهم مش زي الي عندنا
ولو بصيت علي اي موقع امريكي هتشوف الالنترا اغلي من اللانسر شارك وتقريبا بنفس تمن السيفيك
وترتيبها في الاعتمادية ممكن يكون اعلي من تويوتا ذات نفسها
هي المسألة عندنا بس
لان غبور بيستورد اسوأ حاجة ممكنة فسمعة الكوري مش كويسة خصوصا ان الكوريين نفسهم بيقبلوا انهم ينتجوا بالجودة الوحشة دي
ونفس النقطة دي عند اليبانيين بس اقل شوية بحيث انه ممكن ينتج عربية مفهاش ايرباج او صاجها خفيف عشان خفض التكلفة
التقارير في north america قصتها مختلفة شوية. مثلاً الياباني ديماً أعلى من الألماني ونادراً ما تلاقي عربيه ألماني إلى و في المرتبة الثامنة أو الأخيرة .
يعني ديماً honda accord وتويوتا camry ولكزس وانفنتي وسوبارو هيونداي sonata سابقين ال-E class و 5 series ده إذا دول دخلم أحسن عشرة أصلاً .
ممكن جداً تلقى porshce و-jaguar و-landrover داخلين في قوائم أسوء عربيات . والعادي أنك لزم تجد مرسيدس و BMW مشاركين في قوائم الاسوأ .
كل سوق له ظروفه واللي يمشي في أمريكا مختلف عن المحروسه و ما ينفعش في مصر.
فهلا الفرق ما بقاش زى الاول و فى ماركات فى الكورى ما فيش فرق اصلا و فى نفس فخامه و قوة اليابانى
مع احترامي لجميع الأراء
ولكن كلامي ده عن حاجات شوفتها بعيني وسمعتها من الصناعية تأكيدا لكلامي
اي واحد مع احترامي بيقول ان الكوري زي الياباني ومفيش فرق او فروقات بسيطه
يبقى بيكرر كلام سمعه وليس مع دليل
في فروقات في العربيات مش لازم تلاحظ بمجرد النظر لمنظر العربيه من الخارج
يعني هقول بعض النقاط اللي انا شوفتها بعيني وكل واحد حر انه بيعتبرها لها تأثير ولا لأ في اختياره لعربيته
ولكن انا بتكلم في فرق ولا لأ
1- ودي حاجه مهمه جدا وهيا جلفنة الصاج بتاع العربيه كله ومواد وطريقة عزل العربيه كلها
دي بقه اتحدى اي واحد بأتي بصاجه من اي عربيه كوري ويقارنها بصاجه من عربيه ياباني ويلاقي دي جلفنتها زي دي
الكوري اصل غير مجلفن
يعني بمعنى ان الصاج من الخارج ومن الداخل ايضا وتحت اللحامات بتاعت الشركة بيبقى مجلفن يعني الميه لو دخلت داخل العلب بتاعت الشاسيه مش هتعمل ولا هتأثر في اي حاجه
ولكن الكوري بيبقى من الداخل مرشوش فقط وغير مجلفن يعني بمر السنين ودخول رطوبه او ميه العربيه بياكلها الصدأ
ودي حاجه مش هتقدر تشوفها او ما تشوف العربيه وهيا جديده
ودي انا شوفتها بعيني وسمكري قالهاله لوحده وانا بتكلم معاه
وقال اللي بيقول ان الياباني زي الكوري واحد مشفشي حاجه
2- الخامات كلها في العربيتين مختلفتين
سواء خامة الكوري بتعجبك او لأ فبرضه ده مش كلامنا
احنا كلامنا انه في فرق في الجودة وبالتالي لازم يكون في فرق في السعر اكيد
من اول خامات قطع الغيار وعمرها الأفتراضي والخامات لكل العربيه كلها
مثلا خامات الدهان مختلفه تماما السيور والوصلات الخراطيم والشكمانات والكاوتش والفرش الداخلي والبلاستيك الداخلي وجودة وخامة الصاج المصنع منه العربيه
3- مسالة ياباني او كوري او الماني او امريكي دي مسألة ان في بلاد لا تسمح لخروج السيارة او المنتج من بلدها الا بمواصفات معينه ومعايير معينه لا تتنازل عنها من اجل اسمها في العالم
وهو ده الشئ اللي موجود في اليابان والمانيا وامريكا وضعيف في كوريا
يعني هيونداي معندهاش اي مشكلة ان غبور ينتج عربيات زي الزفت مع احترامي لمالكيها ولكن صناعة زفت بجد يعني
مثلا شركة مثل تويوتا لا تفتح مصنع في اي حته الا بمواصفات لا تتنازل عنها
لأنها بتحافظ على اسم لها ولازم يكون تحت ادارتهم هما
في النهاية انا عاوز الناس تسال الميكانيكية والسمكرية المحترفين وهما يقولولهم في اختلاف ولا لأ
لأن اللي شاف غير اللي مشفشي
مع احترامي لكلام حضرتك انت رجعت تاني و قلت غبور المشكلة ان احنا حاسبين ان كل الكوري هو الفيرنا واللانوس مع ان في عربيات تانية محترمة جدا بتنافس زي السوناتا و الانترا والازيرا والجنسيس الكيا برضو عربيتها كويسه بتنافس بس طبعا في مصر الكوري مش بينزل بنفس القوة لظروف السوق المصري
حضرتك رديت على نفسك كده
ده معناه ان الكوري بينتج انتاج لنا وانتاج خاص للخارج
او حسب ما هتدفع بمعنى اصح علشان يقدر ينافس
طيب عمرك شوفت عربيه انتاج ياباني
هنا جودة والخارج دجودة تانيه
عمرك ما هتلاقي هتلاقي عربيه من غير كماليات وعربيه بكماليات
ولكن اساس العربيه في التصنيع والتقفيل والخامات واحد وليس حسب ما يدفع الزبون
طب مهو نفس الكلام ينطبق على الكورى....هيونداى مثلا..Verna و Verna Viva .......
ممكن كمان نقول تكاليف الإنتاج اصبحت تقريبا متساوية !!
طب السؤال اللى عايو اسأله انا بقى ... لية الألمانى المجمع فى مصر ارخص حاجة بسيطة من الألمانى الــ100% ؟؟؟
حاجة غريبة برضه ... مش كدا ؟
لا حضرتك فهمتني غلط
حضرتك احنا كلامنا ان العربيات الكوري عندنا مش زي اللي موجوده بالخارج تماما
وعاوز تعرف الكلام ده شوف العربيات اللي بتيجي من اوروبا في بورسعيد
وشوف اللي بتيجي زيرو لنا عن طريق الوكلاء هنا في مصر
وانت تعرف انا بتكلم في ايه
يعني حضرتك العربيات اللي بيقولو عليها حاصلة على جوائز ومش عارف ايه
هتلاقي اسعارها زي الياباني وممكن اكتر كمان عندهم
في حين عندنا هنا ارخص بفارق يعتبر
من الاخر يا اخواني الفرق لما يبقى كبير اعذروني مش هبل يعني ان المكسب يبقى مضاعف علشان صاحب الوكيل يكسب
السوق فى مصر هوه الى بيحدد سعر السياره وليس قيمتها الفعليه
شوف العربيه البريليانس الصينى الى ممنوع تداولها فى اوروبا وامريكا لفشل اختبارات السلامه لها على السرع 60كم/س المفروض دى ماتنزلش مصر اصلا ولو ببلاش بس سعرها معدى ال100,000
ارزاق يعنى وكله فى المهلبيه
من الاخر اليابانى افضل من الكورى عشان مواصفات الامان اعلى والتكنولوجيا اسبق والتقفيل بقى متقارب لكن خامات اليابانى افضل لكن التسعير فى مصر مش مقياس اوى وكلنا عارفين لية
فى واحد من الاعضاء هنا كاتب فى توقيعه حاجة جميلة , كاتب ( لو سكت من لايعلم لسقط الخلاف ) , يا جماعة يا مصريين كفاية الجدل السفسطائى اليومى الابدى الفظيع ده , اللى مش عاجبه الكورى و سعر الكورى ميجبهوش و يريحنا , مش لازم يعيد و يزيد و يعيب فى عربية عمره ما ركبها بس سمع من واحد صاحبه ان واحد ابن خالة اخو صاحب صاحبه كان معدى جمب العربية و شكل صاجها معجبوش , حاجة تغيظ فعلا , و مش معنى ان عربيات يابانى معينة نجحت يبقى كل اليابانى حلو طب ماهو فى عربيات كورى زى السيفيا اللى من واقع تجربة شخصية على مدار 10 سنوات عربية رائعة , و مش معنى ان العربية يابانى اجرى اجيبها و انا مغمض حتى لو شكلها زى التيدا دى مثلا , خلاصة القول ان الكورى اثبت نجاح منقطع النظير فى السوق المصرى و مليش دعوة ببرة و جوة , انتوا فى المحروسة , انزلوا شوفوا كدة كام عربية لانوس و اكسنت وبرايد و النترا بيجروا فى الشوارع و بعدين نيجى نتكلم
للاسف الموضوع كله تعصب وخلاص
وبالمنطق ده ممكن نقول ازاى اليابانى يبقى زى الاوروبى
وازاى الصينى يبقى زى الكورى
وكل شله متعصبه للعربيه اللى جابته وبتدافع بأستماته(طبع فينا يا مصريين)
بس بجد فى كورى احسن من اليابانى
و فيه يابانى احسن من الاوروبى
وفيه صينى احسن من الكورى
المهم نتقبل التغيير ونستفيد ونفيد
و يارب ييجى اليوم اللى نقول فيه فى مصرى احسن من الكل
I am sure that my ideas are right but maybe I am mistaken
And your ideas is absolutely wrong but maybe you are right
موضوع غريب و هاكتفى بكلمة غريب
يابانى اية اللى ارخص من الكورى .. دة على اساس اية .. و فين
و ناس تقول الصنايعية بتقول .. بتقول اية.. و بعدين الصنايعية هتحكم على الكورى منين غير من خلال الاكسيل و الدايو اللى بقالهم 15 سنة
الكورى دلوقتى مش هو بتاع زمان
دلوقتى فى حاجات كورى احسن بكتير من حاجات تانية يابانى
و اللى بيقول غير كدة يبقى دافن راسة فى الرمل
بس انا بعذر اصحاب العربيات اليابانى اللى بتصدر منهم هذة الاراء لانهم دافعين فوق السعر الحقيقى لسياراتهم سعر اضافى مقابل كلمة يابانى حتى لو عربية تعبانة زى اليارس بيشتريها بسعر الالنترا عشان كلمة يابانى .. و ييجى حد يقولة الكورى دلوقتى زى اليابانى او قرب يبقى زية يعنى الفروق بقت بسيطة .. طبعا الكلام دة هيضايقة حتى لو حقيقة .. هو مش عايز يسمع او يشوف الحقيقة دى عشان ميحسش انة اضحك علية .
بجد انا ساعات بيصعب علييا ان احنا حتى كسلانين نفكر او نبص و نشوف اية اللى بيتغير حوالينا عشان نطور افكارنا حسب الواقع الجديد لكن حتى دة بنكسل نعملة و نشوف اللى حوالينا بيعملوا اية و بيفكروا ازاى و نمشى وراهم
اتغطوا الطموا صوتو صرخو خليكو قاعدين .... انتخو انتخو
يا جماعة الخير .. مش كل الياباني ولا كل الكوري ، ده صحيح بدون جدال . يعني مثلا الألنترا احسن من الياريس ميت مره ، بس ده لانهم مش في نفس الفئه اصلا وبنفس السعر تقريبا وكمان الياريس انا بعتبرها عربية على قدها ،
لكن في نقطه ليه تعليق عليها ، وهي جزئية في مشاركة سابقه وهي ان الناس بتدفع في الياباني اكثر من قيمته عشان خاطر كلمة ياباني ، بمعنى ان الياباني مغالى في سعره ، طيب يعني الكوري هوه اللي مش مغالى في سعره جدا ، يعني مثلا لما تنزل نيو سيراتو ب 125000 هوه ده مش مبالغة رهيبه ، ولما تكون السيفيك ب 140000 الف يعني فرق 15000 والمازدا 3 ب 133000 يعني فرق 8000 جنيه ، يبقى مين اللي مغالى في سعره ، وهات كده النيو سيراتو جنب السيفيك والمازدا ، هتلاقي نفسك قرفان من النيوسيراتو وهتلاقي فروق شاسعه في كل حاجه سواء الشكل الخارجي او الداخلي غير الفروق الرهيبه في الخامات الداخليه غير اعتمادية المواتير الياباني اللمعروفة وطول عمر المحرك بنفس الكفائه ودي نقطه مش موجوده في الكوري خالص عن تجربة عربيتين كوري كنت امتلكهم ومعروف ان المواتير الكوري لو جابت معاك 200000 يبقى انت ربنا بيحبك ونادر لما بتجيبهم ، وغير فرق الفتيس الياباني ولو خصينا بالذكر السيفيك والمازدا3 اعتقد الكل يؤيدني انهم اكثر من روعة ولا تقارن بالسيراتو محل المقارنة ،
يبقى ازاي الياباني هوه اللي مغالى في سعره ، لما الفرق يكون 10000 او 150000 وكل الفروق دي في الجودة ، يبقى مين اللي مغالى في سعره ،
- الخلاصة انك عندما تحسن الأختيار ، هتلاقي ان الياباني افضل ميت مره من الكوري ،
مع احترامى لكلام حضرتك انت اساس حديثك بنيتة على سعر عربية واحدة كورى و هى النيو سيراتو اللى ب 125 الف و دة سعر اعلى فئة منها high line و اتوماتيك و بفتحة سقف و متنساش انها موديل جديد و new shape لما تيجى تقارنها بالسيفيك نفس الفئة هتلاقى السيفيك ب 188 الف يعنى فرق 63000 جنية و هتلاقى فعلا ان السيفيك احسن من النيو سيراتو بس مش الفرق اللى يستاهل 63000
يبقى مين اللى مغالى فى سعرة
لو بصيت على المازدا نفس الفئة هتلاقيها ب 149000 مش 133000 و نفس الكلام ينطبق عليها .
الياريس حضرتك وافقتنى انها تعبانة بتتباع ب 104 الف تفتكر لية .. عشان يابانى .... يبقى مين اللى مغالى فى سعرة
طب خلينا نركز على المازدا 3 والنيو سيراتو .. المازدا3 اللي ب 133000 فيها كل حاجه ما عدا الفتحه ، والسيراتو اللي ب 120000 بردو من غير فتحه وتقل في الكماليات عن المازدا3 بس خلينا نقول زي بعض في الكماليات .. تفتكر فرق 13000 بين النيو سيراتو والمازدا3 ؟؟؟ لصالح مين ؟
وحتى السيفيك اللي ب 140000 ، اللي كمالياتها اقل من السيراتو ام 125000 ، تفتكر احسن ادفع في كماليات معظمها مش هيعمر كتير ، وكتير منها اصلا ملوش لازمة ولا حتى بيفرق في اعادة البيع .. ولا ادفع 140000 في سيفيك اقل في الكماليات ؟؟؟
اولا اللى اعرفة ان المازدا 3 اللى حضرتك بتتكلم عليها من غير فتحة سقف دى ب 140000 الف مش 133 الف الا اذا كنت تقصد اللى من غير ضمان و دى مينفعش نتكلم عليها
يعنى كدة الفرق 20000 الف و رغم كدة حضرتك ناسى حاجة مهمة جدا ان النيو سيراتو دى شكل جديد عشان كدة غالى شوية و اصبر كمان كام شهر لما ينزل الشكل الجديد من المازدا 3 و شوف هيوصل لكام .
و كمان مينفعش تسيب كل العربيات الكورى و تمسك فى النيو سيراتو اللى لسة نازلة عشان تعمم بيها حكم ان الكورى غالى .
اولا الاسعار دى غلط السيفيك الفاضية ب 149 و الفول ابشن ب 176 و الهاى ب 188
ثانيا كماليات اية اللى حضرتك بتقول مش هتعمر ، يا باش مهندس سامح انا عايزك تشوف النيو سيراتو و تركبها و ابقى قول رأيك و بعدين الكورى مش زى الصينى و لا الماليزى اللى حضرتك شفتة و معجبكش ، هيونداى حاليا فى المركز الخامس على مستوى العالم و متقدمة فى المبيعات فى كل دول العالم على شركات يابانية كتير .
يا باشا الأسعار اللي انت كاتبها دي انت جايبها من كونتاكت كارز ودي مش الأسعار الحقيقية ، الأسعار في السوق مختلفه ، ومن شوف جرنال الجمعة اللي فاتت وانت تعرف السعار ، وعلى فكره السيراتو الخليجي اللي من غير ضمان بردو سعرها 125000 والحجه انها خليجي ، وانا على فكره ركبتها وشوفتها حته حته من جوه ومن بره ، ولا تضهاي المازدا3 او السيفيك من بعيد او قريب ، ومتجيش حتى فانوس فيهم ،
ومش لازم يا سيدي النيو سيراتو شوف الألنترا اللي من غير اي وسائل امان وصاجها ضعيف وسعرها معدي ال 100000 ، انا بس جبت السيراتو الجديدة عشان فيها عوامل امان زي الياباني ،
من الآخر اللي ميقدرش يشتري الياباني يشتري الكوري ، بس ميوهمش نفسه انه قريب من الياباني ، وبردو مش كل الياباني ومش كل الكوري ، ولكن اضل الياباني احسن بمراحل من افضل الكوري ، وخلينا واقعيين اللي معاه يشتري مثلا مازدا3 او سيفيك ومعاه يشتري مثلا الألنترا اكيد هيشتري مازدا3 او سيفيك ، واللي ممعوش غير تمن الالنترا او السيراتو ميحاولش يقنع نفسه انها اكتر مما تستحق ، بس كل الحكاية لو قدامك أعلى فئه من السيراتو واقل فئه من السيفك بفرق حتى لو 20000 جنيه ، يبقى السيفك احسنلك مليون مره حتى لو تجيبها كسر زيرو بنفس تمن السيراتو الزيرو ، وبصراحة ده واقع يا ريت منحاولش تزييفه ، وفي كل الأحوال كل واحد عقله في راسه وفلوسه في جيبه ، وسعيد جدا بالحوار مع حضرتك