شــ الهــرم ــارع ، حرام بجد اللي بيحصل ده ؟؟ من العريش لميدان الجيزة يوميا ف ساعه
سلام عليكم ،
بجد انا إتخنقت ، ساكن في شارع الهرم في إسباتس رحلتي اليوميه من هنا لغاية شغلي في ميدان الجيزة
زحمه من بداية محطة التعاون من عند المعهد العالي للدراسات المتطورة و مدرسة الفاروق لغاية كايرو مول - طريقة المشي مابشوفش العداد عندي بيتحرك !! :funny34d: كله لازق في بعضه بعد كايرو مول:pissedoff: يا دوب تجري بسرعه 20 كم هاتنقل عال تاني وتقف بعدها شويا لغاية الطالبيه وهنا خليك واقف بتاع 10 ق اواكتر و ممكن تمشي خطوه خطوه . . . . . . .
تتفك بعدها و ممكن تجيب ال 40 كم لمدة دقيقتين و تقف وعندك 10 ق تاني لغاية ما تعدي اللفه اللي عند سينما رادوبيس و دي لوحدها كارثه
لغاية ماتوصل لمحطة الخزان . . . . . :k41:. . . . . . . وخلاص تفقد اعصابك وعندك كمان 10 ق لغاية ماتوصل نصر الدين ، وهنا اهلاً بقي اللي جي من العمرانية يميناً و اللي جي من ش الهرم علي طول :sweatdrop: (( الحل هو الأتوماتيك )) و هباااااه تسحب بسرعه....:k20:..... يقابلك نفق نصرالدين طبعاً هو 3 حارات واعقبال ماتخلص النفق فيها من 4 : 6 ق يقابلك مشكله اللي خارج منه رايح يمين ناحية ش ربيع الجيزي و اللي طالع الكوبري الأغلبيه مطلع الكوبري حارتين عندك بقي العربيه اللي من اليمين عاوزه تروح شمال ، و اللي من الشمال عاوز يروح يمين :k41: و اللي واقف علي مطلع النفق و فجأه عربيته تريح منه :ack2: عليك !! ............... تطلع الكوبري بقي يقبلك اللي جي من فيصل و رايح نزلة الرمد و اللي جي من ناحية المجمع ورايح ناحية نزلت الجامعه و العكس فوضي :err: مافيش حد بيسمع حد !!
المهم نزلت مراد أخيرااااااااً
ووصلت متأخر عالعاده و يتخصملي من بعد العيد ... :winkiss:
عاوزين نشوف حل لشارع الهرم ؟؟
انا معرفش بقي ظروف المريوطيه ايه و لا الرمايه مالهاش حل ؟؟
البلد أصبحت زحمه بشكل :k41: يخنق ؟؟