عرض للطباعة
السلام عليكم كنت اشتريت انفرتر + بطارية جل من شهريين بناء على تجارب و نصائح بعض الاخوة الافاضل فى المنتدى.....حقيقى مفيش مقارنة بظروف انقطاع الكهرباء قبل شراؤه انا بكتب هذه الرسالة و النور مقطوع الان بس النت شغال المراوح شغالة التليفزيون شغال انوار الشقة العادية ( من السقف مش كاشافات) شغالة بأختصار مفيش نور مقطوع يعنى مش خسارة فى الفلوس اللى دفعتها فى الجهاز
نفس الشعور :)
ده حاجه غير المولد ؟
و يا ترى بكام و ايه مواصفاته و منين ؟
السلام عليكم ده طبعا غير المولد اللى بالبنزين الانفرتر عبارة عن جهاز يسمى UPS " uninterrptued power supply" وهو يحول 12 فولت او 24 فولت من البطارية الى 220 فولت ثم تفصل الكهرباء الداخلة الى الشقة السالب و الموجب بواسطة سكينة قطع تيار و اخيرا توصل كوبس من الجهاز لاى فيشة فى الشقة و حسب قوة الجهاز و قوة البطارية تقريبا بيشغل كل حاجة ما عدا المكيفات سهل الاستخدام جدا بدون الاحتياج لوقود بدون صوت او عادم بالنسبة للجهاز اللى جبته بيطلع صافى 1500 وات و موصله ببطارية جل 300 امبير واضح انها قوية جدا لانى قصدت اشغل الجهاز بدون اعادة شحن للبطارية و بعد 3 ساعات كان فاضل اكثر من نصفها بشغل تليفزيون و ريسيفر و كومبيوتر و شاشة 20 بوصة و عدد 2 مروحة و عدد 8 لمبات موفرةاقتباس:
المشاركة الأصلية كتبت بواسطة hany63
+1اقتباس:
المشاركة الأصلية كتبت بواسطة ali ashraf
مبروك عليك .... بس برضه معرفناش سعره كام ومنين وهل معاه ضمان ولا لأ وهل حجمه كبير ؟؟
اه طبعا عارف اليو بي اس و ده بيستعملوه في الشركات الكبيره و البنوك و فيه منه وحدات صغيره لاجهزة الكومبيوتر هوا بس مصطلح الانفرتر اللي لخبطني
الف مبروك بس مقلتش بكام و منسن
بالمناسبه ليه ظبطه بانه يفضل متوصل على الكهرباء بحيث اول ما تقطع الدنيا تفضل شغاله
التكلفه كام و منين لو سمحت؟
بس لازم قبل ما تشغله تفصل الثلاجه والمكيفات صح ولا ايه ؟؟؟
الف مبروك .
سعره كام وصناعته ايه ؟؟؟؟
انا مهتم جدا بالموضوع نظرا لتكرار انقطاع التيار بشكل مرعب و مستفز
بس متخوف لأن في تجارب لزملاء في العمل حرقلهم أجهزة (عن الأنفرتر الصيني أتحدث)
و رغم كده سعره مش هين ..كان ب1800 جنيه بالبطارية
سعر الجهاز يتوقف على نوعية الجهاز و امكانياته و قوته عموما فى انواع هندى ممتازة وبرضه فيه صينى حديث و بشاشه ديجيتال يوضح كمية اللود على الجهاز و قوة البطارية و يفصل شحن اتوماتيك و طبعا لازم يتوافر فصل اتوماتيكى عند اى زيادة فى اللود على الجهاز و مهم جدا عند شراء الجهاز يكون خارج الكهرباء بيور سين ( ده بيرفع سعر الجهاز بس بيكون معناه انه جهاز كويس) و اعتقد قوة الجهاز الصافى يجب تكون فى حدود 1500 وات , المطلوب الدخول على النت و عمل سيرش بسيط و هتعرفوا كل الحاجات دى و البطارية تشتروها من شارع التوفقية امام سنترال رمسيس فيه حوالى خمس محلات بتبيع بطاريات جل لان بطارية السيارة العادية هتتلف بسرعة بالنسبة للاسعار فيه انفرتر 24 فولت و طبعا هيحتاج بطرييتين جل و ميزته قدرة متواصلة على العمل 8 ساعات بدون شحن و معظمنا مش محتاج ده اذا انفرتر12 فولت + بطارية واحدة جل 120 امبير كافى جدا...الانفرتر برضه فى نوع لما الكهرباء تقطع يشتغل لوحده و لما الكهرباء تيجى يفصل و يبدأ شحن البطاريات. بس للاسف محتاج كهربائى متخصص و يفهم فى توزيع الكهرباء فى الشقة و ده يمكن يحتاج تغير فى لوحة الكهرباء.
بالنسبة لى انا جهازى فيه خاصية الفصل و التشغيل الاتوماتيك و اسمها عند السؤال لشراء الجهاز On line system بس الكهربائى قال لى لازم يغير فى لوحة توزيع الكهرباء بالشقة بصراحة ركبت سكينة فصل التيار و بقيت اوصل يدوى يعنى اقطع السكينة و بعدين اشغل الجهاز و بالعكس و دى مش مشكلة.
نجى للاسعار متستغربش لما تلاقى انفرتر الصافى 2000 وات و سعره 400 جنيه و تلاقى انفرتر الصافى 1500 وات و سعره 1500 جنيه ( طبعا لانه هيكون بيور سين و فيه وحدة حماية للتيار المرتفع و ممكن يكون فيه خاصية اون لاين) عموما اعمل حسابك من حدود 1500 جنيه الى 2400 جنيه و حاول تجيب الهندى موجود برضه فى التوفيقية انا جبيته من باب اللوق بس لقيت انواع احسن فى التوفيقية و البطارية الجل 120 او 150 امبير فى حدود 1000 جنيه ( و لازم عند شرائها تكون انتاج 2014) لان عمرها الافتراضى خمس سنوات و ممكن تكون مستعملة لو انتاج جديد مفيش مشكلة وربنا يوفق الجميع .
تكملة : أذن الانفرتر الجيد لازم يكون فيه الخصائص التالية
1- اخراج الكهرباء بيور سين.
2-التيار الخارج ثابت لوجود منظم للتيار (استبليزر)
3-وحدة حماية لجهاز للفصل اتوماتيكيا فى حالة زيادة التحميل
4- اون لاين ( اختيارى مش مهم قوى)
الاجهزة الرخيصة انصح بالابتعاد عنها تماما و البطاريات العادية غالية مش رخيصة لانك هتحتاج تغيرها انما الجل 1000 جنية مره و تنساها ان شاء الله 5 سنوات
ملحوظة و انا بكتب النور قطع بس وصلت الانفرتر و الدنيا مشية تمام
تسلم على التقرير الممتاز ده
بس لى استفسار بالنسبة للسعر
هو ثمن الانفرتر من 1500 : 2400 جنيه
بالاضافة الى البطارية الجل 1000 جنيه ؟
شكرا , يمكن حضرتك لاحظت انى لم اذكر اجهزة بالاسم ولكن هى غالية طبعا و ده سعرها بدون البطارية وهو مش ثابت يزيد شوية و يقل شوية حسب العرض و الطلب عموما بالنسبة للانواع هناك 3 انواع محترمة :اقتباس:
المشاركة الأصلية كتبت بواسطة ahmedamgad18
1- يوماتسو 1500 وده يابانى تقفيل الصين طبعا ممتاز جدا بس عيبه انه 24 فولت يعنى محتاج بطاريتن جل يعنى تكلفة مضاعفة.
2- لومينوس هندى و كويس جدا. 12 فولت
3- سوكام هندى زى اللومينوس. 12 فولت
بلاش بطاريات مستعمله لانها انت وحظك وحتى لو انتاج 2017 مش 2014 البطاريه بعدد مرات شحن وتفريغها
الجل الجديد ب 1600 جنيه مفرقتش
مبروك وبجد حاسس بيك لما الكهرباء تكون قاطعه والانفيرتر مش محسسك بحاجه خالص
بس نصيحه حاول تظبط وتخليه يشتغل لوحده مباشر احساس تانى لان النور مش هيقطع اصلا ومش هتحس بقطعه ابدا يعنى اكيد التكييفات على وصله لوحدها والمطبخ على وصله والانفيرتر هيشيل الشقه كلها عدا
المطبخ والتكييف
عندى مظبتطه على الشقه كلها عدا المطبخ وطبيعى التكييفات لها وصله خاصه
بس الحمد لله رب العالمين الكهرباء معدتش بتقطع من يوم استثناء المحله من تخفيف الاحمال
مفيش حد من الاعضاء له تجربة مع الانفرتر ويكون اشتراه من اسكندرية
يعني منين ممكن نجيب الانفرتر الهندي والبطارية الجل بسعر معقول
ياريت لو حد عنده خبرة يفيدنا ويدلنا علي مكان بيعهم في الاسكندرية
وجزاكم الله خيراً
احنا جبنا في المكتب من راجل محترم 2 انفرتر بيشغلوا 12 لاب توب والراوتر والسويتش و3 مراوح و4 لمبات من الكبيرة، سعر الاتنين تقريبا 6500 جنيه.
اشكرك على الموضوع المفيد جدا...
عايز استفسر عن نقطة توصيله لاي فيشة ويشغل الشقة كلها بعد فصل السكينة الرئيسية؟
هل دا طبيعي في اي شقة؟ يعني لو افترضنا كل غرفة داخلها خط ولها مفتاح في اللوحة.. هل كدا الغرف هاتبقى كلها متوصلة ببعض؟
ايوة كل المفاتيح موصلة لبعض وده السبب اللى خلانى افصل يدوى بالسكينة مش بخاصية اون لاين (اتوماتيك ) لان الكهربائى طلب يفك لوحة التوزيع لفصل الاجهزة الثقيلة (المكيفات و الثلاجات) علشان الانفرتر يفصل و يشتغل اتوماتيك بس خفت من حكاية فك لوحة التوزيع عملته يدوى و خلاصاقتباس:
المشاركة الأصلية كتبت بواسطة timtim
لسلام عليكم ورحمة الله وبركاته ...
الف مبروك وربنا يباركلك فيه ...
سؤال بعد اذنك انت اشتريت من محل معين ولا لفيت واشتريت من اى محل ...
نفس السؤال منين و بكام بعد اذنك؟اقتباس:
المشاركة الأصلية كتبت بواسطة elhelwany188
انا عاوز اعمل الخطوة دي و متردد
لان الأنواع الر ديئة بقت منتشرة بشكل مخيف
و عاوز حد ثقة و سعره كويس في اسكندرية برضه زي الاخوة اللي سالوا قبل مني
السلام عليكم عند شراء الانفرتر الاول تحدد القوة اللى حضرتك محتاجها فى العموم المنزل مش محتاج اكثر من صافى 1500 وات و كلمة صافى مهمة لان الجهاز بتكون قوته مثلا 2000 وات بس الخارج فعليا حوالى 1500 وات و هكذا لو قوة الجهاز 1000 وات يبقى الصافى بتاعه 500 وات فقط وده مش عيب فى التشغيل دى الطاقة المفقودة على شكل حرارة الخ.......اقتباس:
المشاركة الأصلية كتبت بواسطة hopakola
- بالنسبة للانفرتر لازم لازم لازم يكون التيار الخارج بيور سين ودى خاصية مهمة جدا مينفعش التغاضى عنها و برضه دى غير متوفرة الا فى انواع معينه و بتكون اغلى فى السعر بس برضه عالية الجودة.
- طبعا لازم يكون فيها شاحن للبطارية و وحدة حماية تفصل اتوماتيك عند زيادة اللود على الجهاز.
- لازم تكون مزودة بخاصية استبليزر للتيار اى الخارج يكون ثابت على 220 فولت.
-يفضل وجود خاصية اون لاين وهى التوصيل و الفصل الاتوماتيك عند انقطاع و رجوع التيار ( مش ضرورى قوى)
- بالنسبة للانواع الجيدة انا كنت ذكرتها من قبل وهى عموما بناء على قيامى بسيرش على النت ثم النزول للاسواق و سؤال الاخوة اللى اشتروا و اخيرا الاستعمال الشخصى:
1- يوماتسو 1500 وده يابانى تقفيل صينى وهو متطور عن الصينى مزود بكل الخصائص + شاشة ديجيتال توضح الاحمال و التيار الداخل و الخارج و شحن البطارية و كمية اللود على الجهاز و مزود بانذار صوتى و فى حالة عدم الاستجابة يفصل اتوماتيك ( نظام حماية مطور) و قوته صافى 1500 وات , عيبه اللى مخلى الاقبال عليه قليل نسبيا هو انه محتاج بطارييتن لانه بيحتاج 24 فولت و ده سعر مضاعف للبطاريات ,,لكن فى المقابل يعطى كهرباء لفترة طويلة بدون احتياج لشحن ( ممكن 8 ساعات ) .
و سعره حوالى 1500 جنية و ده موجود فى محلات قليلة فى باب اللوق.
- الانفرتر الهندى و احسن نوعين فى السوق هما اللومينوس و سوكام نفس قدرة السابق و فيه 2000 وات ( زيادة ملهاش لازمة) و كان سعرهم من شهريين حوالى 2100 جنية دلوقت معرفش كام. و موجودين فى محل بطاريات بشارع رمسيس بالتوفيقية امام سنترال رمسيس.
- البطاريات العادية متنفعش لفترة طويلة " البطارية نفسها بتبوظ بسرعة يبقى موفرش اجيب بطارية عادية و اغيرها بعد كام شهر" فى الواقع الجل افضل بكتير و تكون 120 امبير لو هتشغل عليها حاجات كتير او 90 امبير لو حاجات محدودة حطلها حوالى 1000 جنية.
ملحوظة مهمة انا وجدت مشكلة انى الاقى كهربائ يعرف يشغلى الجهاز اون لاين و قال لى لازم افك لوحة توزيع الكهرباء , بصراحة خفت يخرب اللوحة ركبت سكينة تفصل التيار و طبعا بيكون مفاتيح المكيفات الثلاجات و موتور الماء برضه مقفول و باوصله باى فيشة....طبعا الاون لاين احسن بكثير لانك مش بتحس بانقطاع التيار من اصله بس بصراحة خفت من اللعب فى لوحة توزيع الكهرباء
اخيرا اعمل حسابك فى حوالى 3000 -3500 جنية
ممكن اخى الكريم ترسل لى اسم الشركة اللى اشتريت منها ورقم التليفون على الخاص وشكرا