تجربتى مع الانفرتر يساوى تقله ذهب

**ali ashraf** · 15-09-2014 08:28 PM

السلام عليكم كنت اشتريت انفرتر + بطارية جل من شهريين بناء على تجارب و نصائح بعض الاخوة الافاضل فى المنتدى.....حقيقى مفيش مقارنة بظروف انقطاع الكهرباء قبل شراؤه انا بكتب هذه الرسالة و النور مقطوع الان بس النت شغال المراوح شغالة التليفزيون شغال انوار الشقة العادية ( من السقف مش كاشافات) شغالة بأختصار مفيش نور مقطوع يعنى مش خسارة فى الفلوس اللى دفعتها فى الجهاز

**mikho83** · 15-09-2014 09:07 PM

نفس الشعور :)

**hany63** · 15-09-2014 09:09 PM

ده حاجه غير المولد ؟
و يا ترى بكام و ايه مواصفاته و منين ؟

**ali ashraf** · 15-09-2014 09:27 PM

المشاركة الأصلية كتبت بواسطة hany63

ده حاجه غير المولد ؟
و يا ترى بكام و ايه مواصفاته و منين ؟

السلام عليكم ده طبعا غير المولد اللى بالبنزين الانفرتر عبارة عن جهاز يسمى UPS " uninterrptued power supply" وهو يحول 12 فولت او 24 فولت من البطارية الى 220 فولت ثم تفصل الكهرباء الداخلة الى الشقة السالب و الموجب بواسطة سكينة قطع تيار و اخيرا توصل كوبس من الجهاز لاى فيشة فى الشقة و حسب قوة الجهاز و قوة البطارية تقريبا بيشغل كل حاجة ما عدا المكيفات سهل الاستخدام جدا بدون الاحتياج لوقود بدون صوت او عادم بالنسبة للجهاز اللى جبته بيطلع صافى 1500 وات و موصله ببطارية جل 300 امبير واضح انها قوية جدا لانى قصدت اشغل الجهاز بدون اعادة شحن للبطارية و بعد 3 ساعات كان فاضل اكثر من نصفها بشغل تليفزيون و ريسيفر و كومبيوتر و شاشة 20 بوصة و عدد 2 مروحة و عدد 8 لمبات موفرة

**drcobra** · 15-09-2014 09:57 PM

المشاركة الأصلية كتبت بواسطة ali ashraf

السلام عليكم كنت اشتريت انفرتر + بطارية جل من شهريين بناء على تجارب و نصائح بعض الاخوة الافاضل فى المنتدى.....حقيقى مفيش مقارنة بظروف انقطاع الكهرباء قبل شراؤه انا بكتب هذه الرسالة و النور مقطوع الان بس النت شغال المراوح شغالة التليفزيون شغال انوار الشقة العادية ( من السقف مش كاشافات) شغالة بأختصار مفيش نور مقطوع يعنى مش خسارة فى الفلوس اللى دفعتها فى الجهاز

+1

**ahmedamgad18** · 15-09-2014 10:32 PM

مبروك عليك .... بس برضه معرفناش سعره كام ومنين وهل معاه ضمان ولا لأ وهل حجمه كبير ؟؟

**hany63** · 15-09-2014 10:46 PM

اه طبعا عارف اليو بي اس و ده بيستعملوه في الشركات الكبيره و البنوك و فيه منه وحدات صغيره لاجهزة الكومبيوتر هوا بس مصطلح الانفرتر اللي لخبطني
الف مبروك بس مقلتش بكام و منسن