ارجو المساعدة

**سهرينا سهرينا** · 16-09-2014 08:31 PM

ياريت حد يرد عليا ويدلنى عشان انا كمان محتار جدا بين اوبل فيكترا اوتوماتيك 1994 2000 cc فبريكة برا وجوا عاملة 100000 كم ، فيات بيترا اوتوماتيك 2003 1300ccفبريكة جوا ورشة بره وعاملة 140000 كم

**eng_amg** · 16-09-2014 09:10 PM

حرد عليك من منطلق واحد كان معاه سيينا 1600 وهي نفس البترا بالمسمار.
خليك في الاوبل وابعد عن الفيات بيترا تماما.
بس شرط تكون عربية سليمة ومفهاش مشاكل.
بجد مش حتقرفك في الصيانة والاعطال ومفيش وجه مقارنة اصلا.
وبالتوفيق.

**سهرينا سهرينا** · 17-09-2014 12:57 AM

اشكرك على الرد وعلى النصيحة بس ياريت لو تححدى بالتقريب كده ممكن يكون سعر الفيكترا اد ايه وحكاية 2000 cc ده مخوفانى ياريت تدلنى ومشكور مقدما

**فادى محمد** · 17-09-2014 01:04 AM

الموديل ده من الاوبل بتاع شقي وبيستحمل وقطع غيار رخيصه ومعمره . موتور قوي جداا وعفشه حموله ...
ما عدا ان الماف بتاع الموتور لو باظ هتلف عليه كتير وتمنه 1000ج استيراد وقليل . غير كده بامانه العربيه ممتازه . السعر ؟ واضح ان العربيه اللي معروضه عليك حاله شاذه , فمش هينفع اسعرها علشان مابخسش تمنها . هي العاديه اللي رشه بره او خلافه بتعمل 35 - 39 وده سعر السوق مش قيمه العربيه . العربيه دي تزيد شويه حلوين . فبريكه بالكامل تزيد 5000ج . ماشيه 100 الف كم بس . يعني لسه ملينه ! ربنا يوفقك

**احمد فهمى** · 17-09-2014 09:46 AM

لو الفيكنرا برا وجوه وعامله 100 الف كيلو طبعآ تستاهل الشراء بس اكشف عند حد بيفهم فىالعربيات يتأكد ان العداد صح وابعد عن الفيات البترا

**سهرينا سهرينا** · 17-09-2014 04:56 PM

طب حد فى اسكندرية عنده كشف كمبيوتر عالموديل ده

**SimplyM** · 17-09-2014 09:30 PM

ليه حضرتك مش عايز تكشف فى التوكيل؟

انا كشفت على 3 عربيات فى التوكيل

تكلفه الكشف حوالى 250 جنيه بس العربيه بتطلع مفروزه

انا معرفش حاجه عن الفيات غير انى مش بشوفها كتير و ده مش كويس لانه معناه انها اما مستحملتش و اختفت من السوق او ان قطع غيارها نادره و ديه من الحاجات اللى تقلق فى العربيات