استفسارات في a4

**a_soliman** · 17-09-2014 01:58 AM

1- مشيت على الزيت من 700 لـ 800 كم زيادة سفر+تكييف (بدون قصد ) -زيت شل 1500 كم -فاللمبة نورت فلما غيرت الزيت لقيته ناقص 1.5 كيلو فهل كدة العربية بتاكل زيت ولا انا اللي غشيم وخلاص ولو بتاكل زيت يبقي ايه الحل ؟ مع العلم ان مفيش طحينة على الغطا .
2- عربيتي ماكنتش مكيفة فاللي عملها التكييف مظبطش الدنيا علشان كده بتفصل لما بهدي ؛ فانا بحب ارجع الحاجة لاصلها فعايز اعرف تمن الكباس والتلاجة والكنترول ونص الضفيرة بتاعت التكييف والكويلات لو حد يعرف سعرهم ومنين احسن مكان.
3- العربيه محتاجة تيل وطنابير وجلب مقصات ...... بتاع قطع الغيار قاللي خد الصيني كده كده اللي مكتوب عليه الماني ده مضروب وكله صيني والجوده واحد ...... صح ولا الراجل هجاص وخراط
4- عايز اعرف الماكنه كام فالميه اعرف ازاي
5- العربيه اخرها 180 كم والتكييف شغال ده طبيعي .
6- انا مركب زينون عالي وواطي .... من قوته مش بعرف اشغله في وسط البلد ؛ فلو جبت لمبتين h3 للشبورة زينون هيكون نورهم قوي وحلو وسط البلد ولا عامل زي اللانوس ( منظر وبس )

واااااااااااااااااااااااا ااااااااااااااااااااااااا اااسف على الاطاله بس بصراحة بعد ماصرفت عليها وعملتها عربية محترمة مستخسر ابيعها (فبريكة ) وبكرر اسفي يا جماعة انا اااسف والله

**Dr.Akram** · 17-09-2014 02:06 AM

هي العربيه موديل كام عشان من غير تكييف ؟ و متركبلها
ماشيه كام الف كيلو ؟
بعيدا عن الدنيا دي .. في كشف مجاني بينزل في التوكيل ارتوك او نور الدين الشريف ممكن يفهموك اللي فيها او تعمل ده علي حسابك
علي حسب بتجيب منين و في ماركات افضل من مركات في قطع الغيار دي اجلب او تيل او طنابير يفيدوك فيها المهندسين هنا في سكودا

**a_soliman** · 17-09-2014 02:47 AM

2002 وارد المانيا معاقين يا باشا وامتى الكشف ده وفين وفين ارتوك اوتو في القاهرة اساسا

**mido102** · 19-09-2014 01:05 AM

انا شايف ١٨٠ مع تكييف حلو ماشاء الله بس نقص الزيت حوار قدامها اد اية وتفك حظر

**a_soliman** · 19-09-2014 01:39 PM

شهر 5 يا باشا بس مفيش زيت من تحت أو حول الماكنة والماكنه عفية في شدها يعني معايا على التالت لفوق ال100 لما باتزنق وكأنه سوبردرايف وعادي بالنسبالها ماشية 180 الف