الموضوع: الي بيعرف في تحديث اندرويد الموبيلات سؤال بس بعد اذنك

المشاركة الأصلية كتبت بواسطة Eslam.Elrefaey

انا معايا s5 وعندى مشكلة فى البطارية ومحتاج احدثه ل 4.4.4 وانا دلوقتى 4.4.2 لان كل الاجانب بيقولوا ان مشكلة البطارية اتحلت فى التحديث ده بس هو منزلش رسمى فى مصر وعايز انزله ممكن حد يقولى ازاى ؟؟

ادخل على sammobile.com اعمل account مجانا
بعد كده اختار firmwares و search على موديل الموبايل بتاعك g900X (اهم حاجه الموديل يكون صح) هتلاقى الـ update files المتوفره اختار اى واحد مناسب
download و بعد كده اعمل نفس الخطوات السابقه

المشاركة الأصلية كتبت بواسطة omar khaled

طب واول ما اخش علي برنامج kies دة وادوس update هيتحدث علي طول اصل في ناس بتقولك تدوس علي زرار الصوت وزرار الهوم وحاجات غريبة

لا مش لازم هو هيبدأ فى التحديث على طول
ممكن تجرب الأودين برضه زى ما الزميل الفاضل اشار كدة

استاذ / شيكو 85

بعد اذن صاحب الموضوع

انا مشترى تابلت سامسونج 2 gt-3100
كان مع مصري واخده من روسيه
مفيش فيه لغه عربيه
وعملت له تحديث الى 4.2.2 تقريبا كانت نسخة المانيه او فرنسيه
سحبتها من موقع سامموبيل - وبرضه النسخة مفيهاش عربي

هل فى نسخة رسميه 4.2.2 فيها عربي ؟ انزلها عندى ؟
ولو نزلتها هل هتشتغل عادى ولا الجهاز مش هيشوف العربي ؟
وهل فى تحديث اعلى من 4.2.2 للتابلت

شكرا

المشاركة الأصلية كتبت بواسطة abokoko

استاذ / شيكو 85

بعد اذن صاحب الموضوع

انا مشترى تابلت سامسونج 2 gt-3100
كان مع مصري واخده من روسيه مفيش فيه لغه عربيه وعملت له تحديث الى 4.2.2 تقريبا كانت نسخة المانيه او فرنسيه
هل فى نسخة رسميه 4.2.2 فيها عربي ؟ انزلها عندى ؟ ولو نزلتها هل هتشتغل عادى ولا الجهاز مش هيشوف العربي ؟
كل اللى محتاجه keyboard فيها عربى مش اكتر من كده
ادخل setting اختار language and input و منها اتأكد ان الـ default هى samsung keyboard و اختار الـ setting بتاعت الـ keyboard نفسها و منها input languages هتلاقى قائمه فيها لغات كتير اختار English US و العربيه هيعمل download للغه العربيه لو مش عندك و خلاص كده العربى هيشتغل

وهل فى تحديث اعلى من 4.2.2 للتابلت
اخر تحديث رسمى هو 4.4.2 نسخه اليونان و بولندا لشهر مايو 2014
شكرا
الشكر لله وحده

حضرتك انا منزل الكى بورد ( all type ) وشغال زى الفل
بس لو احيانا فى برامج زى برنامج -نطق اسماء المتصل - مش بيشتغل مع الاسماء العربي
- كمثال -
الفكرة انى انزل نسخة فيها عربي
كمان التابلت بطيئ شويه
ولما بعمل فورمات بيكون سريع لفترة ويؤجع يتقل
فممكن يكون التحديث فيه الحل

الن دخلت الصفحة بس مش عارف هل تحديث اليونان وبولندا بيدعموا العربي ولا - لأ -

خطواط التحديث بالـ odin (خطوات ثابته بس كل الأختلاف هيكون فالجزء بتاع download mode)

المشاركة الأصلية كتبت بواسطة shiko85

1- هتنزل الـ update file و تفك الضغط
2- هتنزل برنامج odin حوالى 1 ميجا
3- اقفل الموبايل
4- ادخل على الــ download mode (و الموبايل مقفول دوس على زرار الـ home + power + volume down)

5-هتظهر شاشه سوداء ده شكلها (الصوره اللى فالشمال) دوس volume up هتظهر الصوره اللى فاليمين

6-بعد كده تفتح برنامج الـ odin و ده شكله لما يفتح

7-وصل الموبايل بكابل الـ usb لو الدنيا تمام هتلاقى خانه نورت اصفر

8-لو مفيش حاجه حصلت يبقى محتاج تعريف للموبايل على الكمبيوتر
9-دوس على pda واختار الـ update file بعد الفك

10- دوس start هتلاقى شويه كلام بيظهر متعملش اى حاجه لحد ما pass

11- الموبايل هيعمل restart

المشاركة الأصلية كتبت بواسطة abokoko

حضرتك انا منزل الكى بورد ( all type ) وشغال زى الفل
تمام
بس لو احيانا فى برامج زى برنامج -نطق اسماء المتصل - مش بيشتغل مع الاسماء العربي
- كمثال -
اعتقد ده من البرنامج نفسه
كمان التابلت بطيئ شويه ولما بعمل فورمات بيكون سريع لفترة ويؤجع يتقل
طبيعى لان فيه برامج كتير و تطبيقات هتشتغل بعد فتره و معظمها بتاعت الأندرويد نفسه
جرب تنزل برنامج بيفضى الرامات زى Ram Booster Pro
فممكن يكون التحديث فيه الحل
التحديث مش هيحل حاجه لان بعد شويه هيرجع تانى زى القديم
الن دخلت الصفحة بس مش عارف هل تحديث اليونان وبولندا بيدعموا العربي ولا - لأ
كلهم زى بعض مفيش نسخه عربى بالكامل - هو فيه نسخه بتاعت اوزباكيستان و كازاخستان (Uzbekistan - Kazakhstan) مش عارف هل الـ interface بتاعهم عربى بالكامل ولا لأ