تكييف لادا

**احمد محمد سيد** · 17-09-2014 03:27 AM

السلام عليكم ....

انا من القاهرة و معايا لادا موديل 2012 وكنت عاوز اركب تكييف ,
ممكن حد يدلني على مكان يقوم بالموضوع كاملة (تكييف + تركيب + عزل + تعديلات المطلوبة لمنع ارتفاع الحرارة ) و التكلفة كام تقريبا ؟

و شكرا لحضراتكم

**Zing0** · 17-09-2014 07:38 AM

العزل عند سروجى محترم
يعزل الأرضية من ورا التابلوه لحد ورا الكنبة, و الأبواب من ورا الفرش بتاعها, و كاوتش داير الأبواب, و لو عزلك السقف يبقى عمل الصح, و يحقن الفراغات كلها فوم سايل

و بعدين تروح لأحمد حنفى فى المعادى, محترف التكييف
هيركبلك التكييف بالكامل ساندن يابانى بمشتملاته و يكبسلك أنضف فريون فى السوق (لإن الفريون بقى مضروب زى كل الحاجات اللى بتتغش دلوقتى) و هتمشى من عنده بإذن الله و إنت سقعان.

الاسم : احمد حنفى
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
هتنزل المعادى و تأخد شارع 9 الموازى للمترو, و تسأل فين جامع الفتح, و تدخل من ورا الجامع على صحة المعادى - فى ميدان التعاون - هو هناك, و ممكن تتصل بيه

التكلفه بالتقريب:
بالنسبة للعزل حسب الخامات و المصنعية بس متوسطها 1000 ج (خامات و مصنعية )
التكييف حوالى 3500 كله جديد طبعاً
أعانك الله