الحمد لله بعت العربيه و اشتريت دماغي و حافظت علي دمي و اعصابي من الحرق
عرض للطباعة
الحمد لله بعت العربيه و اشتريت دماغي و حافظت علي دمي و اعصابي من الحرق
مره كنت مدى اشاره شمال واللى ورايا توكتوك قولت يبقى اطلع ايدى عشان ياخد باله.. وايه طلعتها بالعرض يعنى لازم يشوفها ...وهوب الاقيه زود سرعه اكتر وكان هيكسر ايدى
يعنى الموضوع عام جدا واصبح حاجه بجد غريبه وبجد احنا محتاجين اخلاق فى حياتنا علشان مواقف كتير بتقابل الواحد كلها اخلاق وكلها ناتجه عن التعليم وسوء التعليم والاخلاق
انا مش قصدى اعطى اشاره وادخل دى تبق غشامه يا باشا
انا اقصد ان الطريق زحمه اساسا يعنى واقف وكل الناس ماشيه على الاول وعربيتى سابقه عربيته وشغلت الاشاره الطبيعى انه يستنى جزء من الثانيه لحد لما اخد شمال علشان اعرف الف صح ولا غلط
ال بيحصل انى بمجرد انى اشغل الاشاره بيحصل حاله من عدم الشهور والهياج وبيدوس بنزين علشان يعدى مع انى لو مشغلتش الاشاره اساسا كان ممكن اعدى وخلاص
ارجو ان تكون الفكره وصلت
الحكاية دى بقت العادى دلوقت دى تقريبا بقت من اساسيات السواقة وبالذات لو الطريق واقف او اشارة بس لو فكرت فيها هتلاقى الناس عندها حق علشان اللى العيال اللى اول ما الطريق يقف تلاقية بينط بين الحارات كل ما حارة تتحرك خطوتين ينقل فيها (فلازم علشان تغيير حارة جوة البلد لازم تقفل على اللى وراك الاشارة دى منظر بس)
المشكلة بقى لما تبقى ماشى على السريع وعاوز تغيير الحارة علشان حد واقف قدامك او بيهدى هايركن تشغل الاشارة اللى وراك (يمينك او شمالك)تلاقى موتورة بينعر وكابس عليك علشان ما تعديش (رغم انة قبل الاشارة كان ماشى عادى او اقل منك كمان) دة بقى ولا كانك شايفة يفرمل ينزل التراب مع نفسة ..والارزل منة انة يبقى وراك فى نفس الحارة واول ما يشوف الاشارة تلاقية خلع وحاشر نفسة جمبك دة بقى لو عرفت تقلبة اقلبة
انا بقالى شهرين تقريبا راكن العربيه و مش بحركها فى الاسبوع غير مره او اتنين و بقيت بروح و ارجع من الشغل باوتوبيس الشركه بسبب الشوارع الزباله بتاعتنا و الناس الازبل
ايه ده. لو مكنتش متأكدة اني مكتبتش في الموضوع ده كنت افتكرت ان ده كلامي. بس انا ممكن يعدي اسبوعين و محركش العربية و لا ليا نفس حتي اسخنها. و كمان لما باخرج بيها بيكون يوم الجمعة في الفضاااء قبل الصلاة و ممكن ارجع بعد الصلاة بشوية بسيطة و مع ذلك في شارع فااااااااااااااضي و بالف لقيت واحد عكسي في وشي و ربنا ستر. حضرته مكسل ياخد الu turn .و لما كلمته واحد قاعد علي الرصيف بيقولي معلش ما الناس كلها ماشة غلط، قولت له انا بأه مبمشيش غلط و لو كل الناس ماشيه غلط برده كل واحد هيتحاسب . و من ده كتييير
موضوع اللي بيقرأ قرآن و سايق شوفتها قبل كده و فعلا فضلت ماشي وراه فتره عشان معجب جدا بالموهبه الفذه ديه
اما اللي بيسوق براحه راحته و يتصادف اتنين من نفس الصنف ماشين جنب بعض عادي بتتكرر و بقيت عااادي اعديهم و اعمل زيهم بس ادامهم و ابطأ منهم كمان " المعامله بالمثل "
و حدث ولا حرج عن موضوع الفرامل ده براحتك
يا راجل يا مؤمن من حوالي سنه على كوبري الجيش ٤.٥ عربيه ٣٢٠ موديل السنه ماشيه قدامي و احنا الاتنين ماشين بسرعه و هوووووب فرامل و خلاص انا داخل تحتيها عشان ايه؟؟؟ عشان فواصل الكوبري و الصراحه من خضتي و نرفزتي مشوفتش انها بنت الا لما خلصت وصله الردح
قرف السواقه بقي اسلوب حياه