الموضوع: كيف اغير لمبة الفانوس الامامى ؟؟؟

المشاركة الأصلية كتبت بواسطة elsokily

أنا عندى اللمبات
Philips H4 55/60 w و تغييرها سهل بعد ما تشيل الفيشه من ورا الفانوس حتلاقى مسمار تفكه و تشيل سلك حديد ماسك اللمبه و تطلعها لكن النصيحه ما تزودش الوات بتاع اللمبه عن 55/60 ده لو مش عندك كتاوت عشان الدراع بتاع النور ما يسيحش

شكرا جزيلا elsokily
على الرد والمشاركه المفيده معلش سؤال اخر
اللمبه تعمل كام فلوس وهل هناك انواع تانيه غير فليبس ؟؟

تغيير اللمبة سهل جداً
1-افصل الكونتاكت قبل ماتبدأ
2-هتلاقي قطعة بلاستك مدورة في الفانوس من ورا مغطية الفيشة هاتفكها عادي
3- هاتفك الفيشة نفسها
4- في كاوتشه عازلة هاتفكها كلها
5-هتلاقي اللمبة ممسوكة بكلبس سلك سهل الفك
بس كده :)
والتركيب اعكس اللي عملته بس خلي بالك ركب الكاوتشه كويس والكفر البلاستك المدور كويس.

المشاركة الأصلية كتبت بواسطة porsche911tt

تغيير اللمبة سهل جداً
1-افصل الكونتاكت قبل ماتبدأ
2-هتلاقي قطعة بلاستك مدورة في الفانوس من ورا مغطية الفيشة هاتفكها عادي
3- هاتفك الفيشة نفسها
4- في كاوتشه عازلة هاتفكها كلها
5-هتلاقي اللمبة ممسوكة بكلبس سلك سهل الفك
بس كده :)
والتركيب اعكس اللي عملته بس خلي بالك ركب الكاوتشه كويس والكفر البلاستك المدور كويس.

شكرا استاذ احمد
ان شاء الله يكون الامر سهل بس الاول اشترى اللمبه ونشوف الموضوع بتاع التركيب
حضرتك متعرفش اللمبه بكام وافضل نوع ايه غير الفليبس

المشاركة الأصلية كتبت بواسطة elkomyalto

شكرا استاذ احمد
ان شاء الله يكون الامر سهل بس الاول اشترى اللمبه ونشوف الموضوع بتاع التركيب
حضرتك متعرفش اللمبه بكام وافضل نوع ايه غير الفليبس

لا شكر على واجب :)
اللمبة معرفش سعرها بصراحة لأن لما غيرتها كان عندي لمبة من عربية قديمة
و طلعت نفس النوع بتاع اللوجان وهو60/55w h4u نوعها osramألماني
وعلى فكرة النوع ده منتشر في عربيات كتير واسأل عند أي كهربائي ممكن تلاقيه ، لكن عامةً الفليبس حلو بس لو لاقيت الأصلي عشان المضروب منتشر

أنا شاري لمبتين تنجسرام وات أعلى الواحدة بـ 50 جنية

المشاركة الأصلية كتبت بواسطة baset

أنا شاري لمبتين تنجسرام وات أعلى الواحدة بـ 50 جنية

طيب الوات الاعلى مش هيؤثر على الكشاف ولا الكهربه بتاع الوصله ممكن يسيح الاسلاك او البلاستيك ال حواليه
وشكرا للمشاركه