اهمال , اهانة , نحت , كحت وكل ما تتخيله

حوالي 7 الاف كيلو من الاستخدام الرياضي العنيف ولما اقول العنيف يبقى العنيف جدا جدا جدا فوق ما تتخيلوا

كسر علاقة السيارة بصاحبها , العلاقة القائمة على التبادل

بالبلدي خد و هات :k21:

واصبحت العلاقة خد بس

ولكن للصبر حدود على راي الست وهنا كانت الوقفة

7 الاف كيلو بدون اي اهتمام بالسيارة سوا البنزين والزيت والشكل الخارجي كنضافة وهكذا

7 الاف كيلو بدون صيانه او تشييك على السيارة :k30:

7 الاف كيلو استخدام قاسي جدا جدا جدا

والنتيجة كالاتي :

1 - تغيير الكنترول ( نتيجة الحرق والقرص على الانجيكشن )

2 - عجلة خلفية يمين بدون بيضة ( يعني لقدر الله كانت ممكن العجلة تسيبني وتمشي في اي وقت )

3 - عجل خلفي بدون مساتر

4 - عجل خلفي بدون تيل فرامل ( لدرجة ان واحنا بنطلع التيل الخلفي مكناش شايفينه اساسا )

5 - تغيير طقم بوجيهات

6 - تغيير سير الدينامو وقريبا سير الكاتينة

7 - مساعد امامي يمين اشبه بالمرجيحة ( والله كنت ماشي بالمساعد وهو مفكوك والعفشجي كان مستغرب جدا )

8 - تغيير بطاحات ( وكنت عارف انهم عايزين يتغيروا من حوالي 4 شهور )

9 - تغيير زيت الفرامل

واللي عايز اقوله يا جماعة ان كل ده مكنش في نيتي اني اصلحه انا صلحته بالصدفة

ولحد اخر ثانية قبل التصليح مكنتش عاتق العربية

اللي عايز اقوله في الاخر يا جماعة ان بجد لازم نحافظ على علاقتنا بعربياتنا ونطبقها صح :k28:

وفي الاخر الله يكون في عونك يا ابيزا