الموضوع: حوار من القلب للقلب - الجزء الأول

المشاركة الأصلية كتبت بواسطة SS

أسمحى لى اولاً ارحب بحضرتك....و أحييك ع اجابتك :k49:
بس انا عندى تعليق صغير ...ارجو انه ما يزعلكش..."جالها عريس " ده مصطلح عادى ...هى الجملة الدارجة ...اللى بتتقال لما شاب يلاقى فى فتاةً ما يتمناه و ما يمكنه من استمرار الحياة معها...و ده مش حاجة لا تعيبها و لا تقلل من شأنها ..اطلاقأً..و مش معناه برده انها سلعة معروضة...لأن السلعة ملهاش امكانية قبول او رفض عرض الشراء ايأً كان الثمن...على العكس من البنت اللى بيتقدم لها حد....ان ماكنش قصدى اعلق ع الكلام ده الا لأنى حسيت أن حضرتك اتضايقت من السؤال...و انا حبيت انك ما تكونش مضايق...بس مش اكتر.
بالنسبة للأسئلة ها أسئلك كام سؤال ساذج كده من اللى بيتقالو كتير...هل اللى حضرتك حققته و وصلته فى حياتك هو كل اللى كنت بتحلم بيه؟ بمعنى اخر هل حققت احلامك وطموحاتك كلها و لأ ؟و هل اللى انت ما حققتوش ده شايف انك لو كنت اخدت قرارات او اختيارت مختلفة كان ممكن تحقيقه؟ أيه هو الهدف اللى ما تحققش و بتتمنى او بتحاول أنك تحققه فى المستقبل؟
أيه رأيك فى موضوع الهجرة؟؟وهل لو أبنك جالك فى يوم و قالك انه هيهاجر ايه موقفك؟

بداية اشكرك على مشاركتك وبداية ايضا احب اوضح انى ماكنتش مضايق ولا حاجة انا بس حبيت اتحفظ على الجملة المستخدمة ليس إلا
اما بالنسبة لاسئلة حضرتك فأنا بالتأكيد محققتش كل احلامى ويظل الانسان يحلم طالما انه يحيا اما مسألة الاختيارات فأظن انى راضى تماما عن كل اختياراتى وقراراتى وبالتأكيد ربما كانت النتائج اختلفت فى بعض الامور لو ان اختياراتى تغيرت ولكنى راضى عن تلك الاختيارات وبالتالى راضى تماما عن النتائج اما مالم يتحقق واسعى لتحقيقه فى المستقبل فهو كثير وكلها امور تتعلق بالمستقبل المستقر او بالاحرى بمستقبل اولادى فى حياة افضل واستقرار اكثر وتربية ارقى
اما عن مسألة الهجرة فموقفى الشخصى منها هو الرفض التام انا بحب البلد دى ومش هاسيبها تحت اى ظرف وضد اى هجرة .
اما مسألة ابنى فأظن انه لو كان لى حق الرفض او القبول فى حالة ما اذا انه قرر الهجرة - اقول لو كان لى هذا الحق فسوف ارفض بالتأكيد ولكنى متاكد انه اذا وصل ابنى اساسا لفكرة الهجرة فلن استطيع ان اثنيه عن ذلك
ولذلك اظن انه يمكن من الاصل الا يصل الى هذه القناعة اذا ماتمت تربيته على ما اؤمن به واستطعت ان اقنعه بقناعاتى وهذا ما احاوله واتمناه
ولكن .. ليس كل مايتمناه المرء يدركه.

اهلا بيك حازم باشا
بالنسبة لكلمة (جالها عريس) زي ما قال ss كلمة دارجة الكل بيستخدمها المقصود منها ان عريس اتقدم لخطبة بنتك
وعلى ما اعتقد كلنا في مصر بنستخدمها سواء القاهرة او قبلي او بحري
واخيرا اختلاف الرأي لا يفسد للود قضية
تحيتي لشخصك الكريم

فكره جميله جدا ويسعدنى مشاركتكم فى حواراتكم

المشاركة الأصلية كتبت بواسطة sukkar76

فكره جميله جدا ويسعدنى مشاركتكم فى حواراتكم

المشاركة الأصلية كتبت بواسطة Mohamed_ElNaggar

انا متابع الموضوع ومستمتع بيه ويسعدني مشاركتكم

اهلا بحضراتكم شرفتوا موضوعي
واسعدني رأيكم في الموضوع
وان شاء الله تشاركوني قريب في الحلقات الجديدة

بعد اذن الاعضاء اسمحولي بكرة اجازة ونستكمل باقي الحلقات مع ضيف جديد بعد بكرة

سيداتي انساتي سادتي

انتظرونا غدا في حلقة جديدة
حلقة مفاجاة للجميع

حلقة مع شخصية لامعة من شخصيات نايل موتورز