بصراحه انا ماليش فى الاجتماعيات كتير
بس انا لاقيت فى طابووور فقولت اقف يمكن اطلع بفرخه ولا حاجة :C_laugh[1]:
أولاً تعليقك ده ضحكني جدااااااااا اول ماشوفته :C_laugh[1]:
انا اسألتى بسيطه خالص
واضح واضح :11:
1- كام مره بدأتى من الاول؟ وليه؟
السؤال واضح يعنى مش محتاج شرح :Ob_mak1[1]:
يعنى ايه الحاجة اللى كنتى ماشيه فيها وفجأة وقفتى وتخليتى عن كل حاجة انجزتيها او علمتيها وبدأتى من الاول
وكان فى سبب قوى لكده ولا انتى بتحبى لو فى حاجة غلط ولو بسيطه تبدأى من الاول عشان تتجنبى الغلط ده؟
في الحقيقة اكتر من مرة بدأت من الأول لإني بلاقي نفسي ماشية في طريق تاني غير اللي المفروض اروحه ولازم اراجع نفسي من جديد عشان اروح للطريق الصح.
وده حصل مثلا في شركة كنت شغالة فيها قبل كده ومديري كان عصبي جدااااااا لأبعد الحدود وصعب يتحكم في انفعالاته :fdsa: وطبعاً ده كان بيحصل قدامي مع الموظفين أو العمال وساعات كان بيطول لسانه عليهم (كان بينسي نفسه وينسي اني موجودة :_Alshmokh08[1]:) وده طبعاً كان بيوترني ويخنقني جدا وساعات كان بيتنرفز عليا برده (بس الصراحة عمره ماطول لسانه معايا أبداً "ميقدرش اصلاً" :dontudear:) بس كان ممكن يزعق أو يتكلم بصوت عالي مثلاً :_Alshmokh08[1]: انا كنت بسكت وقتها احتراما لنفسي ومراعاة لمكانته وكمان لإني عارفة إنه شخص طيب أصلا بس كنت بعدها بقلب وشي :rfds:وبتعامل معاملة ناشفة جدا وبعد كده كان بييجي يعتذرلي ويقوللي معلش أصلي مريض بموضوع العصبية ده :Zb_sor1[1]:(وانا للأسف من طيبتي بسامح:11: ) وقلت برده انا لسة خريجة جديدة لازم استحمل شوية وفضلت استحمل واستحمل لكني زهقت :_Alshmokh08[1]:وجه عليا وقت وقفت مع نفسي وقفة قوية وقلت مينفعش اكمل اكتر من كده خصوصاً بعد دخول مشاكل اخري في حيز التفكير من جانب طريقة ادارة الشركة وطريقة التعامل معايا من جانب رئيس مجلس الإدارة (كان في صراعات ادارية بينهم كمان) واخدت قرار نهائي بلا رجعة بالإستقالة (رغم إنه رفض استقالتي وكان متمسك بيا جداااا) لكن خلاص مبقاش ينفع ورجعت بدأت من الأول في شركة تانية وكنت حذرة جدا جدا في تعاملاتي مع الأخرين وكلامي محدود جداا معاهم (طبعاً نتيجة للجو اللي شفته في الشركة السابقة :11:) وحطيت حدود للتعامل معايا من البداية عشان الوضع اللي فات ميتكررش عشان سكوتي ميخليش الطرف التاني يتعدى حدوده في التعامل ويتنرفز عليا.
وكان في مشروع ارتباط (جواز يعني) على وشك البدء برده وكنت شايفة عيوب في الطرف التاني بس فضلت اتغاضي عنها واتنازل واتقبل مشاكله ووضعه واقول يمكن الوضع يتصلح وعشان مكونش متسرعة في قراري واظلمه لكن وصلت لمرحلة اني خلاص لو البني ادم ده اخر راجل في العالم مش هاتجوزه لإن مشاكله وعيوبه اكبر من احتمالي اصلا ولو اتجوزته هاكون زوجة تعيسة جدا جدا جدا فطبعاً نهيت الموضوع وانسحبت منه تماماً :Zb_sor1[1]:.
بس بعد كده اي وضع يكون فيه غلط بحاول الحقه من البداية مسيبوش لحد مايتفاقم عشان مرجعش ابدأ من الأول تاني وكده.
2- لو فى اتنين بيحبوكى
واحد اعلى منك فى المستوى وواحد اقل منك فى المستوى (اجتماعيا وليس ماديا او ثقافيا) هتختارى مين وليه؟ (خلى بالك ان كل مستوى اجتماعى وليه عاداته وتقاليده اللى ممكن مش تكون مقبوله لمستوى اجتماعى اخر)
هو طبعاً انا هاخد اللي بحبه فيهم (ده لو كنت بحب حد فيهم يعني :shyy:) أما لو كنت بختار بعقلي فقط وإستبعدنا حتة المشاعر دي ولسة محبتش واحد فيهم يبقي هاختار اللي اعلى مني لإني شايفة إن طالما الرجال قوامون علي النساء يبقي لازم الشخص اللي اسلمه قوامتي يكون أعلى مني في كل حاجة (أو على الأقل احنا الإتنين متساويين) لمصلحته قبل مصلحتي عشان ميفضلش جواه عقدة نقص من ناحيتي تكدر علينا حياتنا إحنا الإتنين لإن الراجل دايما يحب يكون متفوق على زوجته وحاسس قدامها بالقوة :Oc_sun1[1]:.
وبالنسبة لإختلاف العادات والتقاليد في مستوى إجتماعي لو هي عادات لا تتنافى مع اسلامنا يعني في بعض المستويات عشان عالية فعندهم مثلا شرب الخمور وتعدد العلاقات النسائية والتجاوز فيها شئ طبيعي وكلاس كمان واللي ينتقض ده بيكون متخلف (من وجهة نظرهم طبعاً) يبقي ساعتها هارفض الإرتباط بالشخص ده تماماً لكن لو هي عادات عادية مفيهاش حرام ولا عيب انا اقدر اتماشى معاها واوكب نفسي عليها مفيش مشكلة في ده :s1[1]:.
وانا بالفعل بشوف في شغلي وحياتي ناس من مستويات مختلفة ومع ذلك معنديش مشكلة في التعامل معاهم وبعامل كل واحد بالمعاملة اللي تناسبه وبتجنبهم بس في الأمور اللي مش بكون راضية عنها نفسياً.
3- بتؤمنى بالحب (بتاع الافلام وان كل واحد ممكن يموت لو بعد عن حبيبه) ؟؟ ولا انتى شايفه انه مجرد تعود وتفاهم وارتياح بين طرفين؟
بص هو أنا مؤمنة جدا إن لازم يكون في حب بين أي اتنين متجوزين عشان يقدروا يفضلوا مع بعض ويصبروا على الظروف الجميلة اللي احنا فيها دي :whtauwant:وكمان عشان الحياة صعبة وفيها معاناة كتير :K14: وكلنا لانخلو من العيوب وعشان اقدر اتقبل عيوب زوجي لازم اكون بحبه وهو كمان عشان يتقبل عيوبي لازم يكون بيحبني :s1[1]:. لكن واحد يموت عشان التاني دي انا شايفة صعبة ومبالغ فيها بصراحة :U_thin1[1]:. ده محدش بيموت عشان أمه وابوه هايموت عشان حبيبه؟ :Zb_sor1[1]: هو طبعا ممكن نزعل نضايق نكتئب لكن نموت مينفعش لإن الحياة مليئة بالمفاجآت ولو اتعاملنا مع الأمور بالشكل ده صعب اننا نكمل حياتنا بطريقة سوية.
4- لو بتؤمنى بالحب ؟ بتؤمنى بالحب من اول نظره؟
هو موضوع الحب من اول نظرة مسموش حب :F_eyeb1[1]: اسمه اعجاب أو رغبة شديدة في التقرب من شخص معين مبنية على أساس الشكل الخارجي والإرتياح المبدئي فقط ولو طلعت الصفات الداخلية والطباع متقاربة ومتوافقة مع الشكل الخارجي أو احسن كمان وحصل برده اعجاب وارتياح وتفاهم بين الطرفين ساعتها بس ممكن يتحول لحب :k8:. أما لو حصل صدام :rfds: أوتعارض بين المظهر والجوهر سرعان ماهتنكشف حقيقة المشاعر دي وتتبدد:k17: .
5- ايه اكتر اكله بتحبى تاكليها من ايد ماما؟؟
أكتر أكلة بحب أكلها السمك المقلي والفراخ بالخلطة بعدين تتحمر :Ob_mak1[1]:. وايه اكتر اكله بتعرفي تعمليها ومميزة فيها جدا؟ ليه الإحراج ده بسسسسسسسسسس:whtauwant:
:mahf(5):
هو عموما أنا لسة مبطبخش حاجات كتيرة عشان اعرف أنا مميزة في ايه :shyy:
بس ان شاء الله لما اكمل طبخ كل انواع الأكل ساعتها هاقدر اقول انا مميزة في ايه بالضبط :shine[1]:
6- فى افلاك كتير الايام دى بتنزل بحجة انها بتعرض مشاكل وحاجات موجوده فعلا فى المجتمع (واخص بالذكر المخرج ال..... خالد يوسف)
تفتكرى ده تفكير صح ولا ممكن نحل المشاكل دى كلها من غير ما نكشفها وبصوره حقيرة جدا امام الناس كلها لمجرد المكسب المادى؟؟
أنا معترضة أصلا على اسلوب خالد يوسف في كل افلامه وكمية الإباحية اللي بتكون واضحة فيها وبشكل مُسِف :_Alshmokh08[1]:. انا ممكن اقدر اوصل رسالتي من غير مااحط مشاهد مُسِفه ومتنفعش يشوفها لا كبير ولا صغير. لازم يراعي ان الجمهور اللي بيعرضله الأفلام دي فيه شرئح مختلفة وفي اطفال ومراهقين لم ينضجوا بعد ويتفهموا رسالته من المشاهد دي ايه (ده لو فرضنا أصلا إن افلامه بتقدم رسالة فعلاً). ومعلش يعني مش افلام خالد يوسف هي اللي هاتحل مشاكل المجتمع :whtauwant:مكنش حد غلب يعني :B4_556:
يارب تكون اسألتى سهله :U_thin1[1]: