الموضوع: حوار من القلب للقلب - الجزء الأول

يا باشا .. مقدرش اتاخر ..
انا بكتب في الاجابات دلوقتي ..
بس واحدة واحدة .. علشان عايز أألف اجابات كويسة :)
و كمان انا قاعد بره مش في البيت .. و الموضوع صعب شوية عندي ...
--------
و لكن ... حاااااااااضر
حاااااااالا
راااااااااايت اواااااااااي

مين قال اني نزلت التتر !!!!!!
ده لولا ان ضيف بكرة ضيف فوق العادة كنت استلفت لك يوم منه
احنا معاك لحـــــــــــــــــــــــ ـــــــــــــــــــــد ما انزل حلقة سبعاوي باشا بكرة

المشاركة الأصلية كتبت بواسطة ahmed_su

حبيبى ابو على باشا خليل

حبيبي و حبيب محبي السيراتو ( الاوتوماتيك ) في مصر

يمكن لم نتقابل قبل كده وكل معرفتى بيك من خلال كلماتك على صفحات المنتدى

اتشرف .. و اسعد بهذه المعرفة :)

بس حاسس انى اعرفك قوى ومن زمان مش عارف ليه ؟ لاء وكمان عندى انطباع انك راجل جدع جدا كمان

ده من ذوقك العاااااااالي يا فندم

انا يمكن ماليش فى موضيع الاسئلة دى وحكاية (اين ترعرت سيدتى ...وبتحب تلبس الوان ايه....الخ)

بس مش معقول تبقى نجم الحلقة واقدر افوتها بدون الحوار معاك

شوف ياسيدى ...
:k20::k20::k20:
اشوف اييييييييييييييه
كل الاسئلة اللي تحت دي و ملكش في الاسئلة؟؟؟؟ ..اأمال لو كان ليك فيها كنت عملت فيا ايه ...
قووووووووووول يا سيدي

لو ماكنتش انت انت كان نفسك تبقى مين ؟ :K15:
الاسئلة الغريبة دييييييي
.. بص يا سيدي..
لو مكنتش انا انا .. كنت اتمني اني اكون ... الامام الشافعي ..
اجابة غريبة شوية .. بس علي فكرة .. انا عاشق لهذا الانسان

لورجع بيك الزمن الى الوراء هل كنت هتدرس نفس نوعية الدراسة ؟ مع التعليل
لأ ..لأ اند لأ... كنت اتمني ادخل قسم ترجمة فورية في كلية اللغات و الترجمة .. بس حالة الخيابة اللي بتييجي للواحد في الثانوي هي اللي حكمت :k41:

كان نفسك تشتغل الشغلانة اللى انت فيها؟ وان كان لاء كان نفسك تشتغل ايه؟
الحمد لله علي نعمه الكثيرة .. و في ناس مش لاقيين اللي انا فيه .. نسأل الله دوام النعمة .. بس فعلا .. كان نفسي اشتغل في مجال خدمة العملاء او الموارد البشرية .. ( راجع الاسئلة السابقة :) )

ايه احسن حاجة بتعملها فى يومك ؟ وايه اسوء حاجة بتعملها فى نفس اليوم؟

احسن حاجة ممكن اعملها في يومي .. و بيبقي يومي بعدها جميل جدا .. و ماشي سلس و زي الفل ..اني اصلي الفجر خاضر في جماعة ...
و العكس - للاسف - صحيح

انت عصبى المزاج ولا هادىء؟... يعنى بتاخد الامور ببساطة ولا على اعصابك
سريع العصبية .. سهل الارضاء .. بيفكر كتير .. و اعصابي خربت من زمان .. و بفكر اجيب طقم اعصاب جديد .. الناس بترشحلي بورسعيد ... ربنا يسهل

اذا كنت زهقان جدا وعندك حالة من الملل بتروح فين ؟ وليه؟
الكورنيش ..مكان معين في المنيل .. مكان اخر علي كورنيش شبرا ..شارع نهرو .. اسكندرية ..... المسجد

ايه اللى يخلى حسن خليل دموعه تنزل ؟
حسن خليل بيحاول يخلي دموعه متنزلش علي قدر الامكان .. نوع من التدريب علي التماسك .. لكن قلبي ب ( ينفطر ) لما الاقي دمعة رجل مسن .. اكتر من دموع الاطفال او امرأة مسنة .. لان الرجل عندما تنزل دموعه .. يبقي وصل لمرحلة عالية من شعورة بالعجز و قلة الحيلة ...
ربنا يعافينا جميعا .. و يدينا ..و يدي لاهالينا الصحة و العافية

وايه اللى يخليك تبقى طاير من الفرحة (الفرحة مش الفرخة )؟
:)
زي ما قولتلك ...
انا سهل الارضاء ..
و لذلك حاجات كتير تخليني طاير من الفرحة ..
لما جبت العربية .. ابتسامة لؤي ابن اختي .. خبر مفرح لصديق مقرب....

انت سكان فين ؟ وتحب تسكن فين (المنطقة يعنى )؟
انا اسكن في شرق القاهرة .. علي حدود مصر الجديدة .. يعني لو مصر الجديدة انضربت .. احنا اللي حنكون في الوش ..
و اذا حبيت اسكن .. اتمني اني اكون برضه في مصر الجديدة .. و دي تعتبر من احب الاماكن الي .

ليك اخوات ؟ترتيبك مابينهم الكام ؟
اخت واحدة فقط .. و انا الثاني في الترتيب

بتحب تسمع الراديو؟ بتحب تقراء؟
عامة انا بخب اسمع اكتر ما اشوف .. بس النت .. الله يسامحه يمكن غير العادة دي شوية ..
و للأسف .. انا قارئ .. و لكن لست قارئ جيد ( الا ما يخص مجال عملي ) مع افتراض انه يجب ان يكون العكس

تفضل الصيف ام الشتاء ؟ وليه؟
الشتاااااااااء بالطبع ..
يا رااااجل .. ده الواحد فاضل يطلع من هدومه في الصيف ..
الشتاء فصل احترام / شياكة .. انتخة .. هدووووء ..و حاجات تانية كتير ..
عموما .. انا بحب الجو البرد .

لو كسبت شهادة المليونير وبقيت مليونير ايه او ل حاجة هتعملها ؟
سؤال صعب ..
بس علي فكرة .. انا اتسألت سؤال سابق زي ده ..
بس الناس كانت كريمة شوية و ادوني 5 مليون ..
ايه يا بشمهندس ..
بحبها شوية ..
انت دافع حاااجة ؟؟؟

لو بنت حلوة قوى سايقة عربية عدت جمبك بتبص عليها؟
لو جت ( في مجال ) نظري
انا مجال نظري واااسع جدا :k20::k20:
بص يا بشمهندس ...
أثبتت التجارب العملية ان غض البصر ( اثناء القيادة ) يؤدي الي عواقب وخيمة جدا ..
ايضا .. البصبصة تؤدي الي عواقب .. اوخم :)

لو بقيت رئيس الجمهورية وليك كل صلاحيته لمدة نص ساعة ...ايه اللى ممكن تعمله فى النص ساعة دى؟
اقدم استقالتي
السلطان .. من لا يعرفه السلطان

بتكره مواضيع حد فى المنتدى؟ يعنى لما تشوف اسمه ماترضش تقرا الموضوع !!
عموما ..مبحكمش علي موضوع من اسم كاتبه
لكن باخله .. و باقرأه .. و بعدين اخد القرار اذا كنت اكمل او لأ
---
بالاضافة .. الي ان بعض المواضيع الواحد بيحترس انه يدخلها احسن يصيبه من الحب جانب
( راجع الموضوع الاخير لل DNB )

ايه اللى بيخليك تبص على النيل موتورز يوميا ؟( السبب)
لأنه اصبح جزء من حياتي اليومية ... ليه ؟؟؟ دي عايزة قعدة

ايه اخر نكتة سمعتها ؟
فعلا فعلا .. اتقاليتلي النهاردة في الشغل .. بس مش قادر افنكرها خااااالص

ملحوظة:

جميع الاسئلة اجبارية
الاجابة باستفاضة مع التعليل لتحصيل الدرجة الكاملة

دول شوية الاسئلة اللى فى بالى حتى اشعار اخر

مفيش اشعارات اخري .. كده حلو اوي يا بشمهندس .. عملت الواجب و زيااادة .. ربنا يبارك لك في عربيتك و تجيب واحدة كمااااااااان
كفااااااااااااية

عزيزي ..بي :)
مرحبا مرة اخري ..
و نستمتع باجابة باقي الاسئلة :)

المشاركة الأصلية كتبت بواسطة bee

عودة لحسن باشا

قسم التكنولوجيا
1-ايه علاقة حسن بالتكنولوجيا عموما ؟؟ مهووس بيها ولا عادي ؟؟
علاقتي بالتكنولوجيا عادية جدا .. متابع جيد .. و منبهر بالتطور الاكثر من السريع .. لكن .. لم .. و لن اصل لمرحلة الهوس


2-موبايلك نوعه إيه ؟؟ مكفي احتياجاتك ولا عايز تغيره ؟؟
عموما ..علشان موبايلي دائما في جيبي ..بافضل الموبايل صغير الحجم ..
من احسن الحاجات اللي كانت معايا 8310 / 6100.. تليفونات رااائعة ..
جبت ال 73 .. و كانت حاسس انه حياخد البنطلون و يقع .. بعته بعدها باسبوعين .. و دلوقتي معايا تليفون غريب ..قمئ .. اسمه .. بيشتغل لمدة ساعة واحدة في اليوم .. هو اللي بيحددها .. و مش حاجيب اي حاجة حاليا طول ما انا بدفع قسط العربية ..
شفت الغني الفاحش!!!!!!!

3-ايه اكتر حاجه بتستفاد منها من التكنولوجيا الحديثه ؟؟
الانترنت



قسم الاسرة :
1- حسن ليك اخوات ؟؟
اخت

2-ترتيبك بينهم لو فيه ؟؟
الثاني

3-مين اقربهم ليك ؟؟ وليه ؟؟؟

انظر الاجابة بالاعلي :)

4-مين كان اقرب لحسن والده ام والدته ؟؟
بحب الاتنين جداجداجدا


قسم الاصدقاء :

1-مين اقدم صديق مستمر معاك ؟؟
فيه اربعة خمسة ترجع علاقتي بيهم لحوالي 25 سنة مضت .. يعني من واحنا عندنا5 سنوات تقريبا .. و بفضل الله ..لسه مع بعض لحد دلوقت
سبحان الله .. انا اتسألت برده السؤال ده النهارده الصبح..انتم متفقين مع حد من يره النتدي و اللا ايه ؟؟؟؟:k20:

2- مين صديقك الي بعد عنك او العكسي لظروف قاهرية ؟؟
الحياة بتفرق ..
ناس بتشتغل و تمشي .. ناس بتتجوز و تمشي
ناس مش بتعمل اي حاجة ..بس برضه بتمشي .. وكلنا - للأسف - احد هؤلاء الاصناف

3- هل فيه حد اعتبرته صديقك وطلع غير ذلك ؟؟
الحمد لله ..لأ



قسم الروحانيات :

1-هل حسن بيدعهي ربنا يومياً ؟؟ وبايه لو الاجابة ايونننننننن :k41:
الحمد لله ..
و اسئذنك تخليلي الجزئية التانية

2-رمضان بيمثل ايه لحسن ؟؟
كل حاجة حلوة في دنيتي.. باحس اني منفصل عن الدنيا دي كلها .. باحس بالخير و البركة فيا و في بيتي و اهلي و كل الناس ..

3-مين علمك الصلاة وحببك فيها ؟؟
ابي و امي .. ربنا يبارك لهما و فيهما.. اسئلكم الدعاء لهما بالشفاء .


قسم الارهاب :

1-مين الي خطفك قبل ما تيجي على هنا ؟؟ DNB ????
قول متخااااااااااااااااااافيش بالصعيدي :biggrinjester:
و الله انا خايف عليك انت .. دول قلبهم ميت .. و لسانهم....امممم ..بينقط سكر
خد بالك من نفسك :)

كفاية كده دلوقتي .. سنعود بعد الفاصل

مين اللي حيعود بعد الفاصل ... علي الله حد يعود بعد الفاصل .. عود براحتك .. و علق علي الاجابات زي مانتا عايز ...
لكن ..اسئلة ..لأ ..فينيش .......
:)
لا لا ...بجد
اسعد جدا بأسئلتك يا اخي العزيز.. و انا بقالي مدة نفسي انزل بورسعيد .. حعمل حسابي علي واحد شويبس صاروخ لما اجيلك ... و مش عايز ادبسك في غدا دلوقتي :)