الموضوع: حوار من القلب للقلب - الجزء الأول

المشاركة الأصلية كتبت بواسطة zAzU

يا جماعه الموضوع حلو اوى و عاجبنى بس انا قريت اول 3 صفحات بس مش قادر اكمل ال86 اعمل ايه حد يحكيلى بقى وانا سمعت كلمة دكاتره ههههههه !!

اهلا بيك دكتور منور الموضوع
فعلا عندك حق صعب اوي تقرا اكتر من 850 رد في يوم واحد
لو حضرتك عندك وقت احكيهم لك مش عايزين اكتر من 80 يوم بس

المشاركة الأصلية كتبت بواسطة sab3aawy

يبقى لى فقط ان انهى هذا الحوار اللى انا استمعت بيه جدا ، بشكر خاص جدا جدا للمتميزة نور القمر والتى استطاعت رغم قصر الفترة التى تواجدتها معنا ان تصبح احدى نجوم المنتدى اللامعة ، لاسلوبها الشيق ومواضيعها المبتكرة وافكارها اللامعة

تحية تقدير لاتاحتك هذة الفرصة لى للتفاعل مع الكثير من الشخصيات الجميلة فى المنتدى ، وتحية اعجاب باسلوبك المتميز البراق
انا اللي بشكرك جدا بشمهندس خالد انك قبلت دعوتي وعملنا حلقه كانت في منتهى الروعه واعضاء كتير استفادوا منها
وكفايه انك اديتنا فرصه نعرفك عن قرب ونعرف شخصيتك وطريقه تفكيرك
وتقدير سيادتك وشهادتك وسام اعتز بيه

واشكر كل من تكرم على بشئ من وقته لكى يوجه لى بعض الأسئلة وكل من تكرم بشئ من وقته لقراءة ما كتبت ردا عليها وكل من تكرم على بتعليق على ما كتبت، بجد حسستونى انى وسط اهلى، ومش قادر اقول لكم التفاعل ده رفع معنوياتى قد ايه

ومرة تانية بشكر نور القمر على هذة الفرصة الرائعة، بالمناسبة، انا هسيبلك منصب رئيس الوزراء لأنك احق به منى :)

ههههههههههههههه ميرسي على المنصب بس انا راضية اكون صبي رئيس الوزراء.. بليه عندك يعني
حقيقي اسعدتني جدا بحلقتك المميزة وباسلوبك الراقي في ادارة الحوار

المشاركة الأصلية كتبت بواسطة SE_coralsea

حقيقي يا سبعاوي باشا احنا اللي سعداء بيك و كان نفسنا اليوم مايخلصش بس هو كده الاوقات الحلوة دايما تجري بسرعة

و شكر خاص للمتميزة نور القمر علي استضافتها لشخصيات رائعة اضافت لنا الكثير و اثرت عقولنا بفكرها المستنير

ميرسي ليك بشمهندس سمير .. بصراحة اخجلتموني بكتر الثناء:k10:

شكراً أستاذ سبعاوى ... إجاباتك نموذجية زى ما بيقولوا


بكرة بقى دكتور شيكو .... مستنيين أهو الحلقة من دلوقتى

أنا أسف جدا اني وصلت متأخر عن الحلقه الجباره دي ........ بس الحمد لله قرأتها كلها ....... و عايز أقول الأتي ......
1- أنا مش عارف اشكرك ازاي يا نور على فكره البرنامج ده ....... بجد فكره extraordinary ..... ربنا يكرمك يا رب ....... أنا شايف يا جماعه ان احنا كلنا لازم نجيب هديه لنور على المجهود الفظيع ده .... كلنا مستمتعين بالبرنامج و مستفيدين جدا :k49:

2- أنا بعد ما قرأت حلقه أستاذ سبعاوي ...... عرفت اد ايه البلد فيها ناس محترمه و مثقفه ...... بصراحه مش كتير الواحد بيقابل ناس زي حضرتك ....... خصوصا في هذا الزمن اللي متشقلب حاله ..... و أفتكرت رد حضرتك عليا في موضوع قديم بالمنتدى بعنوان (فــخــور لانـى مــصـرى) ...... مش مشكله انا قلت ايه ..... بس ردك كان:

المشاركة الأصلية كتبت بواسطة sab3aawy

حتى لو كنت مختلف معاك فى الرأى لكن وجود ناس متحضرة زيك يخلينى احس ان لسة فيه امل، ولما بقابل ناس كتير من نفس نوعيتك بحس انى فخور بانى مصرى ، حتى لو انت اختلفت معايا فى النقطة دى لكن وجود من هم مثلك فى حد ذاته هو اثبات ان البلد لسة بخير ، بس هو فى الآخر زى ما انت قلت، لو كل واحد ابتدا بنفسه يبقى اكيد فيه امل وامل كبير كمان

و أنا بجد نفسي اقابلك و اتكلم معاك في المقابلات القادمه ...... بس خلي كريم يا ريت يختار معاد أكون أنا موجود في مصر ...... كفايه ما رحتش ولا مقابله قبل كده

3- أفتكرت برضه مشاركتك في موضوع باسم ( إلى كل عاشق للسرعة وسباقات الشوارع) ..... بصراحه مكنتش مبسوط برد حضرتك ....... كان قاسي قوي ...... و الا ايه رأيك؟ ..... (معلش سؤال صغير) ..... و في نفس الموضوع كان ليه مشاركه عايز أعرف رايك فيها ايه:

المشاركة الأصلية كتبت بواسطة MedaSam

أنا بس عايز الناس تنظر للموضوع من جانب تاني ....... طبعا احنا متفقين ان موضوع الواحد يشد و يخمس و يعمل حركات بالعربيه ده موضوع زيه زي اللي بيحب يلعب كرة قدم أو بيحب يرسم ....... يعني هوايه من الهوايات ....... مع الاختلاف طبعا في نوعيتهم و طرق ممارستهم

ما هو ليه الأطفال و الشباب الى الأن في منهم كتير قوي بيلعب كوره في الشارع ...... ما هو دوول برضه بيخبطوا في العربيات و بيعملوا ازعاج شديد ....... لأن ببساطه مفيش ملاعب يلعبوا و يمارسوا هوايتهم و يخرجوا طاقتهم بصوره كويسه ..... مش بقول ملاعب نجيله صناعي محترمه بس علي الأقل ملاعب عاديه

المشكله ان حتى الأقل ده مش موجود ..... نفسسسسسسسسس القصه في سباقات السيارات و الحركات دي ........ ناس كتير بتحب تعمل بعربياتها كده و الأمر بيوصل مع كتير انه حريص على تعديل عربيته و تظبطها من حيث الأداء أو الشكل لتحسين كفاءتها ..... , و أعتقد ده مش جديد قوي ....... الكلام ده زي ما ناس كتير قالت من أكتر من عشر سنين ....... طبعا ممارسه الحركات دي في الشوارع العامه و تعريض حياه و ممتلكات الأشخاص للخطر مرفووووووض تماما و مش محتاجين نتكلم فيه ....... خلونا نناقش حلول للموضوع أفضل

أنا شايف ان لازم يتعمل حلبه مخصصه لذلك ....... الحلبه دي هتفرغ طاقات كتيره قوي مكبوته و هتجد المكان المناسب ليها ........ ما ليه برضه الحوادث كتيره على المحور و الدائري ....... علشان الشباب بيحاول يخرج الطاقه دي بس في المكان الغلط ........ أنا متاكد ان لو كان في دراسات لمعرفه أسباب الحوادث دي كانت هتقود للي انا بقوله ده

طبعا الحكومه مش فاضيه تعمل الحلبه دي ....... و ياريت كان معايا فلوس تكفي المشروع ده كنت ابتديت من بكره فيه ........ أعتقد الحل في رجال الأعمال ...... يا تري حد يعرف يوصلهم الفكره دي و يا ريت لو رجال أعمال متحمسين للسيارات عموما ... و أحنا ممكن نساهم بمجهودنا و أفكارنا ........ و أكيد في مننا كتير عنده أفكار لهذا المشروع ........ و ياسلام لو الموضوع يبتدي من المنتدي العظيم بتاعنا ......

ايه رأيكم يا جماعه !!!!

معلش أنا أسف للأطاله ...... و للتأخير برضه ...... بس اليومين اللي فاتوا كنت مطحون و برجع البيت و خخخخخخخخخخ

المشاركة الأصلية كتبت بواسطة MedaSam

1- أنا مش عارف اشكرك ازاي يا نور على فكره البرنامج ده ....... بجد فكره extraordinary ..... ربنا يكرمك يا رب ....... أنا شايف يا جماعه ان احنا كلنا لازم نجيب هديه لنور على المجهود الفظيع ده .... كلنا مستمتعين بالبرنامج و مستفيدين جدا :k49:

ميرسي ليك ميدا سام الهدية وصلتني بالفعل وهي مجموعة هدايا قيمة واجمل هدية في حياتي هي الصداقات اللي اكتسبتها من المنتدى وروح الود الالفه اللي بين الاعضاء وثنائكم على موضوعي اكبر هدية

بس ده ميمنعش تبعت 2 كيلو لحمة هدية علشان العيد .. كل سنه وانتم طيبيبن