الموضوع: حوار من القلب للقلب - الجزء الأول

المشاركة الأصلية كتبت بواسطة MoToRiZeR

خلي بالكوا كمان أسبوع هنخش في أجازة العيد و ممكن نور تاخد أجازة فا انا بقول نخلي شيكو باشا لحد ما أجازة العيد الكبير تخلص :D

بالمناسبة يا دكتور علاقتك مع lamb of god شكلها إيه بما إني بسمع black label دلوقت

فعلا انا مسافرة قبل العيد وهارجع بعد العيد ان شاء الله
ولو دكتور شيكو باشا هنج مننا من كتر الاسئلة ممكن ناخد متوريزر رهن ونسأله هو الاسبوع كله اللي قبل العيد

المشاركة الأصلية كتبت بواسطة MoToRiZeR

جيمي إبراهيم هيتفيلد :k21:

موتو يا صديقي .... ما لكش حل ....بس شفت هيتفيلد شكله أتغير خالص دلوقتي .... :)

المشاركة الأصلية كتبت بواسطة MoToRiZeR

شيكو باشا .. عدت و معايا اسألة تانية

-
و بالمناسبة مبروك يا نور الموضوع تخطي ال 100 صفحة و الألف رد ما شاء الله

المشاركة الأصلية كتبت بواسطة MoToRiZeR

خلي بالكوا كمان أسبوع هنخش في أجازة العيد و ممكن نور تاخد أجازة فا انا بقول نخلي شيكو باشا لحد ما أجازة العيد الكبير تخلص :D

المشاركة الأصلية كتبت بواسطة MoToRiZeR

ليه كدة دنا كنت هعملك شغل عالي و نقعد دكتور شيكو للعيد الصغير الجي :D

خيانة .... ومن أقرب الأصدقاء ... حتي أنت يا موتو ... هي نور باشا ناقصة وصاية .... يوم تاني ...يوم تاني مين ..... أنا عايز المحامي بتاعي .. :D

- ساعات كتير الواحد نمط حياته في فترة ما بيضطره يلغي حياته الإجتماعية خالص .. و بيتسلل الإحباط إلي نفسه و يقول هو انا بشتغل عشان أعيش ولا عايش عشان أشتغل .. و يبتدي يقرف من شغله و اداؤه ينزل .
أكيد عديت بالمرحلة دي بصفتك طبيب و كمان كنت في القصر العيني .. بتقدر تعدي المرحلة دي إزاي ؟ و هل إنت شايف إن it's worth it يعني ؟ و إزاي الواحد يقدر ي survive و هو مطحون بين مذاكرة و شغل و هو محتاج أي حاجة تنفس عنه ؟

مريت بيها إيه يا صديقي .... ديه كانت عشتي كلها لحد ما جيت كندا ... ضغط الحياة اليومية في مصر مش بتدي وقت لأي حاجة ... كنت كتبت مرة في poem من بتوعي
In these days....the time dedicated to soul salvation is considered a crime

سبب من أسباب أني سافرت اني في مصر كنت باشتغل ٧ أيام في الأسبوع و من غير مواعيد ثابتة يعني أروح مستشفي الصبح و منها لواحدة تانية العصر و منها لواحدة تالتة بالليل و ساعات كنت اضطر أروح مستشفي رابعة كذا مرة وسط نفس اليوم ...كتير كنت باشتغل ٢٤ ساعة في ال-٢٤ ساعة و أكمل تاني يوم عادي خالص ..... بصراحة أنا فشلت تماما في أني ألاقي أي حياه اجتماعية جنب الشغل .....اللي خلص المسألة تماما إن كمان واجباتي الدينية بقيت أقصر فيها

في كندا أنا عندي وقت .... صحيح الشغل شغل و ما فيش هزار فيه انما بعد الشغل وقتك ملكك تعمل بيه اللي أنت عايزه ...لو أقدر أدي نصيحة مع أني فشلت فيها في مصر هو إن الواحد لازم يقف مع نفسه كل شوية و يشوف هو فين و كان فين و رايح فين و عايز إيه و ازاي و الطريق اللي هو فيه ده صح و لا لأ


- هل الواحد مش المفروض يفكر يرتبط بعلاقة جد إلا لو جاهز للإرتباط مادياَ في رأيك ؟

مش شرط بس لازم يفهم الطرف الآخر كل حاجة و بمنتهي الصراحة و يفكروا مع بعض اذا كان ينفع و لا لأ ....

- إيه أكتر حاجة بتستفزك في الفكر المصري ؟
كتير للاسف .... السطحية و الأهتمام بالقشور و المظاهر أكتر حاجة .... ثقافة اليافطة زاي ما مرة قلتلك ...تلاقي اليافطة في غاية الأناقة و مكتوب عليها كلام ما لوش أي علاقة بالحقيقة أو المحتوي

- إيه أكتر حاجة بتستفزك في الفكر الكندي ؟
بصراحة مش عارف الترجمة الصح بس هي ال-Dogmatism ..

- كانت إيه إنطباعاتك الأولي اما وصلت كندا و كنت خايف ولا لأ ؟ و صحيح هو سافرت لوحدك الأول ولا مسز شيكو كانت معاك من أول خطوة ؟
طبعا كنت خايف جدا و كان معايا مسز شيكو من أول يوم ...أول انطباع أول ما خرجت من المطار اني أكيد جيت المكسيك غلط ... الدنيا كانت حر بطريقة عجيبة ... أنا كنت فاكر إن كندا حتبقى برد طول السنة.... صيف تورنتو حار و رطب كمان

- إيه أخبار ال music scene في كندا و ال mainstream بين ال teens إيه ؟
كندا قريبة ثقافيا من أمريكا جدا .... الراب و الهيب هوب طبعا واكل الجو .....تورونتو بالذات فيها جنسيات العالم كله .... فممكن قوي تبقى ماشي في الشارع و تسمع مزيكا الكرة الأرضية كلها ... أو تحضر حفلة لوائل كفوري في عيد جوازك ... تخيل يا موتو انسان معدني صخري قاعد يسمع الأخ كفوري لايف

- هل بتتأخر برة البيت في كندا عادي و ممكن تنزل تتمشي الساعة 2 بالليل مثلاَ ؟
في الشتا ما باتأخرش بره علشان البرد مش الأمان .... تورونتو أمان جدا ...مش عايز أقول آمن من القاهرة علشان ما حدش يزعل ....فيه جريمة طبعا و فيه رذيلة و موبقات بس فعلا فيه أمن و أمان ....
الحق يتقال أمن مكان رحته كان اليابان .... معدلات الجريمة في الأرض و الجرائم الموجودة لا تتسم بالعنف

- أقصر قصة حب كانت قد إيه و أطول واحدة ؟ (قبل مسز شيكو :D )
أقصر قصة كنت مش حاسس بيها أصلا ....الطرف الأخر كان ما بيعبرش خالص و أنا بصراحة ما كنتش فاهم ... و حتى لما حاولت تفهمني كتبتلي مقطع أغنية لفيروز و أنا أصلا قبل مسز شيكو ما كنتش أعرف لفيروز غير حبيتك بالصيف
لما فهمت انهيت القصة بلطف
أطول قصة قعدت يمكن سنتين أو أكتر

- أنهي باند اللي مزيكته بتدخلك في حالة من الهلوسة ؟
Iron Maiden بلا منازع ... بس هلوسة لطيفة مش وحشة

المشاركة الأصلية كتبت بواسطة MoToRiZeR

GNR دول يا شهاب من أجمد الناس في ال RNR

يا راجل ...بجد ....لأ ماتقولش !!!.....بقى ال GNR من اجمد الناس فى ال RNR يا بتاع ال Hallucination
..ماشى ...اما اشوفك بس..هاتروح فين منى يعنى؟؟
يرضيك كده يا دكترة ...شمت فينا ال global citzen !!!

المشاركة الأصلية كتبت بواسطة MoToRiZeR

خلي بالكوا كمان أسبوع هنخش في أجازة العيد و ممكن نور تاخد أجازة فا انا بقول نخلي شيكو باشا لحد ما أجازة العيد الكبير تخلص :D

المشاركة الأصلية كتبت بواسطة نور القمر

فعلا انا مسافرة قبل العيد وهارجع بعد العيد ان شاء الله
ولو دكتور شيكو باشا هنج مننا من كتر الاسئلة ممكن ناخد متوريزر رهن ونسأله هو الاسبوع كله اللي قبل العيد

أحسن ...تستاهل ....من حفر حفرة لاخيه...وانا لو معرفتش اسأل فى حلقتك ...ماعنديش مانع ادفع فلوس و ابعت اجيب اسئلة...مخصوص عشانك

المشاركة الأصلية كتبت بواسطة SS

أحسن ...تستاهل ....من حفر حفرة لاخيه...وانا لو معرفتش اسأل فى حلقتك ...ماعنديش مانع ادفع فلوس و ابعت اجيب اسئلة...مخصوص عشانك

هههههههههههههههه الناس شمتانه فيك من اولها
امال لما يشوفو اللي هعمله فيك

المشاركة الأصلية كتبت بواسطة نور القمر

هههههههههههههههه الناس شمتانه فيك من اولها
امال لما يشوفو اللي هعمله فيك

منتظر ع احر من الجمر... >>> خاصة بعد التعديلات اللى اضافتيها للكرسى من تين شوكى و خلافه

المشاركة الأصلية كتبت بواسطة MoToRiZeR

متفقناش علي كدة هو فيه تين شوكي بجد ولا إيه يا جدعان
انت تعرف عني اني بتاع هزار مثلا !!

اللي مش هتصدقه يا شيكو باشا .. إن انا لي صديق من أيام المدرسة إسمه أحمد المصري و بيدرس بيزنس ادمن دلوقت و شخصية هادئة و متدينة و مثقفة و لبسه كاجوال و كمان مشترك معانا في المنتدي بإسم masriano

ما وراء الطبيعة .. شكلك بتشوف أبعاد الكون الأخري يا دكتور

صدفة غريبه... بجد دي نفسرها بايه؟؟!!!