حوار من القلب للقلب - الجزء الأول

**waled369** · 04-12-2008 04:27 PM

براحتك يا نوارة يا بنتي أنا بس كنت بادور على زعلك . انا برضه كنت باقول انك طيبة و بنت أصل و مش هتعمليها معاه الوقتي .
بنت أصول يا نوارة .

انته اسكت بقى يا كيمو جت سليمة المرة دي . بس مش ضامن هيه ممكن تعمل ايه المرة الجاية . خد بالك منها أوي .

**Nour_Peugeot** · 04-12-2008 04:42 PM

يا جماعه اعتقد ان وليد كده تعب معانا اوووووووووي

بس انا مزهقتش انا عندي سوال تنح شويه ههههههههه
هو سوال حلزوني شويه

السوال بيقول
1-لما حضرتك بتركب عربيه جمب واحد صحبك او قريبك بيحصلك البيحلنا لما هو بيدوس فرامل

بمعني انا مثلا لما والدي ببقي قاعد جمبيه و هو بيدوس فرامل انا كمان بدوس عندي فرامل بس مفيش دواسه

الشعور ده بيجيلك ؟ و لماذا ؟ و ماذا رد فعلك بعد ذالك

انتهيت الاسئله

معا تمنياتي القلبيه بالنجاح و التوفيق

معلش اصل الثانويه العامه اكلت دماغي

**waled369** · 04-12-2008 04:57 PM

[QUOTE=Nour_Peugeot;535781]يا جماعه اعتقد ان وليد كده تعب معانا اوووووووووي

يا باشا تعبكم راحة .

بس انا مزهقتش انا عندي سوال تنح شويه ههههههههه
هو سوال حلزوني شويه

بالرغم ان الدكاترة قالوا ابعد عن أي حاجة حلزوني بس علشان مفيش مشكلة .
السوال بيقول
1-لما حضرتك بتركب عربيه جمب واحد صحبك او قريبك بيحصلك البيحلنا لما هو بيدوس فرامل

أكيد طبعا كأني سايق معاه و ايه اللي ( بيحصلكم دي ) باعتبار أني من كوكو ( مش غلط مطبعي أنا قاصد اكتب كده ) تاني .
بمعني انا مثلا لما والدي ببقي قاعد جمبيه و هو بيدوس فرامل انا كمان بدوس عندي فرامل بس مفيش دواسه

يااااااااااه معقول بتدوس فرامل و مفيش دواسة ( دي حاجة غريبة جدا ههههههههه ) اوعى تزعل بهزر معاك طبعا .
الشعور ده بيجيلك ؟ و لماذا ؟ و ماذا رد فعلك بعد ذالك

طبعا اعتقد انه شعور طبيعي جدا للي بيعرفوا يسوقوا أول ما يقعدوا جنب حد سايق . لماذا ؟ شعور طبيعي و غير ارادي . دايما بادي ملاحظات للي بيسوق بالرغم انه غلط طبعا بس أنا مفكر نفسي ( مايكل شوماخر ) مثلا . و كمان علشان انا باسوق من سن مبكرة جدا . بس أحب أقول لحضرتك حاجة يا أستاذ نور أنا فيا عادة زي الزفت و خاصة لما باكون راكب مع أي حد من أصحابي حتى لو عربيته هوه بينزل من نفسه و أنا اللي أسوق و الله أمبارح آخرها كنت خارج في شغل مع أحد زملائي و أول ما نزلنا م المكتب لقيته بيديني مفتاح عربيته و بيضحك و بيقول لي انا سوق انته بدل الدرس اللي هتدهوني و أنا سايق .
كمان عندي عادة أسوء و دي من أول ما جيت الكويت كانت كل عربياتي ( اسبور ) يعني باب واحد و مش باحب حد يركب في الكرسي الخلفي أبدا ليه مش عارف .

معا تمنياتي القلبيه بالنجاح و التوفيق

شكرا لحضرتك يا أستاذ نور و بإذن الله أشوفك أول ما أنزل أجازة .

معلش اصل الثانويه العامه اكلت دماغي

ربنا يوفقك و يوصلك لمرادك يا أستاذ نور .

**kimo-nubira** · 04-12-2008 05:04 PM

المشاركة الأصلية كتبت بواسطة Bossy_Fadl

لاهديها براحتك:POINTI~2[2]:

الاهلاوية زي نايل موتورز بالظبط

One team = One family

محدش يقدر يوقع بينهم

يســــلام عليكي يا بوسي اهلاويه صميمه :k36:

المشاركة الأصلية كتبت بواسطة Bossy_Fadl

خلاص يا كيمو معلش انت عارف نفسيه المواطن الزملكاوي عامله ازاي:POINTI~2[2]:

الله يكون في عونهم من هزيمة لاخري

سيبهم يتفكو بكلمتين معلش

و بعدين بدل مانتا عمال تتكلم كده روح هاتله كام سؤال من اللي يحرقو الاعصاب و ده يبقي ابشع انتقام

نيييييييييييههههههههههههه ههههههه

ماتقلقيش الفكره ديه فى دماغى بس المشكله اني في الشغل افوقله بس

وهتلاقي اساله ضرب نار ولا اساله خلف الاسوار

المشاركة الأصلية كتبت بواسطة Bossy_Fadl

اه عارفه طبعا يا كيمو

محدش يقدر يوقع بين الاهلاوية

و راجع ردي السابق المتعلق ب one team one family و الحاجات دي :k48:

عاقله ودماغك كبيره يابوسي من يومك بس ايه ده هو وليد وشه احمر

كده ليه !!!!

:k48:

**Nour_Peugeot** · 04-12-2008 05:08 PM

شكرا يا باشا علي الرد السريع

و احلي حاجه انك فلت من تحيح الثانويه العامه الكنت هعملهولك

**waled369** · 04-12-2008 05:11 PM

المشاركة الأصلية كتبت بواسطة Nour_Peugeot

شكرا يا باشا علي الرد السريع

و احلي حاجه انك فلت من تحيح الثانويه العامه الكنت هعملهولك

العفو يا نور باشا

بس خد بالك احنا لا يهمنا ثانوية عامة و لا ثانوية خاصة ( دا احنا جامدين أوي ) .

ربنا يوفقك في دراستك

**Bossy_Fadl** · 04-12-2008 05:35 PM

:k48::k48::k48::k48:

وليد و كيمو

كالعادة انا و انتو قلبنا الموضوع شات رياضي :k48:

و شكل الموضوع ده هيلاقي نفس مصير موضوعاتنا السابقه

بس مش عارفه هيتنقل اجتماعي تاني ازاي اذا كان هو في الاجتماعي :k48::k48::k48:

الغلبانة نور هي اللي هتتحمل النتيجة

الله يكون في عونك يا نور و علي تقارير المشاركة اللي الموضوع هياخدها بسببنا

**waled369** · 04-12-2008 05:38 PM

انا منتظر اسئلة و محدش معبرني لغاية الوقتي

خلاص يا واد يا كيمو خللي الرياضة في مكان تاني

و بانتظار الاسئلة .

خخخخخخخخخخخ

**Bossy_Fadl** · 04-12-2008 05:54 PM

يالله اتفضل يا استاذنا الزملكاوي الفاضل اجب عن الاسئلة الاتية:

1_ايه بيكون شعورك لما حد يسألك سؤال و متقدرش تجاوب عليه؟

2_لو اتطلب منك تقوم ليوم واحد بكل مهام المرأة في البيت (لغياب المدام مثلا)...ايه هي الحاجة اللي لا يمكن هتعرف تعملها؟

3_ كل واحد فينا جواه نسبة حزن...يا تري نسبة الحزن اللي جوه وليد قد ايه...كام في الميه يعني؟

4_ هاقولك شوية جمل توجهها لاشخاص هنا في المنتدي:

أ- مواضيعك ممتازة:

ب- أنت فين و غايب عننا ليه:

ج- أنت دمك خفيف اوي:

د- أرائك دايما بتعجبني:

هـ- شخصيتك محبوبة اوي في نايل موتورز:

و- المنتدي بيبقي وحش من غيرك:

ز- أنت صاحب شخصية قوية:

5_ هل خسرت صديق قبل كده؟ و يا تري ايه السبب(او مش عاوز تقول خلاص بلاش)؟ و لو قابلته تاني يا تري هتتعامل معاه ازاي؟

6_ الايه الكريمة دي " كَذَلِكَ كُنتُم مِّن قَبْلُ فَمَنَّ اللّهُ عَلَيْكُم" بتوجهها لمين للتذكرة؟

7_ هل شخصيتك و نمط حياتك كانو ماشيين علي نفس الخط في مختلف مراحل حياتك و لا طرأ عليهم تغييرات من سن للتاني؟

8_ ايه هي المجلات و الصحف اللي بتحرص دايما انك تتابعها متابعة مستمرة؟

9_ هل بتفقد الثقه نهائيا في الشخص اللي يكدب او يخون الامانة و لا لو عرف غلطه و اعتذر ممكن ترجع عن رأيك في و تثق فيه بعد كده؟

10_ لو تخيلنا مع بعض ان في مدينة فاضلة و أنت تم تكليفك بانشائها و التخطيط ليها...ايه اول و اهم صفات تحب انهم ينتشروا بين اهل المدينة دي؟

الاجابات لازم تكون نموذجية مش سطر و نص و اقلب

لو ملقتش اجابات نموذجية هاضطر اطلع عصاارة افكاري و اجيب اسئلة انا نفسي معرفش اجابتها :k48:

و بره الموضوع بقي

بلاش النفسويات دي و التوقيع بين الاهلاوية و بعضهم عشان الداخل بينهم مفقود

مش كده و لا ايه يا كيمو

كيمو مستنيه منك اسئله من النوع الارض جو لما ترجع البيت عشان الزملكاوية يعرفو ان الله حق و ان الاهلاوية مش سهلين

**MoDyBeNz2008** · 04-12-2008 07:22 PM

يابوسي انتي هريتي الراجل اسئلة كفاية كدة حرااااااااام

يا نور ياريت تنزلي بتتر النهاية علشان وليد خلاص هيموت من كتر الأسئلة حرااااااااااااااااام انا لومكانه كنت غطست و مظهرتش غير بعد العيد