الموضوع: حوار من القلب للقلب - الجزء الأول

[kimo-nubira]

يله بقي يا وليد انا فقتلك وهابتدي اسالك استعنا على الشقا بالله

معاك يا عم كيمو

السؤال الاول

بطبيعه شغلك كمدير موارد بشريه كام مره حسيت انك ظلمت حد المفورض كان كويس وانت مادتلوش فرصه عمل ؟؟

و الله الحالات دي للأسف بتعدي كتير و فعلا فيه ناس تستاهل و مش بتاخد فرصتها و دا بيكون راجع لبعض الشروط المرتبطة بالقوانين بالكويت زي شروط تحويل الإقامة مثلا ممكن تحرم واحد يستحق من فرصة عمل يستاهلها . أما غير كده فالحمد لله لم تمر عليا حالات فيها ظلم مرتبط بشخصية المتقدم و خاصة عند الاختيار بيكون من شقين شق فني و شق إداري و لكل منهما من يقيمه .

السؤال الثاني

ما الذي يدور بزهنك عند سماعك هذه الكلمات

كبرياء

إنك لن تخرق الأرض و لن تبلغ الجبال طولا .

ظلم

اتق دعوة المظلوم فليس بينها و بين الله حجاب و إذا دعتك قوتك على ظلم الناس فتذكر قدرة الله عليك .

فوز ( ماتعرفهاش انت ديه علشان زملكاوي اكيد )

كل حياتي فوز و الحمد لله بالعند فيك و مبروك عليك ( باتشوكا )

سعاده

أمبارح حسيتها جدا أثناء ( القذائف ) اللي انهالت على أخوك ( أمير عبد الحميد ) من بازوكا أقصد ( باتشوكا )

السؤال الثالث

ما هى خروجتك المفضله ومع مين ؟؟

و الله حاليا مش باحب الخروج ( هاروح فين في الكويت يا حسرة ) بس إسبوعيا باخد ( سي خالد أفندي ) أوديه يلعب في شركة اسمها ( طفل المستقبل ) و تقريبا دي خروجتي الوحيدة بالاسبوع أو أروح ألعب كورة كل جمعة .

السؤال الرابع

من هو صديقك اللي ممكن تحكيله كل شيء في حياتك ؟؟

طبعا لي صديق أحكيله و طبعا مفيش حاجة اسمها تحكيله عن كل شئ لأن في حياة كل انسان أسرار يجب عدم البوح بها لأقرب المقربين و الشاعر بيقول :-
احذر عدوك مرة و إحذر صديقك ألف مرة

السؤال الخامس

انت ليه زملكاوي ؟؟ ومين حببك في الزمالك ؟؟

يا سلام ع الأسئلة البايخة طبعا لأني باحب الزمالك ( حتى لو نزل درجة عاشرة )و دا حب فطري غريزي

السؤال السادس

ايه هى احب الاماكن الي قلبك بمصر ؟؟ وايه اللي حببك فيها ؟؟

باحب المنصورة جدا أكيد علشان بلدي و باحب القاهرة لأن فيها روح و حياة أكتر من أي مكان زرته في حياتي و أحب الأماكن السياحية جدا جدا و خاصة الاقصر و أسوان و ان شاء الله أزورهم تاني لأني من زمان مرحتش هناك .

السؤال السابع

ايه سر حبك للسيارات ؟؟ وايه هى السياره اللي بتحلم بيها ؟؟

دي بجد مش عارف سر حبي لها ايه بس اعشق السيارات جدا جدا جدا
اما السيارة اللي باحلم بيها بجد حاليا معنديش إجابة لأني في السابق كان نفسي أمتلك ( بورش كاريرا كوبيه ) و الحمد لله اقتنيتها فترة و دي بجد كانت أقصى آمالي في السيارات و امتلكت كتير ( كورفيت . موستانج . كامارو . نيسان زد اكس . نيسان سكاي لاين . بي ام 3 . تويوتا سوبرا . مرسيدس 500 ايه ام جي . هوندا سي ار اكس) دي طبعا كلها سيارات رياضية لأني كنت باعشقها أما الصالونات و الجيبات جبت كتير ( لأني أحيانا كنت بتاجر فيهم ) أما طبعا الفيراري و لامبورجيني و أوستن مارتن أنا ركبتها كتير بس مش كانت بتاعتي لأنها أثمن من آمالي بمراحل بس لو معايا فلوس ليه لأ ممكن أجيب فيراري .]

menawara ya bosy bas mesh ha3raf agaweb 3shan dakhel men el-mobile l2n t-e data betestahbel

اعزائي اعضاء منتدى نايل موتورز اسمحولي ابدأ في تقديم حلقة جديدة مع ضيف جديد
ولما النت يرجع عند مودي يبقه يكلم اجابة على اسئلته
النهاردة ان شاء الله هانستضيف صديقنا الجميل
Terrible_DaRsH
انتظروا الحلقة بعد قليل

Terrible_DaRsH

اسمح لنا في البداية تعرفنا عليك اكتر وتقولنا نبذه مختصرة عنك
ايه طموحك في الحياة وياترى قدرت تحقق ايه منه لحد دلوقت
صاحبت انسان قبل كدة واعتبرته من اقرب اصدقاءك وخذلك؟
لما بتغلط في حق حد بتعتذر بسهولة ولا الموضوع صعب عليك؟
ايه رأيك في التعصب اللي شايفين بوضوح في منتدى نايل متورز بالنسبة لفرق كرة القدم؟؟
ايه اللي شدك لمنتدى نايل موتورز وعجبك فيه؟
ممكن تقولنا كل صفة من الصفات التالية تنطبق عليك بنسبة كام في المية تقريبا
الامانه
الوفاء
الكرم
الشجاعه
الايثار
الصدق

ايه رايك انا لسه مفطرتش تحب تفطر معايا

معرفش ساندوتش ايه بس مش مشكلة كل وانت مغمض احتياطي محدش ضامن ..البوفيه من بعد نهى خلاص




قولنا بقه يا تريبل
ايه اخر اخبارك العاطفية
تريبل بصراحة كدة ومن غير لف ولا دوران انت بتمشي تعاكس في الشارع ؟؟
تريبل هل انت معتقد زي كتير من الشباب ان البنت اللي بتسكت على المعاكسة يعني موافقه عليها .. ولا شايف ان في بنات سكوتهم قلة حيلة؟؟
لو شوفت شباب بيضايقوا بنت في الشارع ممكن تدخل تساعدها .. ولا شايف انك تخليك في حالك افضل؟؟
تتفق معايا في الرأي ان الشباب الصغير اللي هم تحت العشرين اليومين دول سواء بنات او ولاد بقم مبتذلين زيادة عن اللزوم في تصرفاتهم وطريقة كلامهم واحيانا لبسهم ؟؟
طيب شايف ممكن نعمل ايه علشان نقوم سلوكهم شوية؟؟



تريبل لو جات لك فرصة تضرب بوش بالجزمة هتضربه مع الاخد في الاعتبار العواقب اللي بعد ضربه
تريبل لو ادارة نايل موتورز عينوك في الادارة هتغير ايه في المنتدى
تريبل تتمنى في المستقبل تكون عندك مركز وسلطة ونفوذ ولا تفضل تكون انسان عادي مرتاح البال
تريبل لو لقيت اثار هاتحتفظ بيها لنفسك ولا هاتسلمها للمسئولين
تريبل ايه رأيك انت تختار ضيف الحلقة الجديدة اذا وافق طبعا .. هتختار مين وانا احاول اقنعه
تريبل اتمنى تكون الاسئلة خفيفه عليك ودمها مش تقيل
يلا في انتظار اجاباتك وفي انتظار مشاركة باق الاعضاء بالاسئلة