نصيحة عن سيات ابيزا 94

**elkingg36** · 24-09-2014 09:18 PM

انا اسف مقدما لان كلامى ممكن يزعل مالكى الابيزا موديل 94
لانى كل ما اتصل بواحد بحس بجد ان نفسه يبعلى العربية بسرعة ولهفة وانه ماصدق ان حد اتصل بيه وبيحاول بشتى الطرق انه يخلص فيها بسرعه لدركة انى اصبحت اشك بصراحة ان صعب الواحد يلاقى حالة حلوة منها ولا فعلا العربية تقيلة قوى فى بيعها
انا اسف بس بجد انا عاوز افهم السبب

**hossamalsadik** · 25-09-2014 12:17 AM

سبحان الله
عمتا مالكى الموديل ده ممكن يتكلموا بنفسهم
أنا معيا 2000 ومريحانى وتمام والحمد لله وكذا واحد أعرفه نفس الموضوع وخاصة الى فاهم العربيه و عنده فكره ولو بسيطه عن الصيانات الدوريه وموضوع الصيانه الدوريه ده موجود فى اى عربيه
هوا تخمين أن الموديل قديم فممكن يكونوا الى عاوز يحدث عربيته بموديل أحدث ألى عاوز يغير من نفس المجموعه فولكس أو غرها وكدا ، الفيصل الكشف على العربيه

**ensan_71** · 25-09-2014 03:05 PM

المشاركة الأصلية كتبت بواسطة elkingg36

ياترى ايه رايكم فى سيات ابيزا موديل 94 بالتفصيل لانها بصراحة هتكون اول عربية وانا ماليش خبرة في السيارات ياريت حد يوضح العيوب والمميزات والمواصفات والاسعار واسعار قطع الغيار وتوافرها وسهولة اعادة البيع ام لا ولكم خالص شكرى

بص العربية ممتاااااااااااااااااااااا اازة بس عشان ما تلبسش خوازيق زى كدا
خد العربية لواحد متخصص يكشف لك عليه قبل ما تشتريها
وعندك راجل متخصص جولف وابيزا فى شارع جسر السويس مش هتخسر حاجة لو اديته 100 او 150 جنيه وقولت له بص لى ع العربية عشان هشتريها
بس فى العموم عربية جميلة وتسافر لكن اعتقد مش عائلية

**elkingg36** · 25-09-2014 03:50 PM

متشكر جدا لردك بس كل ما اقول لواحد نروح لميكانيكي يقول خلي الميكانيكي هو اللي يجي وللاسف مين هيقفل ورشته ويروح

**hossamalsadik** · 25-09-2014 07:50 PM

المشاركة الأصلية كتبت بواسطة elkingg36

انا مثشكر علي رد حضرتك وفعلا الفكره وضحت لاني بصراحة ماليش خبرة في السيارات بس بصراحة انا مش هخبي عليك ودي حاجة غريبه انا حبيت العربية دي بجد لدرجة اني مش متخيل اني ممكن اشتري غيرها
انا كنت بضحك علي واحد صحبي بيتعامل مع عربيته علي انها بنت من بناته
دلوقت انا وقعت في حب السيت ابيزا بس اصحبها مجنني
اخر واحد كلمته وكان متفق معي انه هيقبلني عند الميكانيكي رفض وعايزني ارحله انا ومن غير الميكنيكي ودا طبعا مستحيل
بس انا مش هتنازل عن العربه دي
الغريب ان زوجتي والاولاد شافوا العربية ووقعوا في حبها ايضا اكيد في سر فيها
اسف علي الاطاله بس كنت عايز اعرف معلومة سمعتها ومش مصدقها وهي ان موديل 94 الماني وان موديل 98 مش الماني معوقل ان 98 يكون مش الماني فعلا وشكرا علي سعة صدرك

اخى الفاضل اولا السيات تابعه لشركة فولكس فاجن الالمانيه مواتير وعفشه ألمانى ، وتصميم خارجى ومقر شركه فى اسبانيا

سيات (بالإسبانية: Seat) هي الشركة المصنعة للسيارات الإسبانية تأسست عام 1950 من قبل المعهد الوطني للصناعة في إسبانيا وذلك بمساعدة شركة فيات الإيطالية ولقد أصبحت الآن مملوكة بالكامل لمجموعة فولكس فاجن الألمانية.
يوجد مقرها في مارتوريل بالقرب من برشلونة بإسبانيا، وهي شركة السيارات الإسبانية الوحيدة
هناك تقليد في شركة سيات، وهو تسمية اسم السيارة على أسماء مدن أو مناطق في إسبانيا (مثلاً: إبيزا، ليون، روندا، أروسا ، قرطبة (بالإسبانية:Córdoba).
يعنى موديل 94 و98 بينطبق عليهم نفس الكلام

تحياتى

**محمد سيد ابراه** · 02-10-2014 03:47 PM

المشاركة الأصلية كتبت بواسطة elkingg36

ياترى ايه رايكم فى سيات ابيزا موديل 94 بالتفصيل لانها بصراحة هتكون اول عربية وانا ماليش خبرة في السيارات ياريت حد يوضح العيوب والمميزات والمواصفات والاسعار واسعار قطع الغيار وتوافرها وسهولة اعادة البيع ام لا ولكم خالص شكرى

**محمد سيد ابراه** · 02-10-2014 05:37 PM

أنا محتار زي كتير من اللي نفسهم يركبوا سيات
بس الحيره ده بتقل لما تلاقي ناس محترمين زيكم بتشكر في حاجه معينه عن تجربه بس سؤالي أيهما أفضل من حيث قطع الغيار ... تصلح لعائلة بها 3 أطفال ... متخلنيش زبون دائم للميكانيكي .... واخيرا الشكل الاحسن واي موديل احسن من التاني وهل 94 أفضل موديل ولا 2000 بجد متشكر لردودكم لأني لا افقه شيء عن العربيات وقراري أنا هاخده بناءا ً علي كلام حضراتكم
وشكراً

**hossamalsadik** · 02-10-2014 06:57 PM

استاذ محمد اقراء الموضوع الى انتا فيه من اوله اتكلمت عن حاجات كتير فيه
- عشان متكونش زبون دئم للميكانيكى يبقى هتجيب عربيه حلتها كويسه وده هتعرفه بالكشف
- من افضل انا افضل الموديل ال 2000-02 بالنسبه للشكل وكل ماتعلى بالموديل يكون افضل بس برضو ارجع واقول الحاله ثم الحاله والموديلات من 94 حتى 2000-02 قريبه من بعض يوجد اختلافات فى بعض الشكل الخارجى والداخلى طبعا
- بالنسبه للوسع الأبيزا هيى القرطبه بس بشنطه
- بالنسبه هل تصلح لعائلة من 5 افراد مثلا هما ال 3 اولاد لو صغيرين ماشى تمام لاكن لو كبار هيكونوا مزنوقين شويه الكنبه الخلفيه تاخد 2 بالغين مرتاح لاكن 3 صعبه شويه
بالنسبه لاسعار قطع الغيار معقوله جدا وخاصة للعربيات الاخرى ( وديه نسبتها بيحدده دخل الفرد الى محدده للعربيه ) بالنسبه لعمرها الافتراضى الطويل وهى متوفلره جديد واستيراد
بالنسبه للميكانيكيه لما تحب تكشف او تصل يفضل ميكانيكى عارف العربيه يعنى سيدتك هتروح وتتعامل مع ميكانيكى فولكس فقط عشان تنجز وتوفر جهد وفلوس وحوارات الميكانيكى غير المتخصص .

اتمنى اكون افدتك
وكل عام وانت بخير بمناسبة عيد الاضحى المبارك