ياترى ايه رايكم فى سيات ابيزا موديل 94 بالتفصيل لانها بصراحة هتكون اول عربية وانا ماليش خبرة في السيارات ياريت حد يوضح العيوب والمميزات والمواصفات والاسعار واسعار قطع الغيار وتوافرها وسهولة اعادة البيع ام لا ولكم خالص شكرى
عرض للطباعة
ياترى ايه رايكم فى سيات ابيزا موديل 94 بالتفصيل لانها بصراحة هتكون اول عربية وانا ماليش خبرة في السيارات ياريت حد يوضح العيوب والمميزات والمواصفات والاسعار واسعار قطع الغيار وتوافرها وسهولة اعادة البيع ام لا ولكم خالص شكرى
مافيش حد فى المنتدى ولا اية
وياترى هى تنفع لعائلة ام لا وممكن اسافر بيها مسافات طويلة ام لا
سيات ابيزا سيارة ممتازة وتصلح للسفر الطويل وعائلية جدا وهذا اعتمادية الالمانيا حيث انها من عائلة فولكس واجن الالمانية وهى الشقيقة العزيزة لسكودا واودي ***
الموتور 1300سى سى
العفشة ممتازة
الصاج ممتاز
الحالة العامة ممتازة جدا بس حضرتك اكشف على الموتور وعلى الصاج وربنا يوفقك****
انا بشكر حضرتك علي ردك بس هتقل عليك ياتري بالنسبه لقطع الغيار متوفره واسعارها واعادة البيع ولو حالة العربيه كويسة متوسط سعرها بعمل كام واكون شاكر ليك
أولا اهلا بيك فى اسرة قسم السيات
الابيزا عربيه رائعه وأعتماديه طلما كانت عربيه صحبها مرعيها ومواظب على الصيانه الدوريه
اختار العربيه النضيفه وأكشف عليها أساسيات واى حاجه فيها ممكن تتعمل ومتوفره ومش غاليه مقارنة بمثيلتها ومعمره جدا طلما اصلية ثبات على الطريق اكثر من ممتاز طبعا مع العفشه المتصانه
يعنى العربيه النضيفه منها حتحبك فى كل ماهو سيات وتعرف قيمة العربيه ديه
بالنسبع لاعادة البيع فهقولك حاجه كل عربيه وليها نسها
ديه شوية مواضيع بتتكلم عن الابيزا 94
http://www.nilemotors.net/Nile/412009-94.html
http://www.nilemotors.net/Nile/338354-94.html
http://www.nilemotors.net/Nile/374068-94-98-a.html
http://www.nilemotors.net/Nile/346254-a.html
بالنسبه لقطع الغيار ممكن تتابع الموضوع المثبت بالقسم
http://www.nilemotors.net/Nile/341028-a.html
بالنسبه لاماكن الصيانه ومحلات قطع الغيار بناء على تجارب الاعضاء ممكن تقرا وتتابع الموضوع المثبت بالقسم
http://www.nilemotors.net/Nile/365862-a.html
بالتوفيق ان شاء الله
انا بشكرك جدا ياخي العزيز ربنا يباركلك انت عملت موسوعه عن السيار ة بس انا قلقت من ان السياره موديل 94 ليس لها تكيف وبالتالي ترگيبة بيعمل مشاكل كمان مالهاش بور فيتري بتكون خشنة واخيرا في ناس نصحوني بهونداي اكسيل لان الاتنين تقريبا بنفس السعر فيتري ايهما افضل
اعذرني لاني جاهل في السيارات ودي اول سيارة لي فياريت اعرف ايه الحاجات اللي لازم اخد بالي منها قوي واعمل حسابها
الشكر لله
الأبيزا بيتركبلها تكييف عادى جدا وهتلاقى كتير عملين كده يعنى هتلقى واحد بيبع أبيزا تكييف وباور عادى
بخصوص الباور الأبيزا فى الأصل دركسيونها مش تقيل انا ركبت العربيه ديه زيرو زمااان فى العادى يعنى طبعا الباور بيكون أخف مفيش خلاف بس يكون متركب صح يعنى هتلاقى ابيزا حد مسقط ماتور بتكيفه بالباور بتاعه من نص يعنى شارى نص عربيه ابيزا إستيراد ونقل كل الى فى النص لعربيته الابيزا ... أيه ده وده عادى ... ده ممكن كمان يزود سعرها لما تكون كل حاجه معموله صح وحلتها كويسه فى ناس بتحب الحاجه على طبيعتها استوك Stock بدون تعديلات وهوا يعمل الى هوا عوزه بس الموضوع ده ممكن يكون قليل نظرا لان العربية بقلها حوالى 20 سنه اهم حاجه يكون التعديل معمول صح زى ماقلت
ونا شفت ابيزا 94 على كونتكت بقول فابريكة طالب مبلغ عالى وغريب بس الغاوى بأه
طيب ابيزا 94 ولا أكسل 94
ده متوقف على الحالة + أنتا عاوز شنطه مساحه أكبر
الأبيزا عربيه قويه جدا وأعتماديه لاقصى درجة الصيانه عاوزه ميكانيكى فولكس هوا الى يشتغل فيها وهتحس براحه وتحبها .... هحبها ازى يعنى ؟ لو لحظت ان بعض مركات العربيات الناس بتمجد فيها وبتعشقها زى bmw ,و vw و الهوندا والاوبل والسيات هيا فرع من فروع فولكس فاجن vw طيب ليه بيحبوها كده الاجابة أنها أعتمادية خامات صالون قويه تقفيل تقيل يعنى طول ما بيتعملها الصيانه الدوريه فقط وزى اى عربيه ده شيىء طبيعى هتديك خدمه أكتر من مثيلتها فى نفس الفئة السعرية
أتمنى تكون وضحت الفكره
الاكسل عربيه جميله ويما ركبتها زمان وكانت لسى بخرها زى الزيرو طبعا محفوظه لاغلب الميكانيكيه قطع غيار رخيصة أعادة بيع تمام شنطه
بس ثبات ضيعه مره خت ملف على 80كم عجله العربيه مالت والعجل أرتفع عن الارض خفيفه اوى الصراحة طبعا عكس الأبيزا تماماً فى النقطه ديه ثبات رهيب وامان
فالفيصل فى هذه المقارنة هيكون الحالة الكويسه فقط
طلما أنتا مش غاوى vw أوى اى عربيه من مجموعة فولكس فاجن الالمانية
وممكن تعمل بحث هنا فى لقسم عن موضوعات الابيزا
ديه شوية لنكات ولو عاوز أكتر أجبلك
http://www.nilemotors.net/Nile/183315-a.html
http://www.nilemotors.net/Nile/229737-a.html
بالتوفيق
ياباشا انا مش عارف اشكرك ازاي ومقدر مجهودك وبصراحة انا حابب الابيزا بس اخيرا كنت عايز اعرف ايه الفرق بين موديلاتها انا شايف انها في من 90 لحد 98 وانا معايا في حدوز 30000 تقريبا فنصيحة ادور علي اي موديل وايه معني اليزا قرطبه وخالص شكري
العفو ، الشكر لله
عشان توضحلك الفكره بسهوله وبختصار الفرق بين الموديلات أبيزا المختلفه الجيل الثانى حسب الموديلات الى نزلت مصر من عام 94 حتى عام 99 أختلاف جزئى وليس كلى بمعنى أن الشكل والتصميم والسمات والشخصية العامه للعربيه قريب من بعضه بمعنى أختلاف فى الماتور وبعض أجزاء الصالون بعض أختلافات فى الشكل الخارجى
ولو عاوز بالتفاصيل أليك الموضوع التالى لصدقنا م/ محمد سيد
http://www.nilemotors.net/Nile/371045-94-98-a.html
بوجه عام القرطبه أو الكوردوبا هيا هيا الأبيزا بس السيدان بتعتها أى بشنطه
لو هنتكلم فى تفاصيل الكوردوبا تزيد عن الابيزا فى جزئيات زى
بتنزل بماتور سعه اكبر لاكن ديه مش فى الحسبان دلوقتى لان ممكن تسقيط أى ماتور فى الابيزا والكوردوبا عادى كلامى هنا عن الى بينزل فبريكه طبعا ده من 20 سنه الناس شالت وحطت مواتير فيها وكما قلت لك سابقا ان ده حاجه لايعيب العربيه بالعكس لو الماتور قوى وحالته كويسه السعر ممكن يزيد يعنى ديه ميزه مش عيب
الصالون هتلاقى فيه بعض الاختلاف الجزئى زى ان الكوردوبا بتنزل بتكييف تاتش والابيزا تكييف بكر وده من موديلات 2000-02
لاكن من موديلات 94-98 واحد
http://www.nilemotors.net/Nile/304535-a.html
http://www.nilemotors.net/Nile/150583-a.html
أخيرا المبلغ الى معاك يدخلك فى موديل 94
هوا عملية بيع الابيزا او الكوردوبا راجع للبايع والمشترى العربيات ديه ليس لها رنج ثابت بمعنى ان الحالة بتحكم وكمان ظروف البايع ممكن يكون عاوز يبيع بسرعه فبينزل فى سعرها ... ألخ والله أعلم
أستخير بنا وتوكل عليه
بالتوفيق
بصراحة من حسن حظي اني اتعرفت علي انسان محترم زي حضترتك وبصراحة انا استفدت كتير منك ربنا يباركلك وانا هدور في مواقع بيع السيارات علي النت وطبعا لو لقيت حاجة كويسة هاخد رايك الاول وياريت لو تعرف حضرتك او اي اخ في المنتدي سياره ابيرا 94 مناسبه للمبلغ اللي معي وتكون نظيفة يدلني عليها ولكم خالص شكري
الشكر لله
ده من زوقك ربنا يكرمك
اخى الفاضل معلش انا بتقل عليك انا شفت اعلان ورحت شفت العربية بصراحة هى جميلة لاقيت انها كمظهر خارجى تحتاج بعض الرش عند الاكصدام الامامى المراة بجوار السائق زجاجها مكسور والبلاستيك حول الكاسيت مكسور وتم لصقه الدواخل فبريكة الاويام سليمة مفيش بارومة الحوض شكله محترم مفيش بارومة هو قال انها محتاجة تغير بيض المقصات الموتور 1300 على فوله ان كفاته 75 فى المية طلاء السقف فيه بعض التشققات بيقول من الشمس هو طالب فيها 32000 اتفقنا ان احنا هنزل فى السعر بس هجيب واحد صديقى بيفهم فى السيارات لمعاينة السيارة وتحديد السعر واحتمال بكرة ان شاء الله انا صليت استخارة والحمد لله بس يهمنى اعرف رايك لان واضح ان سيادتك عندك خبرة محترمة وانا بثق فيك وشكرا
ملحوظه هى موديل 94 معها رخصة سنة
الماتور 1300 كاربراتير ؟
كبس الماتور ومعاينة الميكانيكه عند متخصص او حد بيفهم كويس
هل فيها اى كماليات ؟
فريم الكاسيت لو يمشى خلاص
الفريم عمتا ممكن مستقبلا تجيب تبلوه كامل 600-700 ج او حد يكون عنده واحد سليم وتخده منه طبعا هيكون ارخص كتتتير
البويه الخارجيه مقبوله يبقى تمام ولا تقشير جامد عمتا السقف ممكن تجلده ورق كربون من عند محلات الاكسسزار وشكله بيكون كويس جدا لحين ماترش العربيه على مزاجك
أهم حاجه الاساسيات تكون تمام الشاسيه
بالتوفيق ان شاء الله
هي فيها تكيف شغال وبالنسبه للتقشبر مش واضج قوي بس بالنسبه لبيض المقصات يعنل كام واكون شاكر لو تقولى على السعر المعفول للسيياره وجزاك الله خيرإ
علي فكره هي 1300 كاربيراتير مع إنى مش فاهم يعني ايه وياريت تقولى ازاي اعرف ان الشاسيه سليم
الكشف عشان تعرف روح لمتخصص ليه لان خبرتك ضعيفه لسى ومش هتعرف
1300cc ده متورها الاصلى أكشف عليه وعلى حلته لن بقاله اكثر من 17 سنه
بيض المقص لل 94 مش غالى فى حدود 80 جنيه للواحد جديد اصلى
السعر العام انا مش متابع بس كل ماتنزل يكون احسن بالتراضى ديه اهم حاجه
فى حاجه كمان أتفرج على اكترمن واحده ده هيديك خبره
مش عارف اشكرك ازاي ويالنسبه للمعينه انا معي واحد صحبي خبرته كبيره في السيارات ان شاء الله هيروج معى بس معلش انا عايز اعرف ازاي بيتم الكشف علي الشاسيه
هبص على جميع الوائم والحوض والشنطه ويشوف اى حده مرشوشه
الى لحامات فى الحوض كده يعنى والموضوع ده بيحتاج خبير وافضل واحد أعرفه م/ هانى ورا حديقة بدر جسر السويس
الكشف ب200ج حسب ماسمعت اخر مره مش عارف ديه عشان اقل فى السعر ياخد اقل ولا ايه عشان الكسف كان على عربيه قيمتها 75 الف
بالتوفيق
هو صحبي ده يعرف ميكانيكي بيثق فيه انشاء الله هنروحلوا لانه قريب مننا وانا بشكرك على اهتمامك وانشاء الله هبلغ حضرتك بكل جديد
الشكر لله
بس افضل ميكانيكى يكشف عليها ميكانيكى متخصص فى فولكس vw المانى يعنى ده للعلم
اخى العزيز حسام انا رحت النهاردة عند ميكانيكى ومعيا العربية وكشفنا عليها المفاجاة بالنسبة لى عند فتح الشنطة اتضح انها واحدة خابطة جامدة لدرجة انها فعصة قاعدة الشنطة والغريب انه بالامس مفرجنيش على الشنطة وبعد كدة اتضح ان في مشاكل فى العفشة بصراحة نفسى اتسدت عن العربيات
انا عمرى الان 42 عام اعمل منذ 17 عام كل ما قمت بادخارة هو مبلغ 20 الف جنية وعندى ثلاثة اولاد والحمد لله لما كبرو فكرت اجيب عربية علشا المشاوير وكدة وبصراحة فكرت فى 128 او لادا ولكن كتير حذرونى منهما فقمت بعل جمعية واصبح معى 27 الف وكنت هستلف 2او3 الف علشان العربية فهل يعلم منيغش او يبيع السيارة العيوبة ويخبى عيوبها ماذا كان سيفعل بى وباولادى ومدى الحسرة على تعب السنين الحمد لله ربنا انقذنى وانا فررت عدم شراء سيارة ولكن انا فضلت كتابة هذا الكلام لكى احذر اى واحد بيبيع سيارة فيها عيب وميقولش علية ممكن يعمل اية فى المشترى اسف على الاطالة وبشكركم وشكر خاص للاخ حسام
الشكر لله اخى الفاضل
ربنا يباركلك فى اولادك ويخليك ليهم
ولاتياس فى الشراء فى عربيات فرص وحالات كويسه ولاكن عوزه صبر ومش من اول عربيه تعمل كده
لاتيأس وبالتوفيق ان شاء الله
انا فعلا كنت مصدوم ومش مصدق ان فية غش كدة
الجمد لله على كل حال . المهم الميكانيكى عارض عليا هو كمان اسكودا فليشبا 98 وبيقول انها نظيفة جدا وعلى 30000 بس انا اسمع ان فيها مشكلة فى السخونة وان قطع الغيار غالية
وعارض ايضا ابيزا 94 من غير تكيف على 27000 بس لسه هو كمان مشفهاش
المهم
1)هل من الممكن ان اطمان للشراء من الميكانيكى ام لا
2) ايهما افضل الابيزا ام الفلاشيا وايه حكاية السخونة وقطع الغيار وشكرا
انا عايز اعرف معلومات عن الفلاشيا
ممكن فى حاله ان الميكانيكى عارفك ونتا عارفه او امين
أيهما افضل كده هتزعل قسم اسكودا مننا ههههه
الاسكودا عربيه كويسه
الابيزا شفها وأكشف عليها وخلى حد بيفهم وياسلام لو كان متخصص فيها
وفى عربيات من النت بتكون كويسه ومن المالك مباشرة وبيكون امين معاك عشان ربنا يبركله
أنا شارى عربيتى من النت عادى
انا اتصلت بية وقالى انها هتجيلو يوم الجمعة ان شاء الله لان صحبها مسافر وقالى انه عايز فبها 27000
بس بيقولى انها فاضيه فهل يقصد التكيف ولا حاجة تانى وكمان قالى انه مغير العقشة فياريت اعرف يعنى ايه تغير العفشة وانا اسف لانى بتعب سيادك
فاضية يعنى من غير كماليات ويقصد التكييف والزجاج الكهرباء
العفشه مغير مساعدين أو جلب مقصات او بارات دركسيون
عمتا الكشف عليها هوا الفيصل ويكون حد فاهم فيها زى ماقلتلك
انا اسف مقدما لان كلامى ممكن يزعل مالكى الابيزا موديل 94
لانى كل ما اتصل بواحد بحس بجد ان نفسه يبعلى العربية بسرعة ولهفة وانه ماصدق ان حد اتصل بيه وبيحاول بشتى الطرق انه يخلص فيها بسرعه لدركة انى اصبحت اشك بصراحة ان صعب الواحد يلاقى حالة حلوة منها ولا فعلا العربية تقيلة قوى فى بيعها
انا اسف بس بجد انا عاوز افهم السبب
سبحان الله
عمتا مالكى الموديل ده ممكن يتكلموا بنفسهم
أنا معيا 2000 ومريحانى وتمام والحمد لله وكذا واحد أعرفه نفس الموضوع وخاصة الى فاهم العربيه و عنده فكره ولو بسيطه عن الصيانات الدوريه وموضوع الصيانه الدوريه ده موجود فى اى عربيه
هوا تخمين أن الموديل قديم فممكن يكونوا الى عاوز يحدث عربيته بموديل أحدث ألى عاوز يغير من نفس المجموعه فولكس أو غرها وكدا ، الفيصل الكشف على العربيه
انا مثشكر علي رد حضرتك وفعلا الفكره وضحت لاني بصراحة ماليش خبرة في السيارات بس بصراحة انا مش هخبي عليك ودي حاجة غريبه انا حبيت العربية دي بجد لدرجة اني مش متخيل اني ممكن اشتري غيرها
انا كنت بضحك علي واحد صحبي بيتعامل مع عربيته علي انها بنت من بناته
دلوقت انا وقعت في حب السيت ابيزا بس اصحبها مجنني
اخر واحد كلمته وكان متفق معي انه هيقبلني عند الميكانيكي رفض وعايزني ارحله انا ومن غير الميكنيكي ودا طبعا مستحيل
بس انا مش هتنازل عن العربه دي
الغريب ان زوجتي والاولاد شافوا العربية ووقعوا في حبها ايضا اكيد في سر فيها
اسف علي الاطاله بس كنت عايز اعرف معلومة سمعتها ومش مصدقها وهي ان موديل 94 الماني وان موديل 98 مش الماني معوقل ان 98 يكون مش الماني فعلا وشكرا علي سعة صدرك
بص العربية ممتاااااااااااااااااااااا اازة بس عشان ما تلبسش خوازيق زى كدا
خد العربية لواحد متخصص يكشف لك عليه قبل ما تشتريها
وعندك راجل متخصص جولف وابيزا فى شارع جسر السويس مش هتخسر حاجة لو اديته 100 او 150 جنيه وقولت له بص لى ع العربية عشان هشتريها
بس فى العموم عربية جميلة وتسافر لكن اعتقد مش عائلية
متشكر جدا لردك بس كل ما اقول لواحد نروح لميكانيكي يقول خلي الميكانيكي هو اللي يجي وللاسف مين هيقفل ورشته ويروح
اخى الفاضل اولا السيات تابعه لشركة فولكس فاجن الالمانيه مواتير وعفشه ألمانى ، وتصميم خارجى ومقر شركه فى اسبانيا
سيات (بالإسبانية: Seat) هي الشركة المصنعة للسيارات الإسبانية تأسست عام 1950 من قبل المعهد الوطني للصناعة في إسبانيا وذلك بمساعدة شركة فيات الإيطالية ولقد أصبحت الآن مملوكة بالكامل لمجموعة فولكس فاجن الألمانية.
يوجد مقرها في مارتوريل بالقرب من برشلونة بإسبانيا، وهي شركة السيارات الإسبانية الوحيدة
هناك تقليد في شركة سيات، وهو تسمية اسم السيارة على أسماء مدن أو مناطق في إسبانيا (مثلاً: إبيزا، ليون، روندا، أروسا ، قرطبة (بالإسبانية:Córdoba).
يعنى موديل 94 و98 بينطبق عليهم نفس الكلام
تحياتى
بارك الله فيك
أنا محتار زي كتير من اللي نفسهم يركبوا سيات
بس الحيره ده بتقل لما تلاقي ناس محترمين زيكم بتشكر في حاجه معينه عن تجربه بس سؤالي أيهما أفضل من حيث قطع الغيار ... تصلح لعائلة بها 3 أطفال ... متخلنيش زبون دائم للميكانيكي .... واخيرا الشكل الاحسن واي موديل احسن من التاني وهل 94 أفضل موديل ولا 2000 بجد متشكر لردودكم لأني لا افقه شيء عن العربيات وقراري أنا هاخده بناءا ً علي كلام حضراتكم
وشكراً :hornytoro:
استاذ محمد اقراء الموضوع الى انتا فيه من اوله اتكلمت عن حاجات كتير فيه
- عشان متكونش زبون دئم للميكانيكى يبقى هتجيب عربيه حلتها كويسه وده هتعرفه بالكشف
- من افضل انا افضل الموديل ال 2000-02 بالنسبه للشكل وكل ماتعلى بالموديل يكون افضل بس برضو ارجع واقول الحاله ثم الحاله والموديلات من 94 حتى 2000-02 قريبه من بعض يوجد اختلافات فى بعض الشكل الخارجى والداخلى طبعا
- بالنسبه للوسع الأبيزا هيى القرطبه بس بشنطه
- بالنسبه هل تصلح لعائلة من 5 افراد مثلا هما ال 3 اولاد لو صغيرين ماشى تمام لاكن لو كبار هيكونوا مزنوقين شويه الكنبه الخلفيه تاخد 2 بالغين مرتاح لاكن 3 صعبه شويه
بالنسبه لاسعار قطع الغيار معقوله جدا وخاصة للعربيات الاخرى ( وديه نسبتها بيحدده دخل الفرد الى محدده للعربيه ) بالنسبه لعمرها الافتراضى الطويل وهى متوفلره جديد واستيراد
بالنسبه للميكانيكيه لما تحب تكشف او تصل يفضل ميكانيكى عارف العربيه يعنى سيدتك هتروح وتتعامل مع ميكانيكى فولكس فقط عشان تنجز وتوفر جهد وفلوس وحوارات الميكانيكى غير المتخصص .
اتمنى اكون افدتك
وكل عام وانت بخير بمناسبة عيد الاضحى المبارك