محتار اوى بين كيا سبورتاج و هيونداى ix35 و بيجو 2008

**Islam Zaki** · 19-09-2014 06:53 AM

يا ريت يا جماعة اللى ركب العربيات دى يفيدنى لأنى محتار جدا بينهم وخايف اجيب حاجة واندم انى مجبتش حاجة تانية وايه اللى ينفع يتركب فيه كاميرا وزينون لو مكنوش موجودين

**mohamed_hamdi** · 19-09-2014 09:12 AM

راي الشخصي و طبعا غير ملزم لحضرتك ان افضل اختيار فيهم حاليا هي ال ix35 كشكل و اداء و كسعر اقل من الاسبورتاج و بنفس الموتور ال gdi.

**ENG.MaRk** · 19-09-2014 10:19 AM

استني القاشقاي الشكل الجديد هينزل في نوفمبر و هتبقي أحسن من كل دول و لو مستعجل أوي يبقي الهيونداي

**mohamed_hamdi** · 19-09-2014 10:35 AM

اعتقد كلام الزميل مارك طبعا صحيح بخصوص القاشقاي الجديدة و فعلا كعربية احسن من الاسبورتاج و الهيونداي بس اعتقد هتنزل بموتور تيربو ١٢٠٠ سي سي و بنسبة كبيرة معامل الانضغاط هيكون عالي و بالتالي بنزين ٩٥ فقط. لو بدون الاعتبار ده للبنزين فالقاشقاي تتفوق بالذات مع الشكل الجديد كليا لها.

**Islam Zaki** · 19-09-2014 02:18 PM

المشاركة الأصلية كتبت بواسطة mohamed_hamdi

اعتقد كلام الزميل مارك طبعا صحيح بخصوص القاشقاي الجديدة و فعلا كعربية احسن من الاسبورتاج و الهيونداي بس اعتقد هتنزل بموتور تيربو ١٢٠٠ سي سي و بنسبة كبيرة معامل الانضغاط هيكون عالي و بالتالي بنزين ٩٥ فقط. لو بدون الاعتبار ده للبنزين فالقاشقاي تتفوق بالذات مع الشكل الجديد كليا لها.

البنزين هيفرق أكيد خاصة بعد السعر ما غلى واعتقد هيغلوه تانى , كنت عايز اعرف هل السبورتاج أول فئة و ix35 فيهم زينون و لا لا , وهل ممكن اركب كاميرا

**J A G U A R** · 19-09-2014 08:12 PM

سبورتاج و ix35 تقريبا زى بعض ومقدور عليهم
بس ix نزل منها فيس ليفت بليدات رائع

**eslamegm** · 20-09-2014 11:06 AM

الافضل بيجو 3008 جرب تقعد فيها و انت هاتلاحظ الفرق الشاسع بينها و بين الكوري

**BANNAZ11** · 20-09-2014 02:47 PM

اولا القشقاى صغيرة وضعيفه ... السبورتاج والهيونداى زى بعض تقريبا ... انا معاى هيونداى ix35 الفئه الرابعه وبصراحه فيها كل حاجه فى الدنيا ...وبصراحه موضوع يابانى وفرنساوى وكورى دة خلص من زمان .. بدليل ان الكورى هو فرس رهان السوق المصرى دلوقتى

**BANNAZ11** · 20-09-2014 02:51 PM

بخصوص الكاميرا فى الهيومداى فهى فيها كاميرا خلفيه ( بتظهر فى شمال المرايا الداخليه للسيارة وبدرجه وضوح عاليه جدا ) اما الزينون كليدات هو موجود ( فوق وتحت قدام ) وفى المرايات وفى الخلف ... لكن مش نور زينون واطى وعالى وعموما لو عايز ركب زينون