الموضوع: مقبل علي شراء استرا اتش ٢٠٠٧ ان شاء الله

السلام عليكم ورحمة الله
انا يا جماعه ان شاء الله ناوى اشترى استرا اتش موديل ٢٠٠٧ او ٢٠٠٨ و كنت عايز استفسر من الخبراء على كام حاجة
اولا موضوع الفيتيس ، انا شايف ناس بتشتكي و عايز اعرف هل موضوع الفيتيس دا حاجة لا مفر منها و كدا كدا بعد مرحلة معينه لازم بيعطل ، وهايه بالظبط الحاجات اللى بتحتاج تتعير و تكلفتها كام.
ثانيا هل العربيه فيها اى مشاكل تانيه متعارف عليها بين ملاك الاسترا ولا موضوع الفيتيس بس
ثالثا اكشف على العربيه فين انا ساكن في مصر الجديده،
رابعا متوسط سعر العربيه لو حاله ممتازه و السعر لو حاله جيده
اسف جدا على الاطاله و كثرة الاسئله لكنى محتار و خايف من موضوع الفيتيس و في نفس الوقت العربيه عجبانى

بص
اولا العربية ممتازه بكل المقاييس..
فتيسها فعلا زخم فانت لازم تجرب تسوقها قبل متشتريها
قطع غيارها معمرة...
مشكلة الفتيس في الكومبيوتر بتاعه..في جزء عباره عن ملف صغير بيبوظ
سعرها بين 80-85 للحاله الجيده
85-90 للمتازة

حاول الي تجيبها يكون كود ماتورها xe1 مش xep

دور في المواضيع المثبته هتلاقي مواضيع مهمة كتير