الموضوع: افيدونى افادكم الله انا مقبل على شراء استرا كوزمو باذن الله ومحتاج استشارة

المشاركة الأصلية كتبت بواسطة hammad2010

يا جماعة انا بمشيئة الله مقبل على شراء استرا كوزمو بس حاسس ان 115 حصان شوية عليها بالمقارنة بالعربيات اللى فى نفس الفئة والدليل على كده ان منصور كذب على العملاء وكاتب انها بتجمع المائة كيلو فى 11.9 على الرغم من انها بتجمعهم فى 13.3 يعنى انا حاسس ان التويوتا واللانسر والجولف اداء محركهم افضل من الاسترا

واخيرا انا حاليا بقارن بينها وبين البيجو 308 خصوصا انها 120 حصان وفيها تقريبا كل كماليات الاسترا بالاضافة الى فتحة السقف واعلى فئة فيها ب 172000 فايه راى حضراتكم

انت عامل زي حالاتى انا برضو محتار بين الاسترا سيدان و بين الفانتازيا بس انت ممكن تشترى الاسترا تربو 180 حصان جباره و انصحك تبعد عن البيجو لان سعر اعاده بيعها فى الارض برضو لازم تحسب دى لان انت مش هاتجيب عربيه و هاتخللها انت اكيد بعد فتره هاتبقى عايز تغيرها غير ان كمان قطع غيار البيجو صعبه و غاليه بس بصراحه انا ماعرفش اخبار وكيلها ايه

تربو = بنزين 95 = خراب بيوت :)

الف شكر ليكم ياجماعة والله ومتشكر خالص وانا غالبا ان شاء الله حستقر عالاسترا الكوزمو انما التربو دى صعبة شوية لسبين اولهم ندرة بنزين ال 95 وخصوصا انى من طنطا واقرب محطة 95 ليا فى القاهرة والاسكندرية ثانى حاجة ان احمال الدعم يتشال من على ال 95 ويبقي ب 5 مثلا وهو اصلا غالى كده كده وكمان انا اعتقد ان من ناحية المشاكل والاعطال ان الموتور العادى ممكن تبقي مشاكله اقل من التربو

واخير فعلا زى ماقلتو حضراتكم ان السرعة مش كل حاجة اهم حاجة الثبات وعوامل الامان فى العربية والله الموفق والمستعان