هموت من الحيرة - الاتراج ولا الديزاير ولا الجراند أي تن

بعد ما بعت عربيتي الجوليت حبيبة قلبي بدأت رحلة البحث الحقيقية عن البديل الجديد

انا عاوز عربية اوتوماتيك لاسرة صغيرة ومش بتاع سفر كتر كل مشوايري جوا المدينة ... السفر مش هيكون اكتر من مرتين في السنة للساحل الشمالي واسكندرية مثلا ... والميزانية لا تتعدى 110 الف ... ومحتار جدا بين ال 3 عربيات دول كل واحدة فيها ميزة وعيب

الاتراج: الاسم محترم والتوكيل كويس والسيارة فيها وسائل امان وكل حاجة بس ضعيفة نسبيا (3سلندر)
الديزاير: عربية ممتازة بكل المقاييس شكلا وعوامل امان واداء لكن توكيل زبالة وقطع غيار نادرة واعادة بيع سيئة.
الجراند اى تن: اسم هيوانداى كويس في السوق المصري وقطع الغيار اكيد هتكون موجودة كتير والتوكيل مش ممتاز يعني بس شغال ... لكن العربية نفسها مفيهاش اى عوامل امان عربية عادية جدا زيها زي اللانوس اللى كانت معايا

افيدوني افادكم الله

حاسس ان الجراند i10 هتكون كويسة ، شكلها حلو وجديد.
ربنا يوفقك للى فيه الخير

يا باشا الموضوع ابسط من كده كتير و هى فى النهاية و سيلة انتقال و مش هاتكون آخر عربية تجيبها - بعد كام سنة تجيب المرسيدس بأذن الله :)
اقعد فى ال 3 عربيات و دقق كويس و مفيش مانع تاخد المدام معاك و تاخد رأيها و العربية اللى انت مرتاحلها توكل على الله و هاتها

مادام 110 يبقى تزود الفين وتجيب نيسان صنى اوتوماتيك ب 112 او بروتون جين تو او بيرسونا 112 وهتبقى افضل من ال3 خيارات دول!!

اقتباس:

---

المشاركة الأصلية كتبت بواسطة Mahmoud.Fathy

ومحتار جدا بين ال 3 عربيات دول كل واحدة فيها ميزة وعيب

الاتراج: الاسم محترم والتوكيل كويس والسيارة فيها وسائل امان وكل حاجة بس ضعيفة نسبيا (3سلندر)
اسأل اللى اشترى العربيه و شوف
انا كان عندى عربيه 3 سلندر و كانت تكنولوجيا قديمه و رغم كده كانت كويسه سحب و توفير بنزين عيبها الوحيد بدايه الحركه لو التكييف شغال يعنى لو كنت واقف فأشاره مثلا

الديزاير: عربية ممتازة بكل المقاييس شكلا وعوامل امان واداء لكن توكيل زبالة وقطع غيار نادرة واعادة بيع سيئة.
ممكن لما العربيه تنتشر الموضوع يختلف
الجراند اى تن: اسم هيوانداى كويس في السوق المصري وقطع الغيار اكيد هتكون موجودة كتير والتوكيل مش ممتاز يعني بس شغال ... لكن العربية نفسها مفيهاش اى عوامل امان عربية عادية جدا زيها زي اللانوس اللى كانت معايا
اهم حاجه عوامل الأمان و مش علشان الجراند i10 هيونداى يبقى هتلاقى قطع غيار متوفره و رخيصه
مثال على كده الـ i10 هاتش باك و الـ i30
افيدوني افادكم الله

---

طلع الهيونداي بره المقارنه

اقتباس:

---

المشاركة الأصلية كتبت بواسطة abdulkhaleq

طلع الهيونداي بره المقارنه

---

اتفق معاك مفيش اي عوامل اماااان

راي خليك بين الاتراج و الديزاير
انا معايا اتراج و العربية بالرغم من 3 سليندر مش ضعيفة خالص
انزل شوف العربتين بنفسك ووكل على الله في اللي ترتاحله اكتر الاتراج هتتميز بشنطة اكبر و اتساع داخلي اكبر من الديزاير
الديزار خاماتها و التقفيل الداخلي تحس انه انضف من الاتراج بس برده الاتراج مش سيء
السويفت عموما في انتظار او اوفر بريس فلو مش هتقدر تستنى يبقى غالبا هتكون الاتراج
وده موضوع كنت عامله عنها
http://www.nilemotors.net/Nile/439375-600.html

وده موضوع واحد من ملاك الديزاير
http://www.nilemotors.net/Nile/439246-2015.html

وربنا يوفقك للاختيار الاصلح ليك

اقتباس:

---

المشاركة الأصلية كتبت بواسطة gozo

اتفق معاك مفيش اي عوامل اماااان

راي خليك بين الاتراج و الديزاير
انا معايا اتراج و العربية بالرغم من 3 سليندر مش ضعيفة خالص
انزل شوف العربتين بنفسك ووكل على الله في اللي ترتاحله اكتر الاتراج هتتميز بشنطة اكبر و اتساع داخلي اكبر من الديزاير
الديزار خاماتها و التقفيل الداخلي تحس انه انضف من الاتراج بس برده الاتراج مش سيء
السويفت عموما في انتظار او اوفر بريس فلو مش هتقدر تستنى يبقى غالبا هتكون الاتراج
وده موضوع كنت عامله عنها
http://www.nilemotors.net/nile/439375-600.html

وده موضوع واحد من ملاك الديزاير
http://www.nilemotors.net/nile/439246-2015.html

وربنا يوفقك للاختيار الاصلح ليك

---

السويفت هي اللى فيها انتظار واوفر برايس ... الديزاير متوفرة الى حد ما

اقتباس:

---

المشاركة الأصلية كتبت بواسطة gamal fouad

مادام 110 يبقى تزود الفين وتجيب نيسان صنى اوتوماتيك ب 112 او بروتون جين تو او بيرسونا 112 وهتبقى افضل من ال3 خيارات دول!!

---

ممكن افكر في البروتون لكن الصني لا والف لا .... مش مرتحلها خالص

الاتراج مش ضعيفة ابدا .. جربها بالتكييف مع 4 اصحابك وشوف السحب

بدأت اشوف الاتراج في الشارع الى حد ما ... الديزاير مشفتهاش غير مرة واحدة من اسبوع ومشفتهاش تاني ... الهيواندي لسة مسلمتش اول دفعة عشان نحكم على الانتشار .... الايام القادمة فاصلة في المقارنة ... في انتظار المزيد من الردود :)

بسم الله الرحمن الرحيم

الأخ الفاضل محمود

أعجب من حيرتك كثيرآ. . لا لأنها غير منطقيه بل لأنك ذكرت من تفاصيل حيرتك ما يقتلها و إليك ما يعينك فى نقاط قليله قصيره.

1 - أنت خائف من محرك الأتراج لأنه 3 إسطوانات . . فكيف يمكنك أن تدفع مالك فى سياره أنت خائف منها . . مجرد خوفك من المحرك يخرج هذه السياره من المنافسه سريعآ

2 - الهيونداى i10 أنت أيضآ خائف منها لأنها بلا وسائل أمان . . و لك الحق فى ذلك . . و هذا أيضآ يخرجها من المنافسه

3 - السوزوكى أنت خائف من وكيلها و من إعادة البيع . . و أنا أرى أن هذه المشاكل تجابه كل من إشتروا هذه السياره و كل من يفكرون فى شرائها . . و لكننى كنت قد نشرت مراكز صيانه للسوزوكى خارج الوكيل لحل هذه المشكله و أنا لا أنسب لنفسى الفضل فى ذلك و لكن كثير من الناس قد وجدوا بدائل لمودرن موتورز . . أما عن مشكلة إعادة البيع فذلك غيب لا يعلمه إلا الله فلا تشغل بالك به.

هداك الله لأرشد أمرك و أقومه

السلام عليكم و رحمة الله و بركاته

اقتباس:

---

المشاركة الأصلية كتبت بواسطة scientist9508

بسم الله الرحمن الرحيم

الأخ الفاضل محمود

أعجب من حيرتك كثيرآ. . لا لأنها غير منطقيه بل لأنك ذكرت من تفاصيل حيرتك ما يقتلها و إليك ما يعينك فى نقاط قليله قصيره.

1 - أنت خائف من محرك الأتراج لأنه 3 إسطوانات . . فكيف يمكنك أن تدفع مالك فى سياره أنت خائف منها . . مجرد خوفك من المحرك يخرج هذه السياره من المنافسه سريعآ

2 - الهيونداى i10 أنت أيضآ خائف منها لأنها بلا وسائل أمان . . و لك الحق فى ذلك . . و هذا أيضآ يخرجها من المنافسه

3 - السوزوكى أنت خائف من وكيلها و من إعادة البيع . . و أنا أرى أن هذه المشاكل تجابه كل من إشتروا هذه السياره و كل من يفكرون فى شرائها . . و لكننى كنت قد نشرت مراكز صيانه للسوزوكى خارج الوكيل لحل هذه المشكله و أنا لا أنسب لنفسى الفضل فى ذلك و لكن كثير من الناس قد وجدوا بدائل لمودرن موتورز . . أما عن مشكلة إعادة البيع فذلك غيب لا يعلمه إلا الله فلا تشغل بالك به.

هداك الله لأرشد أمرك و أقومه

السلام عليكم و رحمة الله و بركاته

---

بس ملاك الاتراج بيشكروا جدا في اداء العربية ...... مش عارف بقي هل فعلا اداءها قوي ولا بيحللو فلوسها :) .... لكن فعلا بدات الاحظ انتشار الاتراج ومشفتش الديزاير

أهم فرق يميز الأتراج عنهم إنها أكبر وأوسع , غير كدا ملهاش نقاط تفوق تانيه , فلو حجم الديزاير والi10 مناسب ليك , إستبعد الأتراج

لو عوامل الأمان تهمك , يبقى إستبعد ال i10

كدا مفيش غير الديزاير

ولو إن في الأخر هاتلاقى البلد كلها راكبه i10 أضعاف أضعاف الأتراج والديزاير :)

هيونداى + غبور = سحر لا يمكن مقاومته :)

مكنوش نزلوا ام الجراند اى تن بايرباج واي بي اس كنا خلصنا من الموال ده

اقتباس:

---

المشاركة الأصلية كتبت بواسطة Mahmoud.Fathy

مكنوش نزلوا ام الجراند اى تن بايرباج واي بي اس كنا خلصنا من الموال ده

---

هو كل اللي بينزل عربية لازم ينقص منها حاجة علشان يوجع نافوخنا احنا في مقارانات :angry35:

موتور 3 سلندر تخاف منه ليه؟ مكنتش فولكس واوبل عملوا مواتير كده....

عزيزي الزميل والعضو

نصيحة اخوية من اخ اكبر لك سنا

السوزوكي سويفت ولا تتنازل عن السويفت

عربية قيمة جدا وعالية وامان وجودة تصنيع ممتازة

وربنا يوفقك للي فية الخير ...

لو عايز اختيار برة الصندوق ... يبقي اوبترا الشكل القديم زيرو

و دول افضل اختيارات امامك فئات ال 110 الف

اقتباس:

---

المشاركة الأصلية كتبت بواسطة ashouhdy

عزيزي الزميل والعضو

نصيحة اخوية من اخ اكبر لك سنا

السوزوكي سويفت ولا تتنازل عن السويفت

عربية قيمة جدا وعالية وامان وجودة تصنيع ممتازة

وربنا يوفقك للي فية الخير ...

لو عايز اختيار برة الصندوق ... يبقي اوبترا الشكل القديم زيرو

و دول افضل اختيارات امامك فئات ال 110 الف

---

متفق معاك جدا جدا ... لكن التوكيل وقطع الغيار حاجة تقلق ... العربية مش منتشرة خالص

اسأل مجرب و ما تسألشى طبيب عن تجربة الاتراج تكسب الكل سيبك من موضوع 3 سليندر لانه مش باين العربية سحب ممتاز استهلاك بنزين ممتاز تكيف رائع العربية واسعة جدا اوسع عربية تشوفها فى الفئة دى و الشنطة كبيرة وسائل امان كتير سوند سيستم ممتاز عربية عالية عن الارض عفشة مثالية محيط دوران صغير يقد بحوالى 4.5 م بصراحة انا ماشوفتش الدايز فى الشارع او ركبتها كل معلوماتى عنها من النت بس اعتقد ان شركة بحجم متشوبيشى و سوزوكى مش هتنزل حاجة اى كلام دى سمعة شركات و مش شركات صغيرة دى متشوبيشى احسن مواتير فى العالم لدرجة ان مرسيدس و متشوبيشى بيعملو مع بعض متور جديد بسعة 3 سليندر لمرسيدس B و لسة تحت الاختبار و هو عبارة عن اسطوانةكبيرة فى النصف و 2 اسطوانة بحجم اصغر فى الطرفين يعنى ثقافة ال 3 سليندر دى و ال 4 سليندر هتختفى لان الاتجاة حاليا لتوفير الوقود وعندك الرينوا كليوا الجديدة نازلة 3 سليندر على 900 cc متور تيربوا ب 90 حصان ركز كويس و اعمل تست دريف لكل عربية منهم و متخلش حد يلعب فى دماغك او يكرهك فى عربيتك لان الكل بينقد دون تجربة على فكرة انا ضد ان I10 الجديدة توصل للسعر دة الاولى تجيب اكسنت احسن بالسعر دة لانها عربية صغيرة نسبيا عن الاتراج و الديزر

اقتباس:

---

المشاركة الأصلية كتبت بواسطة mestca

اسأل مجرب و ما تسألشى طبيب عن تجربة الاتراج تكسب الكل سيبك من موضوع 3 سليندر لانه مش باين العربية سحب ممتاز استهلاك بنزين ممتاز تكيف رائع العربية واسعة جدا اوسع عربية تشوفها فى الفئة دى و الشنطة كبيرة وسائل امان كتير سوند سيستم ممتاز عربية عالية عن الارض عفشة مثالية محيط دوران صغير يقد بحوالى 4.5 م بصراحة انا ماشوفتش الدايز فى الشارع او ركبتها كل معلوماتى عنها من النت بس اعتقد ان شركة بحجم متشوبيشى و سوزوكى مش هتنزل حاجة اى كلام دى سمعة شركات و مش شركات صغيرة دى متشوبيشى احسن مواتير فى العالم لدرجة ان مرسيدس و متشوبيشى بيعملو مع بعض متور جديد بسعة 3 سليندر لمرسيدس b و لسة تحت الاختبار و هو عبارة عن اسطوانةكبيرة فى النصف و 2 اسطوانة بحجم اصغر فى الطرفين يعنى ثقافة ال 3 سليندر دى و ال 4 سليندر هتختفى لان الاتجاة حاليا لتوفير الوقود وعندك الرينوا كليوا الجديدة نازلة 3 سليندر على 900 cc متور تيربوا ب 90 حصان ركز كويس و اعمل تست دريف لكل عربية منهم و متخلش حد يلعب فى دماغك او يكرهك فى عربيتك لان الكل بينقد دون تجربة على فكرة انا ضد ان i10 الجديدة توصل للسعر دة الاولى تجيب اكسنت احسن بالسعر دة لانها عربية صغيرة نسبيا عن الاتراج و الديزر

---

هو ده الكلام الصح شركه ميتسوبيشى مش هتخسر اسمها ابدا
و على فكره انا ملاحظ ان سحبها حلو اوى و صوتها هادي لما بطلع جنبها بالنوبيرا

السوزوكى الديزاير معايا بقالها حوالى شهر فى عز الزحمة و سافرت بيها مرتين و عديت الالف كيلو الاولى - الحمد لله و ماشاء الله عليها
العربية تحفه من كل الجوانب و انا بحمد ربنا انه وفقنى ليها و على فكرة انا شوفتها فى الشارع بتاع 4 او 5 مرات
واحد جارى فى المنطقة جايبها و نفس اللون كمان :) و شوفت منها واحدة سودا و كمان هاتش حمرا بتاعت بنوته
و شوفت سيلفر على الدائرى ...
و كذا واحد سألنى عليها و معجب بيها جدا سواء و انا برخصها و انا بركبلها الفرش و الاكسسوارات
و فيه ناس عملت صيانة الالف للهاتش زى د/ ايمن و ركبلها كمان اكسسوارات تانية - ممكن تقرى مواضيعه و موضوعى
و انا لما اعملها الصيانة هاكتب تقرير بأذن الله

اتفرج الاول و جرب اى عربية عاجباك علشان تقتنع بيها

تحياتى

بصراحه انا شايف ان حضرتك تحط الجين تو والبيرسونا معاك في الاختيارات هتزود 4 الاف لأنهم بـ 114000 لكن اعتقد ان المقارنه هتختلف تماما وخصوصا لو روحت شوفتهم علي الطبيعه لانهم بيقضوا علي مواطن خوفك
1- مواتير قويه جدا بتكنولوجيا لوتس الانجليزيه
2- عوامل امان موجوده ومتوفره بشكل كامل
3- انتشار وقطع غيار واظن انهم منتشرين وموضوع قطع غيارهم وصيانتهم خلاص فتل بحثا
يبقي ليه حضرتك لسه بتقارن بين 3 عربيات كل واحده مخوفاك من حاجه و ب 4 الاف بس هترتاح من كل ده :)

فكر تحط في الاعتبار كمان البريليانس لانها هي كمان بتقتل ال 3 مخاوف بتوعك

سايب اختيارين زى دول ورايح تتعب وتحير نفسك هههههه

انا مش مرجح البروتون تماما ... انا قريت شوية حاجات عن توكيل عز العرب والصيانات وقطع الغير قفلتني منه خالص ... والبريلينس طلعت نزلت عربية صيني ... هتقولى صيني عن صيني يفرق هقولك انا مش هكون مطمن وانا سايق عربية صيني

اولا حضرتك كل التوكيلات في مصر مضروبه وبما انش اشتغلت في غبور ف بقولك كده عن ثقه مش عز العرب بس ولكن اغلب ملاك بروتون بقوا بيروحوا لمركز عصام وصفا وده مركز معتمد ومحترمين جدا ومتوافر عندهم اغلب الحاجات ان مكنش كلها

ثانيا بخصوص الصيني ف كل حاجه يا فندم في العالم بقت صيني وكل حاجه انت بتستخدمها صيني واغلب ماركات العربيات العالميه صيني وفي شركات عالميه عريقه بتتجمع في الصين ده غير تركيا وتايلند وجنوب افريقيا هل دول عند حضرتك احسن من الصيني
لما تشتري كورولا جنوب افريقي ب 160 الف ويطلع فيها مشاكل كبيره لدرجة ان تويوتا الام وقفت انتاجها من هناك كنت هتبقي مبسوط وتقول انا راكب تويوتا مش صيني رغم انها اسوأ من كتير من العربيات الصيني

العالم يتغير من حولك يا صديقي ف تعامل مع تحولاته ولا تكرر نفس مقولات الناس عن الكوري في منتصف التسعينات ايام الاكسيل االلي لحد دلوقتى بنشوفها واحسن من عربيات كتير

وفي النهايه هي مسأله اراء وقناعات ولك تحياتي :)

هو لية كل واحد بيجي يشتري عربية في مصر يبقا محتار الحيرة دي
انا لاحظت الموضوع دة مع اكتر من واحد
لية التوكيلات متعبة كدة و كل عربية عندنا تنزل يكون فيها حاجة كويسة يكون متشال منها حاجة تانية مهمة , هما بيعكننوا علينا
ربنا معاك يا صاحب الموضوع بصراحة حاجة توجع القلب و لا كائنك هتدفع فلوس

طيب ليه مفكرتش ف اوبترا شكل قديم
وعائلية ومعروفة

اقتباس:

---

المشاركة الأصلية كتبت بواسطة s o p h o s

طيب ليه مفكرتش ف اوبترا شكل قديم
وعائلية ومعروفة

---

هو فيه منها جديد ؟؟؟

بدأت اميل في اتجاه الهيونداى جراند أي تن ....

للرفع

معى هيونداى فيرنا وبفكر اغيرها بمتسوبيشى اتراج اتوماتيك
العربية عجبانى عشان اعلى و اوسع من الفيرنا ويابانى
لكن الفيرنا اعلى فى الـ سى سى + الحصان + السلندر ودة اللى مقلقنى جدا جدا جدا جدا
1- اشترى هاى لاين توكيل ولا خليجى ؟
2- هل هاحس بالسحب وانا مشغل التكييف عن العربية الفيرنا ؟
3- احسن معرض فى مدينة نصر؟

خلاص الحمد لله حجزت السويفت ديزاير عن اقتناع

http://www.nilemotors.net/Nile/447656-a.html

الديزاير أفضلهم على الاطلاق وتوكيلها بيتحسن دلوقتى