ماعلش هى فى حجم اية لو سمحت من العربيات وهل ممكن 3 يجلسوا على الكنبة الخلفية ولا ضيقة
تحياتى
عرض للطباعة
العربيه واسعة جدا من الداخل والكنبه 4 يقعدوا مرتاحين ويفردوا رجليهم براحتهم العربيه مريحة جدا والشنطة واسعه كمان
العربيه حجمها كبير زى الانسر والنيسان
العربية من الخارج نفس اطوال الفيرنا طول وعرض يفرق فقط نصف سم اما من الداخل فالسيارة الحوض بتاعها صغير ولذا نجد السيارة واسعة من الداخل والشنطة كذلك حتى لو مرجع الكرسى على الاخر يجلس اللى فى الخلف فى راحة
يا استاذنا الله يبارك لك انت وديتها اى مركز صيانه و قعدت قد ايه علشان فى استاذه اعرفها عربيتها عملت حادثه برضه و محتاجه اكصدام و فوانيس ...و هل قطع الغيار متوفره و لا فى تاخر....اتمنى الرد سريعا
ربنا يبارك لحضرتك فيها كلام بصراحة ممتاز ولم اتخيل وسعها كدة دى كدة بصراحة برقبة اى عربية تانية
ماعلش انا هااتعبك معى وزى ماقلت لحضرتك فى الصعيد موش موجودة
ياترى اخبار نسبة الانتشار والمبيعات اية لهذة السيارة , وبردة من خلال زيارة حضرتك للتوكيل للصيانة
وماعلش قطع الغيار اخبارها اية
علشان انا بصراحة لو اشتريت موش عا اقدر اغير يعنى ها تقعد معى فترة
الف سلامه
قدر الله ماشاء فعل
وان شاء الله التوكيل هيقدر يجمع الحاجات الناقصه بس هما غاليين شويه
ربنا معاك
لكن العربيه ممتازه
العربيه بصراحة مش منتشرة فى الشارع المصرى عشان هى مش معروفه واللى عارفها معاه عربيه ثانيه اغلى منها والفرق بسيط فى الامكانيات بينها وبين الاتراج ولكن الفرق فى الثمن كثير جدا طبعا لازم يقول حاجة من اتنين يتجاهل الاتراج قال يعنى ميعرفش عنها حاجة او يقول عربيه تعبانه ده 1200 سى سى و3 سلندر متسواش نصف تمنها ده طبع علشان صعبان عليه ال 30 او 40 الف الفرق فى السعر اللى دفعه فى عربيته 1600 سى سى و4 سلندر
لو حضرتك تقدر تدينى نمرتك او نمرة المهندس علشان اديها للاستاذه صاحبة العربيه اكون شاكر جدا لحضرتك