حادثة بالاتراج بس الحمدلله بسيطه

**reyad_mohamed** · 19-09-2014 12:42 PM

الحمد لله على كل شيء بعد الترخيص بيومين كنت ماشى فى طريق مصر اسماعلية الصحراوى بين موقف العاشر والعبور وقفت عند تقاطع عربيات كانت قطعت الطريق بتعدى من قدامى وابص فى المراية ورايه لقيت كساحة بمقطورة صغيره السواق بيمسك فرامل بس طبعا ماجبيتوش سيادته اكيد مبرشم المهم دخل فى العربية من الخلف الشنطة اتعجنت والفانوس اليمين اتكسر والكصدام فك من الجنب اليمين الغريبه انى ماحسيتش بالخبطه انا لولا كنت شايفه فى المرايه وهو بيخبط العربيه كنت اتصدمت بعد كده.
بس واضح ان صاج العربيه خفيف قوى لدرجة انه مش بيعمل عزم عندالتصادم نحمد ربنا على كل شيئ قدر الله وماشاء فعل وطبعا رميها فى التوكيل من يوميها لسه معملتش صيانة الالف كيلو بس قبل ما تتخبط بيوم كنت ملاحظ ان العربيه بدأت تتخنق لازم علشان اجرى بالعربيه وتسحب معايا بسرعة لازم ادوس على دواسة البنزين لحد ما الrpm يبقى على 3 او اكثر الاقى العربيه سحبها احسن من العربيات اللى معايا على الطريق مهما كان موديلها او ماركتها بس المفروض الواحد كان متعود الrpm يبقى على 2 عمرال rpm موصل معايا 3 الا لما بكون معدى 120 كيلو
بالنسبة لاستهلاك البنزين من غير تكيف فى الطريق الزراعى يعنى مطبات كتير معدل 13كيلو فى اللتر
فى الطريق الصحراوى 17 كيلو فى اللتر
بالتكيف الطريق الزراعى 11كيلو فى اللتر والصحراوى 13 كيلو فى اللتر
المعدلات اختبرتها اكثر من مره مع التغير فى طريقة السواقه وكانت نفس النتايج بأختلاف بسيط
ياريت اى عضو يجد معاه اى جديد مع العربيه يعرفنا علشان نقدر نتعامل مع العربيه ومع التوكيل
فى انتظار كرم التوكيل علينا ياريت الموضوع مش يطول تبقى مشكله لو التوكيل مش موفر قطع غيار العربيه عموما اى جديد من ناحية التوكيل هقوله فى المنتدى وياريت الناس متبخلش بمعلومات عن العربيه حتى لو مش كويسه

**eng.m7md.ali** · 19-09-2014 02:12 PM

حمد الله على سلامتك ده الاهم

هل متوافر قطع الغيار في التوكيل ولا تحب اسألك عليها في الحرفيين؟

**reyad_mohamed** · 19-09-2014 02:36 PM

والله المهندس فى التوكيل مش فاهم منه حاجه هو دمه خفيف حد مقبول بس دماغه عليا ادينى معاهم لحد الاخر اما اشوف الفاتورة بتاعت التوكيل هتبقى عامله ايه

**shiko85** · 19-09-2014 02:38 PM

لا حول ولا قوة الا بالله
قدر الله و ما شاء فعل
الحمد لله ان حضرتك بخير

**reyad_mohamed** · 19-09-2014 02:39 PM

عموما ياباشا شكرا على مساعدتك ولو لقيت اسعار قطع غيار الاتراج بره التوكيل يبقى ممتاز
المقايسة بتاعت العربيه مكتوب فيها شنطه خلفية - فانوس خلفى يمين - اكصدام خلفى - بالاضافة لحبت حجات لزوم الشنطة والاكصدام جوانات وكالون وكلبسات وشوية حاجات بسيطة كده مش فاكرها

**reyad_mohamed** · 19-09-2014 02:43 PM

المشاركة الأصلية كتبت بواسطة shiko85

لا حول ولا قوة الا بالله
قدر الله و ما شاء فعل
الحمد لله ان حضرتك بخير

الحمدلله على كل شئ ده لطف من عند الله بسيطة الحمد لله

**mk3** · 19-09-2014 02:52 PM

اكيد معدلات استهلاك البنزين كانت هتتغير بعد صيانه الالف زى اى عربيه
عموما ده نصيب والحمد لله

**Omar Mahmoud** · 19-09-2014 05:00 PM

قدر الله و ما شاء فعل
الحمدلله إنك سليم

**mestca** · 19-09-2014 05:05 PM

اولا حمد لله على السلامة و احب اقولك قدر الله و ماشاء فعل و ماتزعلش انا العربية كانت لسة ماشية معايا 200 كيلوا و واحد حمار قطع على الطريق عالشان الملف فاتة فبيحاول يلف على الطريق السريع لولا ال abs كنت ركبت على العربية شوية متخلفين بيسوقوا
بالنسبة لمعدل الاستهلاك انا دلوقتى ماشى حوالى 2500 كيلوا و الاستهلاك فى تحسن ملحوظ قوى يعنى وصلت معايا جوة دمياط الجديدة فى شوارع كويسة مطباتو الشوارع ماشية مش بتقف كتير اقصى حاجة جابتها 17.5 كيلو فى اللتر بدون تكيف
لكن على الطريق الزراعى مع قيادة سلسة بدون قرص و على سرعة 80 كيلوا شبة ثابتى و صلت معايا ل 20 كيلوا فى اللتر
ومرة صفرت العداد اللى بيحسب و انا فى اول طريق سريع بداءت من متوسط استهلاك 14.5 كيلو فى اللتر و طول مانا ماشى العداد بيتحسن و صلت ل 22.4 كيلوا فى اللتر مع سرعة 80 ثابتة و المسافة دى كانت طريق مفتوح و مسافة حوالى 8 كيلو متر على سرعة ثابتة 80
العربية بتوفر بنزين جدا بس انت اللى بتتحكم بدوسة البنزين و غير كدة المتوسط دة اجمالى لحركة العربية ككل