السلام عليكم ورحمة الله وبركاته

أنا محتاج رأي أعضاء المنتدى المحترمين ، عندي حيرة شديدة و غريبة في شراء عربية ..

أولا: أنا ميزانيتي من ١٣٠ ألف ل ١٤٠ ألف ، إن شاء الله ناوي أدفع ٥٠٪ مقدم و أقسط الباقي ، إيه أحسن بنك إسلامي ممكن أتعامل معاه؟

ثانيا: المواصفات المطلوبة: أوتوماتيك - موتور قوي كسحب و سرعة - مشاكل قليلة و قطع غيارها و صيانتها تكون رخيصة - يفضل تكون هاتشباك.

محتار بين:
١- أكسنت أر بي هاتشباك هاي لاين (عجباني جدا)
٢- لانسر شارك أول فئة أوتو (خايف من الصيانة و قطع الغيار و بعدين أخري أول فئة)
٣- سيراتو أول فئة مانيوال ( مش متحمس ليها مش عارف ليه )
٤- ياريس فول أوبشن أوتو (١٣٠٠ سي سي؟!؟! ) .

تنصحوني بإيه من ال٤ ؟؟ و لو في حاجة تانية فيها الموصافات المطلوبة و انا مش كاتبها ؟ و مش عارف إيه في دول فيه ABS و إيه لأ؟

بالمناسبة أنا ساكن في مدينة جديدة فبمشي حوالي ٢ كيلو كل يوم على طريق حصى ، معايا فيرنا ٢٠٠٦ دايما بمشي بيها على ١٠٠ ل ١٣٠ فعايز الجديدة إن شاء الله تكون أحسن كثبات و فرامل ( مش محتاج أحكي عن ثبات و فرامل الفيرنا ) ، و ساعات بسافر الساحل ( عملتها مرة بالفيرنا و خفت أكررها )

مستني أرائكم بفارغ الصبر و شكرا على مساعدتكم :)