الموضوع: عشرة اسباب لعدم الزواج من مصرية

المشاركة الأصلية كتبت بواسطة باسم يوسف

معلش يا استاذ احمد كلامك مستفز

هو ربنا قال يطلع تاريخ اهلي طول اليوم و ارجع البيت اتلاقي واحده تخينه من كتر اكل المحشي و لابسه ايشارب ما يعلم بيه الا ربنا و ريحتها بصل و قاعده مستقنيصه قدام التليفزيون عشان تتفرج علي مسلسل غدر الزمان الجزء السابع ؟ ده يرضي ربنا

ده فيلم ولا رواية ؟؟
أصل إنت بتقول إنك لسه متجوزتش

عموماً ده مش طبيعي ومبيحصلش
ولو شذت القاعدة وحصل يبقى حاجه غلط

المشاركة الأصلية كتبت بواسطة باسم يوسف

في انهي شرع الراجل يدفع كل مليم جابه من عرقه و ممكن من عرق ابوه كمان و البنت تتجوز علي الجاهز من غير ما تدفع جنس منديل احمر و ابوها اللي يكع؟

في شرع الإسلام

وعلى فكره مسألة هي تدفع أو أبوها يدفع نصف الجهاز أو تلت الجهاز
في جميع الحالات إسمه اتدفع من طرف العروسة

إيه المطلوب تاني
تشيل الليلة كلها مثلاً هي وأهلها !!!!!!!!!!!

المشاركة الأصلية كتبت بواسطة باسم يوسف

النبي عليه الصلاه و السلام قال فيما معناه
تنكح المرأه لاربع ... اول حاجه جمالها
هو فين الجمال الشكلي و لا حتي الاخلاقي الموجود في بنات اليومين دول ؟ و حتي لو موجود هتطلع فلوس من لحمك الحي و حضرتك عارف الفلوس بتيجي ازاي في البلد دي

أعذرني يا باشا
كده إنت موصلك معنى الحديث خالص
ومينفعش تقطع الكلمة دي من الحديث لأن بقية الحديث بتغير المعنى تماماً
يقول النبيِّ صَلّى الله عَلَيْهِ وَسَلّم :
" تُنْكحُ الْمَرْأَةُ لأرْبَعٍ:
لمالها ولِحَسَبها ولِجَمَالها وَلدينها
فَاظْفَرْ بذاتِ الدِّينِ تَربَتْ يَدَاكَ "
مُتّفَقٌ عَلَيْهِ

الجواز فتح بيت أنت مسئول عن الإنفاق عليه من الألف إلى الياء
لو الزوجة ساعدتك فهو من باب الهدية للزوج الميسور أو من باب الصدقة للزوج الفقير

ـ

المشاركة الأصلية كتبت بواسطة cosmo

من امتى الرجالة عددهم اكبر من السيدات
ممكن لينك الاحصائيه

بس كدا , حضرتك تؤمر
دا رد على السيد باسم يوسف في موضوع مشابه
والظاهر المغالطة دي منتشرة بكثرة بين أوساط الشباب اللي بيبحث عن زوجة
عشان كدا بيُصدم بالواقع لإنه رايح وفاكر إنه من الأقلية المرغوبة

المشاركة الأصلية كتبت بواسطة eso101

أهلًا ياعزيزي
أنا لا أعرف صديقك وهو قد يكون مصدر موثوق بالنسبة لك
ولكننا لا نعرفه وهو ليس متحدث رسمي يمثل أي جهة رسمية حول العالم
كما أن النسبة المذكورة نسبة لايمكن أن تكون صحيحة بأي حال ولم تحدث في تاريخ البشرية
لم يتفوق أي جنس عن الجنس الآخر بهذه النسبة المهولة
وإلا لأصبحت كارثة بكل المقاييس
النسبة نستطيع أن نقول متوازنة بزيادة طفيفة لصالح الذكور
جميع الإحصائيات العالمية تشير لزيادة معدل الذكور عن الإناث على مستوى العالم
107 ذكر مقابل 100 أنثى والنسبة في تزايد كل عام فقد كانت 105 ذكر مقابل 100 أنثى
ويمكنك التحقق بنفسك في المواقع الرسمية
أما النسبة الطبيعية للإنجاب حول العالم فهي كما ذكرت سابقًا 107 ذكر مقابل 100 أنثى

sex ratio is the ratio of males to females in a population
the human sex ratio is of particular interest to anthropologists and demographers. In human societies, however, sex ratios at birth may be considerably skewed by factors such as the age of mother at birth,[1] and by sex-selective abortion and infanticide. Exposure to pesticides and other environmental contaminants may be a significant contributing factor as well.[2] as of 2014, the global sex ratio at birth is estimated at 107 boys to 100 girls ,934 girls per 1000 boys
link


وهنا إحصائيات مفصلة عن مواليد العالم ونسبة الجنس من وكالة الاستخبارات المركزية الأمريكية (cia)
cia
كذلك جميع الإحصائيات المنشورة لدولنا العربية
لنسبة الجنس تشير إلى إزدياد عدد الذكور على نسب الإناث
ويتفوق عدد الذكور عن الإناث حول العالم بحوالي 57 مليون
ياريت تجيب مصدر رسمي واحد فقط يؤيد كلامك

لو عندك إحصائية رسمية خلاف دي ياريت توافينا بيها

المشاركة الأصلية كتبت بواسطة باسم يوسف

معلش يا استاذ احمد كلامك مستفز

هو ربنا قال يطلع تاريخ اهلي طول اليوم و ارجع البيت اتلاقي واحده تخينه من كتر اكل المحشي و لابسه ايشارب ما يعلم بيه الا ربنا و ريحتها بصل و قاعده مستقنيصه قدام التليفزيون عشان تتفرج علي مسلسل غدر الزمان الجزء السابع ؟ ده يرضي ربنا

في انهي شرع الراجل يدفع كل مليم جابه من عرقه و ممكن من عرق ابوه كمان و البنت تتجوز علي الجاهز من غير ما تدفع جنس منديل احمر و ابوها اللي يكع؟

النبي عليه الصلاه و السلام قال فيما معناه

تنكح المرأه لاربع ... اول حاجه جمالها

هو فين الجمال الشكلي و لا حتي الاخلاقي الموجود في بنات اليومين دول ؟ و حتي لو موجود هتطلع فلوس من لحمك الحي و حضرتك عارف الفلوس بتيجي ازاي في البلد دي

بلاش نفتح في مواضيع -_-

اللى حضرتك اتكلمت فيه ده هوا شواذ القاعده

لكن قولى لو حصل وكانت الزوجه مهتمه بنفسها فى البيت وبتصرف بضمير ومش مغالاه فى مصاريفها

لكن فى نفس الوقت مش بتشارك بأى قرش فى البيت وانت اللى عليك كل حاجه من الالف الى الياء

ااكل وملبس ومشرف وخلاف ذلك

انت مش شايف ان الزوج برضه atm ؟

مفهوم غريب!!!!!!!

انا شايف ان الواحد لو عاوز زوجه بالكامل زى ما قال الكتاب يكون هوا زوج رااااجل بالكامل زى ما قال الكتاب

اصرف على بيتك ومتخليش زوجتك تشارك فى مصاريف البيت نهائيا ( لو ينفع ومفيش ظروف تمنع) وعلى رأى شيخ كان بيقول لو زوجتك ليها قللله ( اللى بنشرب منها ) فى البيت اكسرها


خليك راااااااجل فى بيتك رااجل بجد مش دكر موجود فى البيت وخلاص

متكونش بخيل ( الزوجه لا تطيق ابدا الزوج البخيل )

يكون عندك الحد الادنى من الخبره فى التعامل مع الستات


ان شاء الله حتبقى مستريح فى بيتك وميكونش بيتك مأساوى

اه صحيح ممكن يكون فى بعض المشاكل بس مش المصايب

واخيرا لكل قاعده شواذ وعلى سبيل المثال لا الحصر ( امراءه سيدنا لوط وغيرها )

بيبقى نصيبك بقى ومن مكفرات الذنوب فى الدنيا لا تطلقها او تصبر

براحتك

المشاركة الأصلية كتبت بواسطة prof2013

طيب وانا بقى مش عايزها تجيب ايوتها حاجه بس نلاقي معامله كويسه وزوجه صالحه
ومفيش شروط تعجيزيه وتتغير العادات المتخلفه بتاع المجتمع المصري دي

يبقى إنت بتتحدث عن الزوجة الصالحة التي أخبر عنها سيدنا محمد صلى الله عليه وسلم
إدعي ربنا وهو العاطي الكريم

" خَيْرُ النِّسَاءِ إِذَا نَظَرْتَ إِلَيْهَا سَرَّتْكَ وَإِذَا أَمَرْتَهَا أَطَاعَتْكَ ، وَإِذَا غِبْتَ عَنْهَا حَفِظَتْكَ فِي مَالِكَ وَنَفْسِهَا "

لا حرج على فضل الله

ـ