كورولا full option (تاني فئة) ولا سيراتو High line (اعلي فئة) ؟؟

**Sameh samy** · 20-09-2014 11:09 AM

فتيس الكورولا cvt-i موش بيخليك تحس انها cvt اصلا وهاتحس انك راكب فتيس اوتو عادي ولما هاتشد علي العربية هاتلاقي ال rpm بيطلع وينزل كان العربية بتنقل تمام والتسارع محترم جدا خصوصا مع تشغيل sport اما بقي لو شغلت ستيب ترونيك كمان مع ال sport هتلاقي نفسك راكب وحش موش عربية
الفتيس متعدل عن اي cvt تاني وانا سقت البومة والقشقاي بنفس الفتيس ومعجبنيش الفتيس انما الكورولا تختلف
كماليات العربية رائعة وخاماتها الداخلية الي في ناس اشتكت منها اجود من اي عربية كوري ابسط مثال التابلوة جلد موش بلاستيك
حتة الشكل بقي دي ازواق بس العربية من الداخل كلاسيك موش موديرن وانا عن نفسي بحبو اكتر والتابلوة بتاعها شبة الفئة التالتة في البي ام

**a7medalaa** · 20-09-2014 02:52 PM

المشاركة الأصلية كتبت بواسطة sameh samy

فتيس الكورولا cvt-i موش بيخليك تحس انها cvt اصلا وهاتحس انك راكب فتيس اوتو عادي ولما هاتشد علي العربية هاتلاقي ال rpm بيطلع وينزل كان العربية بتنقل تمام والتسارع محترم جدا خصوصا مع تشغيل sport اما بقي لو شغلت ستيب ترونيك كمان مع ال sport هتلاقي نفسك راكب وحش موش عربية
الفتيس متعدل عن اي cvt تاني وانا سقت البومة والقشقاي بنفس الفتيس ومعجبنيش الفتيس انما الكورولا تختلف
كماليات العربية رائعة وخاماتها الداخلية الي في ناس اشتكت منها اجود من اي عربية كوري ابسط مثال التابلوة جلد موش بلاستيك
حتة الشكل بقي دي ازواق بس العربية من الداخل كلاسيك موش موديرن وانا عن نفسي بحبو اكتر والتابلوة بتاعها شبة الفئة التالتة في البي ام

الف شكر ربنا يباركلك فيها و الله طمنتني علي موضوع ال cvt استأذنك لو تعرف تفيدني في باقي الاستفسارات يبقي كتر خيرك

**a7medalaa** · 20-09-2014 10:54 PM

محدش عنده حاجة ممكن يفيدني بيها ؟

**Mohamed.Hany** · 20-09-2014 11:37 PM

المشاركة الأصلية كتبت بواسطة a7medalaa

و الله يا باشمهندس مستني رايك عشان دايما بستفاد منك خصوصا في الكورولا ربنا يكرمك
كده حضرتك طمنتني بالنسبة لل cvt و اسعار قطع الغيار و ال stability
استأذنك بس تقولي اي اسعار لقطع غيار تعرفها للكورولا زيادة في الاطمئنان يعني كبوت اكصدام شبكة تيل اي حاجة .. و اخر حاجة بتعمل مع حضرتك كام l/100km في الوحمة و كام في الطرق المفتوحة ؟ عشان ده يفرق معايا جدا عشات اللنزين ليه ميزانية شهرية مشاويري طويلة جدا
و اخر حاجة ايه اعلي سرعة حضرتك جبتها و هل كانت راسية و ثابتة ولا حسيتها مش راسية ؟
و شاكر جدا ليك علي مجهودك

ثبات جيد جدا
التيل ب 650 اكصدام امامي 1200 اكصدام خلفي 1800 فانوس خلفي 1800
الزحمة 9 لتر الطوالي 5 لتر
اعلي سرعة 220 و التحكم كان مقبول بالنسبة للسرعة دي

**mzaher** · 21-09-2014 07:31 PM

ممكن حضرتك تراجع الموضوع ده
http://www.nilemotors.net/Nile/44130...15-2014-a.html

**a7medalaa** · 21-09-2014 07:38 PM

حد يعرف ضمان الكورولا كام الف كيلو و كام سنة عشان مش مكتوب في البروشور ؟؟
و الاستلام بعد حوالي قد ايه للناس المجربة بتاع المبيعات بيقولي شهر ونص بس في ناس بتقول انخا بترسي اكتر من كده ؟