بخصوص شراء وبيع السيارات

**fawaz2077** · 20-09-2014 09:59 AM

مطلوب من اصحاب الخبرة
انا معايا مبلغ حوالى 70000 وعاوز اعمل نظام انى اشترى سيارة حالتها كويسه وتقعد معايا اسبوع او اثنين وابيعها واكسب فيها واشترى واحده تانيه وهكذا- فهل ده ممكن اليومين دول ولا صعب - وايه الانواع اللى بيعها كتير وسهل ومطلوبه دايما - ولو حد يقدر ينثحنى ميبخلش عليا بالنصيحه لانى محتاج اشتغل فى الموضوع ده وفى نفس الوقت مش عايز تجار او حد يضحك عليا والبس سيارة واخسر كتير
- طيب والوضوع ده لو ينفع يبقى اشتريها وابيعها بتوكيلات ولا ارخصها باسمى وابيعها احسن؟ - معلش اصلى جديد فى الموضوع ده ومعنديش خبرة خالص

وشكرا ليكم

**غزلة** · 20-09-2014 01:53 PM

اروح سوق السيارات الي في الحي العاشر واتعلم من التجار الي هناك هما بيعملو كده بالظبط

**pioneerahmed** · 20-09-2014 04:39 PM

بما انك جديد يبقي بلاش عشان متشتريش عربية معيوبة و متعرفش تبيعها و تخسر فلوسك كلها

**fawaz2077** · 21-09-2014 06:24 AM

هاههاهها - تجار سوق الحى العاشر انت بتهزر

**fawaz2077** · 21-09-2014 09:43 AM

عشان اول درس البس - واخسر فلوسى كلها - ياعم الناس نواياها مبقتش كويسه زى زمان - انا على المنتدى هنا عشان فيه ناس محترمه بتنصح الواحد بما يرضى الله مش عشان مصالح خاصه

**غزلة** · 21-09-2014 11:12 AM

المشاركة الأصلية كتبت بواسطة fawaz2077

عشان اول درس البس - واخسر فلوسى كلها - ياعم الناس نواياها مبقتش كويسه زى زمان - انا على المنتدى هنا عشان فيه ناس محترمه بتنصح الواحد بما يرضى الله مش عشان مصالح خاصه

انا كان غردي انك تروح تتعلم لا تبع ولا تشتري لحد ما تتعلم وبعدين انا مليش مصالح خاصة ومرحتش السوق من سنتين انا كان نفسي انورك لكن يظهر انك فهمت غلط و ردك كلو غلط في غلط و انا انسان محترم والله يسامحك