الموضوع: ياريت تساعدوني في معرفة سعر كاويتش

عاوز اجيب طقم كاويتش مقاس 15*205*65 لسياره كيا كارينز ياريت اعرف سعر انواع ميشلان او بريدحستون او هانكوك وتنصحوني بأي نوع ال راكب في السياره حاليا هانكوك

ميشلان و بريدجستون الاتنين كويسين و لو عايز تعرف الاسعار ممكن تكلم fix &fit بالنسبه للبيريدجستون علي الرقم المختصر بتاعهم 19187 و تعرف المقاس بتاع حضرتك متوافر و لا لأ و السعر بتاعه اما لو عايز ميشلان فممكن تكلمهم علي
02-27545570 او 02-27545632 و بكده تبقي عرفت الاسعار من التوكيل و لازم طبعا تتاكد من تاريخ الانتاج و تبص عليه بنفسك علي الكاوتش بيبقي مكتوب علي الفرده رقم مكون ٤ ارقام يمثل رقم الاسبوع و السنه بتوع الصنع
بعد لما تعرف الاسعار من التوكيل ممكن تسال عند الموزعين او تجار الكاوتش الكبار و ساعتها هتبقي عارف الموديل اللي بتدور عليه اسمه ايه و ايه احدث انتاج و بكده ممكن تدور براحتك و محدش ينصب عليك و ممكن تعمل جوله في الحي السادس في مدينه نصر هتلاقي هناك كذا واحد اشهرهم اشرفكو و اعرف منهم الاسعار و سنه الصنع و قارن مع سعر التوكيل و لو لقيت فرق سعر محترم يبقي اشتري منهن بس اتاكد من سنه الصنع و لو كان الفرق بسيط يبقي اشتري من التوكيل و ريح دماغك