ارجو الدخول والمساعدة من مالكى اوبل فيكترا 2002

**عماد** · 20-09-2014 03:11 PM

السلام عليكم ورحمة الله وبركاته
ربنا كرمنى واشتريت أوبل فيكترا موديل 2002 اتوماتيك 1600 cc الحالة جيدة
- ارجو المساعدة فى الآتى مع العلم ان دى اول مرة اركب المانى وكان نفسى فيها بس ( انا ماعرفش اى حاجة فيها ) :
1- عايز اعمل صيانة كاملة بالموتور والعفشة والفرامل والتكييف ( ايه اللى اعمله بالتفصيل وفين )
2- مطلوب مركز صيانة ممتاز أو ميكانيكى شاطر ويكونوا اسعارهم معقولة ( علما بأنى من القاهرة ش شبرا وايضاً جسر السويس )
3- عايز اجدد الصالون بالكامل من الاجناب بالابواب وباكتات القوايم بالصالون والكراسى ( حد يكون شاطر ومتخصص وياريت يشيل القديم ويركب حاجة استيراد فى حالة الجديد ليصبح الصالون كالفبريكة
ارجوكم ماتتأخروش عليا العربية مركونة لحين عمل ماسبق
انا فى انتظار ردكم وأسف للإطالة
والسلام عليكم ورحمة الله وبركاته

**haisam ali** · 20-09-2014 03:36 PM

اولا الف الف مبروك على العربيه
ثانيا وده الأهم عايزك تتعب شويه وتقرا المواضيع المثبتة وكمان المواضيع القديمه ضرورى جدا جدا ... عشان تاخد خبره محترمه
ثالثا وده حاجه هتكرهك شويه فيه لانى ببالغ فيها :- الصيانه

١- فلتر هواء + فلتر بنزين + فلتر تكييف + ٤بوجيهات gm اصلى + مجموعه سير الكتينه = سير الكتينه + ٢ بليه + سير الدينامو + زيت وفلتر زيت + بليه الشداد بتاع سير الدينامو + طرمبه ميه جديده واهم حاجه تجيب القطع من عند حد موثوق منه جدا طبعا الأخوة الأفاضل أصحابنا هنا فى المنتدى هيعرفوك افضل الأماكن فى القاهره

٢- تغييير زيت الفتيس الاوتوماتيك ضرورى جدا بزيت Mobil ATF 320 والعربيه عندك بتاخد حوالى ٤ لتر واللتر ب ٥٠ جنيه

٣- العفشجى المحترم يبصلك على جميع اجزاء العفشه قطعه قطعه ويشوف التيل طبعا والمحتاج لازم يتغير

٤- فى المواضيع المثبتة هتلاقى فى صيانات الفيكترا طريقه تغيير وتنظيف دوره الميه موضوع لاستاذنا فادى محمد لازززززززم تعمل الموضوع ده وتعلمه وانت عند الميكانيكى عشان طبب الميه ... وطبعا تراجع على ثرموثتات الكوعه ضرورى جدا ولو بايظ غيره وتحط ميه موبيل من الحمراء بعد تنظيف الدوره كامله هتاخد حوالى جركن ونص

٥- هيتغير زيت الفرامل برضه على طريقه الاستاذ فادى محمد فى المواضيع المثبتة ... لازم تغيرها بنفس ألطريقه ضرورى جدا

٦- هنروح لواحد كهرباءى برنس يراجع لك على جميع السلوك فى الموتور لو حاجه مكشوفة يغطيها ويعزلها ويفتح علبه الفيوزات يشوف كل فيوز راكب مكانه صح بلونه ومقاسه وتغيرهم لو حاجه مختلفه او فيهم حاجه صيني

٧- هتخلص وتروح مغسله محترمه وتمسك انت خرطوم الميه وتغسل سربنتينه التكييف من قدام كويس جدا من تحت الاكصدام وتنزل البلاوى اللى فيها

٨- تروح تشوف ضغط الفريون عندك كام ولو محتاج يتزود زوده بس عند حد فاهم وياريت لو بالجهاز الجديد اللى بيكبس الفريون والعربيه مبطله ... ويبص على مواسير التكييف ويتأكد ان مفيش حاجه بتتحك او حاجه قريبه من السيور وهتبوظ ويعزلهم كويس

٩- تروح تظبط زوايا وترصص وتراجع على الكاوتش بتاعك

١٠ - حاول ماتتنطش حاجه من دى بجد ... انا عارف ان الموضوع انا فتحتهولك جدا ... لكن صدقنى انا بقولك على الصح اوى واللى انا شخصيا بعمله مره واحده تقوم بعد كده تسافر بعربيتك وانت باذن الله مطمئن جدا وهتتبسط اوى من اجمالى العربيه بعد الصيانه دى

اخر حاجه بأحد عليك تانى ضرورى تقرا المواضيع بتاعت الفيكترا b ... هتتبسط اوى وهتتعلم كل حاجه وتعملها بنفسك كمان

أسف للاطاله ... هذا وبالله التوفيق

**فادى محمد** · 20-09-2014 03:43 PM

المشاركة الأصلية كتبت بواسطة haisam ali

اولا الف الف مبروك على العربيه
ثانيا وده الأهم عايزك تتعب شويه وتقرا المواضيع المثبتة وكمان المواضيع القديمه ضرورى جدا جدا ... عشان تاخد خبره محترمه
ثالثا وده حاجه هتكرهك شويه فيه لانى ببالغ فيها :- الصيانه

١- فلتر هواء + فلتر بنزين + فلتر تكييف + ٤بوجيهات gm اصلى + مجموعه سير الكتينه = سير الكتينه + ٢ بليه + سير الدينامو + زيت وفلتر زيت + بليه الشداد بتاع سير الدينامو + طرمبه ميه جديده واهم حاجه تجيب القطع من عند حد موثوق منه جدا طبعا الأخوة الأفاضل أصحابنا هنا فى المنتدى هيعرفوك افضل الأماكن فى القاهره

٢- تغييير زيت الفتيس الاوتوماتيك ضرورى جدا بزيت mobil atf 320 والعربيه عندك بتاخد حوالى ٤ لتر واللتر ب ٥٠ جنيه

٣- العفشجى المحترم يبصلك على جميع اجزاء العفشه قطعه قطعه ويشوف التيل طبعا والمحتاج لازم يتغير

٤- فى المواضيع المثبتة هتلاقى فى صيانات الفيكترا طريقه تغيير وتنظيف دوره الميه موضوع لاستاذنا فادى محمد لازززززززم تعمل الموضوع ده وتعلمه وانت عند الميكانيكى عشان طبب الميه ... وطبعا تراجع على ثرموثتات الكوعه ضرورى جدا ولو بايظ غيره وتحط ميه موبيل من الحمراء بعد تنظيف الدوره كامله هتاخد حوالى جركن ونص

٥- هيتغير زيت الفرامل برضه على طريقه الاستاذ فادى محمد فى المواضيع المثبتة ... لازم تغيرها بنفس ألطريقه ضرورى جدا

٦- هنروح لواحد كهرباءى برنس يراجع لك على جميع السلوك فى الموتور لو حاجه مكشوفة يغطيها ويعزلها ويفتح علبه الفيوزات يشوف كل فيوز راكب مكانه صح بلونه ومقاسه وتغيرهم لو حاجه مختلفه او فيهم حاجه صيني

٧- هتخلص وتروح مغسله محترمه وتمسك انت خرطوم الميه وتغسل سربنتينه التكييف من قدام كويس جدا من تحت الاكصدام وتنزل البلاوى اللى فيها

٨- تروح تشوف ضغط الفريون عندك كام ولو محتاج يتزود زوده بس عند حد فاهم وياريت لو بالجهاز الجديد اللى بيكبس الفريون والعربيه مبطله ... ويبص على مواسير التكييف ويتأكد ان مفيش حاجه بتتحك او حاجه قريبه من السيور وهتبوظ ويعزلهم كويس

٩- تروح تظبط زوايا وترصص وتراجع على الكاوتش بتاعك

١٠ - حاول ماتتنطش حاجه من دى بجد ... انا عارف ان الموضوع انا فتحتهولك جدا ... لكن صدقنى انا بقولك على الصح اوى واللى انا شخصيا بعمله مره واحده تقوم بعد كده تسافر بعربيتك وانت باذن الله مطمئن جدا وهتتبسط اوى من اجمالى العربيه بعد الصيانه دى

اخر حاجه بأحد عليك تانى ضرورى تقرا المواضيع بتاعت الفيكترا b ... هتتبسط اوى وهتتعلم كل حاجه وتعملها بنفسك كمان

أسف للاطاله ... هذا وبالله التوفيق

تسلم يا ا هيثم..

**haisam ali** · 20-09-2014 03:53 PM

المشاركة الأصلية كتبت بواسطة فادى محمد

تسلم يا ا هيثم..

تلاميذك ياكبير ... حبيبى

**haisam ali** · 20-09-2014 04:09 PM

المشاركة الأصلية كتبت بواسطة عماد

بشكرحضرتك جدا على المعلومات القيمة وعلشان كده هاطمع فى ان حضرتك تقولى على حد اعمل عنده كل الصيانة دى
( تكون واثق فيه )
وبالفعل هادخل واقرأ المواضيع

انا من رشيد ياغالى ومعنديش اى معرفه بالقاهرة ... هتستنى شويه معلش وهتلاقى كل أصدقاءنا هنا فى المنتدى بيعرفوك تعمل ايه بالظبط وعند مين .... ولو انى من النوع اللى بيفضل الميكانيكى اللى مش مشهور اوى يعملى المواضيع دى لان ده من الاخر شغل نظافه وعايز روقان وال صنايعيه الكبار بيبقى عندهم عيال صبيان مشغلينهم للحجات دى وبيبهدلوا الدنيا

فانت لو جنبك ميكانيكى مخه نظيف ودقيق اوى ونظيف عمليا وبيشتغل فى العربيات الجديده وخصوصا النوبيرا وكده والاوبترا واللانوس هيبقى عنده مبادىء لفهم الاوبل لأنهم قريبين شويه من بعض ... انت هتروح تشتريله حاجتك كلها وتخليه يفضى نفسه ساعت مغربيه كده وتعملوا كوبايتين شاى نظاف كده وأيدك على أيده فى كل حاجه وهوا بيعملها ولو لقدر الله وقفت على اى حاجه وانتوا شغالين أبعت هنا فى المنتدى واسأل وباذن الله تاخد الاجابه فوزيه من اى حد موجود هنا من اخواتنا وحبايبنا