الموضوع: نيسان سنترا 2015 و لا هوندا سيتي 2015

المشاركة الأصلية كتبت بواسطة a7m8n

اخى العزيز صاحب الموضوع
هو طبعا اسعار سيارات هوندا المبالغ فيها هى السبب فى وضوع السيتى مع السنترا فى المقارنه انما نيجى للمهم هو فعلا المفروض السنترا تقارنها بالسيفيك مش بالسيتى انما لو احنا عملنا المقارنه دى السيفيك تكتسخ السنترا من اول 10 دقايق فى المقارنه
انا حتكلم عن العربيه اللى انا ركبتها وعارفها وقعدت معايا 5 سنين وهى الهوندا سيتى الشكل اللى قبل الشكل الجديد
1- اعتماديه جدا جدا عربيه منعدمه المشاكل
2- اسعار الصيانات معقوله جدا قعدت 5 سنين بدفع فى الصيانه حوالى 400 او 500 جنيه ودمتم
3- معمره جدا الحاجات اللى اتغيرت على مدار 5 سنين البطاريه وتيل فرامل امامى وده اتغير على 60 الف
4- موتور جامد يقارن بمواتير كتير 1600 على الرغم من انه 1500
5-موديل 2014 او الشكل الجديد خاماته الداخليه احسن وكمان وده المهم العربيه اوسع من ورا ودى ملحوظه لفتت نظرى

دى وجهه نظرى فى الهوندا بمانى ركبتها وعارفها بالنسبه للنيسان انا مش حفتى روح انت اتفرج عليها مره واتنين وتلاته واحنا تحت امرك فى اى سؤال

الأمر لله من قبل و من بعد
شكرا جزيلا علي حسن تعاونك
انا اصلا بدور على عربية كويسة من فترة و مفيهاش مشاكل كبيرة
و انا من النوع اللي بحب اخد وقتي في التفكبر و بالي طويل اوي في موضوع الشراء عموما
يعني مش بحب اتسرع واخد قرار و ارجع اندم بعدين
انا شوفت السيتي الجديدة في التوكيل و عجبتني بس الصراحة انا مجربتهاش و كان ناقصها كامبرا خلفية
(اكيد التوكيل شايلها من المواصفات عشان مايضربش السيفيك لأن بره نازلة بكاميرا خلفية)
ما علينا
الخامات الداخلية و عزل الصوت دول اهم حاجة تهمني في العربية من جوة انا من طبعي مش بحب الدوشة و اعشق الهدوء
التسارع من الثبات برده مهم لكن مش ضروري السرعة العالية اخري 120-140 كم/س
احب اعرف منك برده اخبار العزل ايه و هل قل مع الوقت و لا فضل زي ما هو
دي الاسئلة اللي عندي دلوقت و لما افتكر حاجة حبقى اقولك
و شكرا لاهتمامك

السلام عليكم
السادة الأعضاء
هل هناك ميزة تحسب للسنترا فى إرتفاع السيارة عن الأرض خاصةً فى حالة تواجد أربعة أو خمسة أفراد داخل السيارة .
أرجو الإفادة بمعلومات دقيقة
خالص الشكر والإحترام لحضراتكم جميعاً