جلد قاعدة الموتور مقطوع

**msaeedsoliman** · 21-09-2014 12:45 PM

السلام عليكم،
عندي في الفيفوريت قاعدة الموتور اللي هي فوق علي الشمال و انت واقف قدام العربية، القاعدة جلدها مقطوع. و طبعا العربية بترج جامد و هي طالعة علي الاول. هل ينفع اشتري كاوتش بس و اركبه و لا القاعدة كاملة و تمنها كام؟ و اجيبها منين في اسكندرية.
كمان عاوز اغيرها بنفسي، ياريت الطريقة و لو فيه تقرير مصور او فيديو ياريت حد يحطه.
شكرا جزيلا مقدما.

**akmm** · 21-09-2014 02:02 PM

قاعده الموتور لاى سياره بتتغير بالكامل لان الكاوتشوك اللى فيها بيكون مكبوس بها ....................

**tamer0101** · 21-09-2014 02:58 PM

انا عندى فيفوريت بردة ومن اسكندرية ولسه كنت مغير القاعدة ال فوق بس غيرت طرومبة المياه كلها بالقاعدة الطرومبة الصينى فى صلاح الدين 140 جنيه وديه ال جبتها لانى ملقتش غيرها بس بعد كده عرفت ان فيه تركى 250 جنيه ومصنعية تغير طرومبة الماية من 50 الى 70 جنيه

**AHMED_FAYED_1** · 21-09-2014 03:15 PM

القاعده دي ديما بتتاكل
ممكن تغير القاعده تقريباً بين 25 و 30 جنيه
و اعتقد لازم عند ميكانيكي

**mourner87** · 21-09-2014 03:32 PM

انا لسه جايبها من عند ابوالحسن هو كان عنده صيني بس خلصان ب 40 بس اضطريت اجيب الاصليه بس شكلها ممتازه لاني كنت جايب الصيني بتاع الفتيس هي هي بس اصغر شويه المهم الاصلي ب 90 جنيه وطالما ما قيش مشكله في طرمبة الميه هاتغيرإا كلها ليه بس انا لسه ما ركبتهاش بس ان شاء الله هاركبها بنفسي لاني انااللي ركبت بتاع الفتيس

**msaeedsoliman** · 21-09-2014 05:15 PM

يا ريت يا استاذ mourner87 تعمل تقرير مصور لما تغيرها. انا هشتريها الاسبوع ده و هستني تقريرك عشان اركبها بنفسي ان شاء الله.

**ahmedvaio** · 21-09-2014 05:36 PM

قاعدة الموتور اللى فوق الجيربوكس فى الفيليشيا انا جبتها ب 20 جنيه و خراط لكبس القاعدة الجديدة و استخراج القديمة 20 جنيه و الميكانيكى 30 مصنعيه
اللى فى الشمال تقريبا 30 جنيه و خراط و ميكانيكى تقريبا نفس الاولى
انا جبت القاعدة من عند فلفل اللى فى الابراهيميه شارع ابوقير

**sakr_skoda** · 21-09-2014 06:32 PM

عادى جدا الجلدة بتبقى راكبة على طوق حديد وبتتكبس وادخل على موضوع حسن الشيخ وهو من الاسكندرية ونفس نظرية جلدة الفتيس هى جلدة طلومبة الميه***

http://www.nilemotors.net/Nile/416482-a.html