الموضوع: عايز اعمل عمرة موتور بنفسي ...ايه رايكم

المشاركة الأصلية كتبت بواسطة ahm662

والله انا نفسي اعمل كده .....طب لو السبيكة وحشة تتغير من غير ما البستم يخرج من مكانه

عادى السبيكة بتخرج بدون ان تحتاج الى اخراج البستم من الشميز على العموم بلاش نسبق الاحداث فك كارتيرة الزيت وامسك البيل حاول تحركة لو مبوش جامد يبقى سبيكة لو حاجة خفيفة جدا يبقى اصرف نظر كمان عن السبيكة**

قولى انتا خرجت الموتور من السيارة ؟؟؟؟

المشاركة الأصلية كتبت بواسطة ahm662

خرجت الموتور وشيلت الفتيس والفولام والكارتيره ....افك وش التقسيمة واغير الجوان بتاعه كمان ياريت لو تقولي الاولسيهات والجوانات باسماءها علشان اجيب ها بكرا و اغير ها

تمام كدا يبقى اختبر السبيكة زى ما قلت ليك قبل ما تفك****

ومادام الموتور خارج السيارة فممكن نعمل اختبار بسيط للشنبر وسطن البساتم كلها وحط عليها شوية زيت وسخ كل بستم فوقة شوية طبعا دا بعد ما تثبتة على شنبر كاوتش قديم وقعد الموتور واجعله فى حالة متساوية وبعد كدا حط الزيت على البساتم وسيب الموتور يبات اليل الصبح بص على الزيت بكهنة جففة شوية واقلب الموتور وبص كدا على جدارالشميز لما البستم يكون لأعلى لو فيه زيت مسيل يبقى الشنبر لازم يتغير لو الموضوع تمام ومافيش تسريب ولا ترشيح زيت الى اسفل يبقى مبروك الشنبر تمام**

الجوانات:
اولسية الكرنك الدخلى حيبقى اكبر من الخارجى***دا طبعا لو فيه ترشيح زيت تحت ترس الفلام وداخل حلة الفتيس**



اولسية الكرنك الخارجى بيقى اصغر** دا طبعا لو فيه زيت تحت طنبورة السير*

جوان كارتيرة الزيت***
جوان وش التقسيمة*دا لو فيه ترشيح زيت من وش التقسيمة*
جوان غطاء التاكيهاات***
طبعا جوان وش السلندر هات جوان دابل***

شغل عالى ربنا يوفقك

المشاركة الأصلية كتبت بواسطة Ahm662

جبت النهارده طقم جوانات كامل و حطيت الموتور و مليت شوية زيت وسخ على كل بستم للاختبار ......الحمد لله السبيكة تمام من الفحص النهاردة ربنا يكملها على خير و الشنبر كمان يطلع كويس ......بكرا باذن الله بعد الصلاة هاروح اشوف الزيت رشح ولا ايه الظروف وهاغسل المكنة بالكامل و اركب الجوانات و الاولسيهات بتاعت البلوكة بالكامل بس طلب صغير يا استاذ صبحى الزرجينة بتاعت الصبابات عايز مقاساتها بالظبط علشان اعمل زيها يوم السبت باذن الله و هل بتكبس السوستة كويس ولا ايه ظروفها ؟؟

مهو لو حضرتك قريت الموضوع ارفقت الرابط بتاعه سابقا كنت عرفت **

http://www.nilemotors.net/Nile/401108-a-2.html

وتستمر الابتكارات وكشف الاسرار

طبعا انا كان عندى مشكلة ازاى احرر يايات التاكيهات كلكم عارفين اليايات دى صلبة جدة وقوية فمن المستحل فكها بطريقة الضغط فسالت الميكانيكى فدلنى على طريقة الماسور والدق بالشاكوش فتطير التيل من مكانها وبذالك يتم تحرير الصبابات كلها وقد فعلتها بالفعل ولاكن عند اعادة التركيب مشكلة ظللت افكر طيلة يومين كيف سيتم واقوم بعدة محاولات وكلها فشلت فكان التحدى والصرار على اعادة التركيب دون اللجوء الى الميكانيكى الذى ان تملكنى اكلنى واكل الموتور ولم يبقى منا شيئا هههههههههههههههه**
فذهب الى محلات العدد الميكانيكية لاشترى زرجينة للقيام بهذا العمل فوجد البائع يعرض لى زرجينة سوست المساعدين وب 100 جنيه وشكلهم مش حينفع**

فعاد التفكير وسالت الاستاذ وليد والذى اطلق اشارة فسرعان ما اتقطها حيث قال ممكن تعملها بمسمار طويل فقط وسكتنا ولاكنى راعيت تلك البزرة حس الرعاية وذهبت افكر وكان عندى كوريك التى يعمل بطريقة المسمار الحلازونى فجربيت ولم افلح واخير توصلت للحل فقررت ان ارسم الفكرة على ورقة وصرت اطور من تلك الفكرة حتى وانا ذاهب الى ورشة الحداد
وهى انى اتيت بقطعة من حديد الكيرتيال كانت عندى فى البيت واخذت مقاس وش السلندر ومكان سنتر الصباب وقطعتها نصفين وتم ثقبها بقطر يسمح بتركيب مسمار وش السلندر الطويل طبعا دا علشان عندى المسامير متوفرة **
وتم اثبات سنتر الصباب بصمولتين كوبلن على تلك الشريحتين السفليى لصد الصباب من اسفل والثانية من اعلى الصباب وتم تفريغها للسماح لخلوص الصباب للخروج منها حتى يتم تركيب التيل وتثبيت الصباب**

وتم عمل تجربة عملية وفى لحظات تم فك وتركيب الصباب وتمت بنجاح وسلاسة جيدة جدا
الصور