عايز اعمل عمرة موتور بنفسي ...ايه رايكم

**sakr_skoda** · 28-09-2014 08:10 PM

المشاركة الأصلية كتبت بواسطة ahm662

اعتذر للانقطاع الفترة الماضية بس انا بقالي يومين ما بنامش بسبب مشاكل مواجهاني .....عملت زرجينة علشان افك الصبابات ولا حياة لمن تنادي مشعارف افك االصبابات وخايف افكها بالدق وما اعرفش اركبها تاني ...الحاجة التانية اولسيه الكرنك الداخلي مش عارف افكه و المسامير اللي براس مفك حوالين الاولسيه مش عارف افك ولا مسمار منهم ولا عارف اخزجه خالص والجوان بتاع كارتيرة الزيت ناشف جدافي حتت كتير مش عارف ازيلها ايه الحل بقا ولو وديت الوش للخراط يفك الصبابات ويغير الجلد ويعمل روديه يكلف كام ....ارجو الرد لاني عاجز عن التفكير

الزرجينة عبارة عن قطعتين كيرتال بطول تقريبا 40 سم لكل قطعة ولو اطول عادى المهم حتخرم من الاطراف وتركب مسمار طويل اى مسمار الفكرة ان بنلحم فى القطعة السفلية صامولة كوبلن علشان نلقى علىيها الصباب من اسفل والطرف الاعلى بنلحم صامولة كوبلن على نفس المقاس علشان يكونو قصاد بعض بس بعد ما تلحمها تفرغ علشان تدى فرصة للصباب يطلع والسوستة تنزل بتاعة التاكية حتحط الزرجينة تحزم بيها الوش قطعة سفلية تحت الصباب بالظبط والثانية اعلى تربط المسمار الى ان تجد الجهة المقبالة مفتوحة وقابلة للضغط عليها اضغط عليها حتلاقى التاكيه نزل والصباب خرج من الخرم اللى فرغناه وحولين منه التيل تشيل التيل وتسيب خلاص ونفس الطريقة حنركب**الزرجينة موجودة تحت امرك لو حد جاى من العاشر او بيسافر كل يوم ممكن ابعتهالك معاه**

بالنسبة لاولسية الداخلى انتا ليه عاوز تفك المسامير مش انتا فكيت ترس الفلام وبكدا الولسية باين امامك بحاجة رفيعة ازنك علية وخرجة والجديد بيركب كبس مكانة بس انا بصراحة معرفش برضو المسامير علشان مفتيش بس انا حقولك ازاى تفك اى مسمار مزرجن انك تدق علية خفيف وبعد كدا احكمه بمفك مناسب وقوى** ممكن تصورى الولسة لو سمحت؟؟*

بالنسبة لجوان الكارتيرة سكينة المطبخ يابوحميد او سكينة معجون او اى حاجة حادة نضف الكارتيرة **

**sakr_skoda** · 11-10-2014 09:07 AM

السلام عليكم ورحمة الله وبركاته

الراجل داAhm662 ياجماعه اختفى من فترة ووقف النقاش فى موضوعه وهو الذى تقف بجد انا عاوز اطمئن عليه وتعبت فى البحث عن رقم هاتفة ولم اجده فياريت لو حد من العشار من رمضان يعرف اى معلومات عنه يقولنا **

**sakr_skoda** · 13-10-2014 05:35 PM

المشاركة الأصلية كتبت بواسطة ahm662

وللاسف انا بدات دراسة الاسبوع ده وما عدتش هلاقى وقت انى اشتغل فيها ..............سبحان ربي اذا قضى كنت بقول هاخلصها ان شاء الله و اروح الجامعة بيها بس ربنا ما ارادش ..................متشكر جدا جدا يا استاذ صبحى على سوالك والاهتمام بالموضوع بس ربنا ما اراد لى انها تتم على خير

عادى ياحمد ياما اتقطم منا مسامير مش اول ولا آخر والحل سهل وبسط انشاء الله هات واحد بتاع لحام كريتال لحام كهربة يجيب الترنز معاه البيت وحاول تلحم مسمارمثلا12 فى الجزء اللى فى البلوكة وخلية يموت عليه لحام وبعد كدا حيفك معاك وتشترى مسمار تانى تركبة فى نفس المكان الوضوع مش قصة لو منفعش عادى اى خراط ممكن يخرج الجزء دا ببساطة***

**ahmedvaio** · 13-10-2014 11:58 PM

مايهمكش يا بطل و زى ما قال الاخ dragon1 انت اتعلمت بتمن العربية .. اهم حاجة انك تطرد الاحساس بسدة النفس دى لانك تقريبا وصلت لمرحلة نجاح .. انت لو فكرت بايجابية هتلاقى نفسك وفرت وقت و كملت بقية شغلك
انت عارف انا متأكد انك لو طلبت من اصدقاءنا فى المنتدى ان حد يعدى عليك و يساعدك و يحفزك هاتلاقى ناس كتير تيجى لك و الله يا ريتنى كنت جنبك ع الاقل كنت جيت حفزتك

**Ahm662** · 15-10-2014 02:59 PM

المشاركة الأصلية كتبت بواسطة sakr_skoda

عادى ياحمد ياما اتقطم منا مسامير مش اول ولا آخر والحل سهل وبسط إن شاء الله هات واحد بتاع لحام كريتال لحام كهربة يجيب الترنز معاه البيت وحاول تلحم مسمارمثلا12 فى الجزء اللى فى البلوكة وخلية يموت عليه لحام وبعد كدا حيفك معاك وتشترى مسمار تانى تركبة فى نفس المكان الوضوع مش قصة لو منفعش عادى اى خراط ممكن يخرج الجزء دا ببساطة***

الفكرة دى حلوة جدا جدا جدا .................انا بفكر اركن الشغل لحد اجازة نص السنة فعلا علشان عايز اعمل شنبر كمان ......مش لحاجة الموتور ..اشتريت شنبر من المحل الوحيد اللى بيبيع حاجة اسكودا فى العاشر من رمضان ب160 صينى vika ...ما علينا قولتلو هاخده منك ولو ما احتاجتش الشنبر هارجعهولك وهو قال ماشي بس ما تفتحش العلبة قولتله خلاص وهو كذلك وما ركبتوش جيت ارجعله العلبة زى ماهى قالى لا ماعنديش بضاعة بترجع وكان رده زبالة معايا ما ردتش عليه وكان والدى معايا قولت اندهله يتكلم معاه عشان ما يقلش ادبه معايا لقيته زاط مع والدى كمان انا كلتها وسكت بس مع والدى ماسكتش ما خلصش الخناقة دى الا ناس اتلمت من الشارع وكنت اما بتعامل معاه تحس انه مافيش باخلاقه اتنين فى الدنيا .............ما علينا دلوقتى عندى الشنبر و عايز اركبه بدل رميته فها ركن الموضوع لحد نص السنة وربنا المستعان

**Ahm662** · 15-10-2014 03:47 PM

المشاركة الأصلية كتبت بواسطة dragon1

يا حبيبي انا متابع الموضوع وكله يهون انت اتعلمت حاجه والله بتمن العربيه كلها انا متابع الموضوع من اوله ومش راضي اتدخل علشان الموضوع ده قيمه لوحده خساره اقطعه ولو حتى باي كلام بالنسبه للموضوع الموضوع لسه في ايدك ومنتهاش انت خلصت كتير ولو فضلت شهرين كل يوم سعتين مش هتقصر خليك ماشي زي منته ماشي وكمل احنا معاك وهتخلص سدقني بس متقفشي دلوقتي استاذنا الفاضل هيرد ان شاء الله عليك وكل حاجه ليها حل قول بس يارب ومين عالم يمكن بتشد معاك علشان تتعلم حجات جديده وبالناسبه انت في كليه ايه وسنه كام انا مبسوط ان في السن ده بدات تعمل حاجه رد واحنا مكملين معاك

والله يا باشا الناس اللي زي حضرتك هما اللي بيهونوا عليا الموضوع ....ان شاء الله هاكمل ودعواتكم معايا تتم علي خير

**Ahm662** · 15-10-2014 03:51 PM

المشاركة الأصلية كتبت بواسطة ahmedvaio

مايهمكش يا بطل و زى ما قال الاخ dragon1 انت اتعلمت بتمن العربية .. اهم حاجة انك تطرد الاحساس بسدة النفس دى لانك تقريبا وصلت لمرحلة نجاح .. انت لو فكرت بايجابية هتلاقى نفسك وفرت وقت و كملت بقية شغلك
انت عارف انا متأكد انك لو طلبت من اصدقاءنا فى المنتدى ان حد يعدى عليك و يساعدك و يحفزك هاتلاقى ناس كتير تيجى لك و الله يا ريتنى كنت جنبك ع الاقل كنت جيت حفزتك

الاحساس ده هو اللي وقفني كذا مرة لحد المسمار دا كان القشة التي قصمت ظهر البعير ......و متشكر جدا جدا لحضرتك ولاستاذ dragon 1 علي الدعم النفسي دا :D

-

-

الموضوع: عايز اعمل عمرة موتور بنفسي ...ايه رايكم

LinkBack

أدوات الموضوع

عرض

-

-

-

-

-

-

المواضيع المتشابهه

العربية تقريبا محتاجة نص عمرة او عمرة موتور ارجو المساعدة

اعمل عمرة ولا اشتري موتور جديد ؟ نصر 127

عايز رايكم اعمل ايه ؟!

عايز اعمل عمرة لرينو كليو 2003

اعمل عمرة للموتور ام اشترى موتور جديد

الكلمات الدلالية لهذا الموضوع

المفضلات

المفضلات

ضوابط المشاركة