بحصوص شراء شقة بالتجمع الخامس

**kar!m** · 22-09-2014 10:19 AM

المشاركة الأصلية كتبت بواسطة محمد عز

انا متابع

لأنى عايز اشترى شقة نفس طلبك بالظبط

من الاخر .. عشان أنا بقالي 3 سنين بدور على الانترنت و موصلتش لحاجه .. مينفعش تشتري شقة من معلومات على الانترنت .. هو الانترنت هيكون عامل مساعد بس لازم تنزل بنفسك .. هتلاقي عمارات جديدة .. اسأل فيها و شوف ايه النظام .. هتفهم يعني ايه شقة أمامية و خلفية .. هتروح مكان تاني هتفهم حاجات أكتر و هكذا.

هو الموضوع متعب شوية .. بس لو معملتش كده هتلاقي نفسك شاري شقة و هتكتشف ان في أحسن منها بكتير و أرخص بكتير.

**abd_el_7amid** · 24-09-2014 06:23 AM

المشاركة الأصلية كتبت بواسطة kar!m

تحفة طبعا .. يمكن هو اللي بعد هايد بارك و ماونتن فيو على طول .. مع ان جاليريا أفضل كموقع من وجهة نظري.

دی حقيقة فعلا

**محمد عز** · 24-09-2014 08:07 AM

انا اتصلت بجاليريا

المتر بيتراوح من 6600 الى 7800 حسب الموقع

بتدفع 20% والباقى على 5 سنين

الاستلام بعد 3 سنين ونص

والشقة بتسلمها على الطوب الأحمر !!!

لو عايز تشطبها بيشطبهالك وبيحسبلك المتر من 800 لحد 2000 حسب نوع التشطيب

انا شايف انها غالية

لانى بدور على سعر متر بحد اقصى 6500 ويكون متشطب

حد عنده فكرة عن الكمبوندات التانية واسعارها؟؟

**hitman235** · 24-09-2014 11:01 AM

انا بدور برضه على شقة محترمه يعنى اقل مساحه 150 متر فى كمبوند اقصى سعر 850..900 الف بالتقسيط على 5..6 سنين اقصى مقدم 250 الف
بفكر فى ماونتين فيو اكتوبر الجديد بس الفكره ان اكتوبر كمجتمع و مكان مش ارقى من التجمع حتى لو كان الكمبوند نفسه نضيف المستوى الاجتماعى للمدينه اقل من التجمع و ده مخلينى متردد غير ان مواصلاتها صعبه خصوصا المحور

**kar!m** · 24-09-2014 11:26 AM

ممكن تشوف كمبوند الأصالة جنب الجامعة الأمريكية .. سعر المتر 5800 جنية.

و في برضة كمبوند حياتي ريزيدنس في نفس السعر تقريبا .. بس خلاص تقريبا باقي عدد محدود من الشقق.

و في كمبوند الحرية بتاع بنك الاسكان و التعمير .. المفروض انهم بدأو حجز المرحلة التانية .. برضه ب 5500 تقريبا من غير تشطيب.

**محمد عز** · 24-09-2014 01:47 PM

ان اتصلت بمدينتى

الشقة 200 متر جاردن فيو متشطبة تشطيب عاادى بعضوية النادى ب 1,493,360 جنيه تقسيط 4 سنين ، استلام بعد 4 سنين

يعنى المتر تقريبا ب 7500 جنيه

**محمد عز** · 24-09-2014 01:48 PM

المشاركة الأصلية كتبت بواسطة kar!m

ممكن تشوف كمبوند الأصالة جنب الجامعة الأمريكية .. سعر المتر 5800 جنية.

و في برضة كمبوند حياتي ريزيدنس في نفس السعر تقريبا .. بس خلاص تقريبا باقي عدد محدود من الشقق.

و في كمبوند الحرية بتاع بنك الاسكان و التعمير .. المفروض انهم بدأو حجز المرحلة التانية .. برضه ب 5500 تقريبا من غير تشطيب.

كمبوندات صغيرة وتحسها عمارات حواليها سور مش اكتر ، فحاسس ان سعرها مبالغ فيه

**hitman235** · 24-09-2014 02:42 PM

المشاركة الأصلية كتبت بواسطة محمد عز

ان اتصلت بمدينتى

الشقة 200 متر جاردن فيو متشطبة تشطيب عاادى بعضوية النادى ب 1,493,360 جنيه تقسيط 4 سنين ، استلام بعد 4 سنين

يعنى المتر تقريبا ب 7500 جنيه

غاليه جدا
طيب فكرت فى ماونتين فيو اكتوبر ولا انت مركز على التجمع الخامس فقط؟
انا عايز اشترى فى التجمع برضه بس الاسعار عدت فوق امكانياتى الحقيقه

**egyptawy2010** · 24-09-2014 03:13 PM

المشاركة الأصلية كتبت بواسطة abd_el_7amid

دی حقيقة فعلا

انا دورت على النت ولقيت الشركة ده عاملة مشروعين فيلات قبل كده اعتقد مون 1 و2
والناس بتشتكى ان مافيش مرافق لحد الان

ياريت تتاكدوا كويس
ربنا يوفقكم

**محمد عز** · 24-09-2014 08:58 PM

المشاركة الأصلية كتبت بواسطة hitman235

غاليه جدا
طيب فكرت فى ماونتين فيو اكتوبر ولا انت مركز على التجمع الخامس فقط؟
انا عايز اشترى فى التجمع برضه بس الاسعار عدت فوق امكانياتى الحقيقه

الحقيقة انا بدور في القاهرة الجديدة ككل مش التجمع الخامس فقط، لكن أكتوبر مستبعدة تماما

الموضوع: بحصوص شراء شقة بالتجمع الخامس

LinkBack

أدوات الموضوع

عرض

-

-

-

-

المواضيع المتشابهه

شقة بالتجمع الخامس 64 متر

شقة بالتجمع الخامس

شقة بالتجمع الخامس 64 متر

شقة بالتجمع الخامس 64 متر

فرصة شقة بالتجمع الخامس

الكلمات الدلالية لهذا الموضوع

المفضلات

المفضلات

ضوابط المشاركة