تصقيف مع البنزين

**bedo84** · 21-09-2014 07:53 PM

السلام عليكم ورحمة الله

انا عندي مشكلة صوت تصقيف بسمعه لما بزود بنزين علي جميع النقلات او في السلانسيه بس تزود مره واحده ورحت التوكيل فرع القطاميه طلع مهندس سمعته الصوت احتار فيه ودخل جاب مهندس تاني زود بنزين سمع الصوت قالي دا عيب بنزين قولتله دا مش هياثر عالموتور قالي لا مع العلم أني بمون من بنزينه وطنيه عالوول ومن نفس البنزينه وعمري مشتكيت من البنزين ،، المشكلة دي حصلت معايا قبل صيانة العشرين وراحة بعد تغيير ألبوجبهات ومحستش بيها تاني الا دلوقتي عند 26000 ، تفتكرو عيب ايه والتصرف ازاي من فضلكوا ،،

**adel_edrees** · 22-09-2014 12:50 AM

أنا مش عايز أقوللك غير البوجيهات و جبها ثلاثية و غير السلك بتاع البوجيهات و روح لهم في التوكيل و قوللهم أنا عايز أنضف دورة البنزين و أمشى لحد ما تلاقى التنك قرب يفضى و أملاه من محطة بنزين مختلفة و أشترى منظف لدورة البنزين مع العلم أن ده بنسبة 99 % عيب كهربا علشان كده غير البوجيهات دنسو -ngk -bosch دول احسن حاجة و كان في كلام عن البوجيهات ألبلاتنيوم و الأيراديوم و كلام كبير أوى يصعب على مثلى فهمه أنا شايف أن ده عيب بوجيهات

**bedo84** · 22-09-2014 05:23 AM

المشاركة الأصلية كتبت بواسطة adel_edrees

أنا مش عايز أقوللك غير البوجيهات و جبها ثلاثية و غير السلك بتاع البوجيهات و روح لهم في التوكيل و قوللهم أنا عايز أنضف دورة البنزين و أمشى لحد ما تلاقى التنك قرب يفضى و أملاه من محطة بنزين مختلفة و أشترى منظف لدورة البنزين مع العلم أن ده بنسبة 99 % عيب كهربا علشان كده غير البوجيهات دنسو -ngk -bosch دول احسن حاجة و كان في كلام عن البوجيهات ألبلاتنيوم و الأيراديوم و كلام كبير أوى يصعب على مثلى فهمه أنا شايف أن ده عيب بوجيهات

شكرًا يا باشا وانا هرجع للتوكيل تاني ،، بس عايز معلومات عن منظف دورة البنزين نوعه واستخدمه أمتي بالضبط والكميه وهيأثر علي ضمان العربيه ولا لا ولو عيب بوجيهات هما يغيروه في التوكيل انا دافع الف جنيه في صيانة العشرين قريب ومش هدفع تاني في بوجيهات بره التوكيل ولك جزيل الشكر ،،

**bedo84** · 22-09-2014 05:26 AM

المشاركة الأصلية كتبت بواسطة ahmedeg1

استاذعادل انا بختلف مع حضرتك ده عيب بنزين لان الينزين فى البلد بقى مغشوش مخلط و نصيحه من اخ بلاش البوجيهات ال ngk لنها غير متوافقه مع موبينة العربيه و على المدى البعيد ممكن تضرب ربع و تخلى العربيه متلته

انا شكك في ألبوجبهات بس مش قدر احدد لان البنزينه دي بتعامل معاها من زمن ومحدش اشتكي منها بنزينه وطنيه زهراء مدينة نصر وأشكرك للاهتمام ،،