لكل مشكله و ليها حل ادخل و شارك

الاخوة الكرام

كلنا نحن المساكين اصحاب السيارات المقهورين من المؤكد ان كل واحد قابلته مشكله في يوم من الايام مع سيارته و كلنا طبعا وديناها للدكتور اي ان كان التخصص ( باطنه - انف و اذن - جراحه ) يعني ميكانيكي - كهربائي او سمكري

لكن اكيد في مشكلات لو حصلتلك و انت في الطريق الصحراوي مثلا هانتصرف فيها ازاي

هذا الموضوع محاوله لحصر الاشياء اللي لازم تتشال معاك في صندوق العده

انا هابدأ بمشكلتين و انتوا تكملوا بقي مااااااااااااشي ؟؟؟


الاولي : ناويت اسافر اصيف عادي يعني
التوقيت : 4 صباحا
الفعل : دور العربيه و سخن تمهيدا للسفر
المشكله : لمبه الدينامو مش بتنور
النتيجه : البطاريه هاتفضي و ابقي قابلني لو دارت و انت و حظك بقي هاتقف فين

العلاج : الدينامو بيخرج منه فردتين - واحده ارضي يعني لجسم العربيه
و التانيه اكيد طبعا لموجب البطاريه

المطلوب : تعريه السلك ووصله بداوية فيها لمبه 12 فولت و طرف الداويه التاني للموجب و العربيه مبطله طبعا - هتلاقي اللمبه نورت - هييييييييييييييييييييه - و بعدين ؟؟؟

دور العربيه - هتلاقي اللمبه طفت - بجد ؟؟؟ اه والله هاتنطفي

طب و لما اطفي العربيه هايحصل ايه ؟؟؟

اللمبه هاتنور طبعا يبقي لازم افصل اللمبه عشان البطاريه ماتفضاش

و هذا العلاج مؤقت لحد مانوديها للدكتور الكهربائي يكشف كشف شامل

و اشوفكم في المشكله التانيه في المشاركه التاليه


سلاااااااااااااااااااام

ايه يا جماعة مفيش حد صادفته مشكله ؟؟؟

المشكلة: ديسك و اسطوانة علي الدائرى
الحل: لازم يكون معاك رقم ونش انقاذ و الهوك بتاع القطر و ربنا ما يوريها لحد

الاخ الكريم

نعم هي مشكله لكن هل ليها حل تاني - الحمد لله لم تمر معايا

نعرف لو حد من الاخوة عدي عليه الموضوع دا ؟ و تصرفه ايه ؟

و اشكرك أ/ يس علي المشاركة

اقتباس:

---

المشاركة الأصلية كتبت بواسطة khaled_k21

الاخوة الكرام

كلنا نحن المساكين اصحاب السيارات المقهورين من المؤكد ان كل واحد قابلته مشكله في يوم من الايام مع سيارته و كلنا طبعا وديناها للدكتور اي ان كان التخصص ( باطنه - انف و اذن - جراحه ) يعني ميكانيكي - كهربائي او سمكري

لكن اكيد في مشكلات لو حصلتلك و انت في الطريق الصحراوي مثلا هانتصرف فيها ازاي

هذا الموضوع محاوله لحصر الاشياء اللي لازم تتشال معاك في صندوق العده

انا هابدأ بمشكلتين و انتوا تكملوا بقي مااااااااااااشي ؟؟؟


الاولي : ناويت اسافر اصيف عادي يعني
التوقيت : 4 صباحا
الفعل : دور العربيه و سخن تمهيدا للسفر
المشكله : لمبه الدينامو مش بتنور
النتيجه : البطاريه هاتفضي و ابقي قابلني لو دارت و انت و حظك بقي هاتقف فين

العلاج : الدينامو بيخرج منه فردتين - واحده ارضي يعني لجسم العربيه
و التانيه اكيد طبعا لموجب البطاريه

المطلوب : تعريه السلك ووصله بداوية فيها لمبه 12 فولت و طرف الداويه التاني للموجب و العربيه مبطله طبعا - هتلاقي اللمبه نورت - هييييييييييييييييييييه - و بعدين ؟؟؟

دور العربيه - هتلاقي اللمبه طفت - بجد ؟؟؟ اه والله هاتنطفي

طب و لما اطفي العربيه هايحصل ايه ؟؟؟

اللمبه هاتنور طبعا يبقي لازم افصل اللمبه عشان البطاريه ماتفضاش

و هذا العلاج مؤقت لحد مانوديها للدكتور الكهربائي يكشف كشف شامل

و اشوفكم في المشكله التانيه في المشاركه التاليه


سلاااااااااااااااااااام

---

دا مش حل ولا حتي مؤقت
كل اللي حصل عملت لمبة تست خارجيه نورت وطفت
لا شفت فيوزات ولاشيكت علي الكابلات والترامل و سير الدينامو

اقتباس:

---

المشاركة الأصلية كتبت بواسطة khaled_k21

الاخ الكريم

نعم هي مشكله لكن هل ليها حل تاني - الحمد لله لم تمر معايا

نعرف لو حد من الاخوة عدي عليه الموضوع دا ؟ و تصرفه ايه ؟

و اشكرك أ/ يس علي المشاركة

---

الاخ الكريم

طبعا ملهاش حل مباشر لكن بيكون ليها علامات زى مثلا لما تعدي ال80 الف كيلو (العربيات المانوال) و اول ما تبدأ دواسة الدبرياج تهبط لتحت و كمان لما تدوس بنزين و انت و اخد غيار تلاقى عداد الار بى ام بيعلى لوحده (كده الديسك بيودع) بتكون دى علامات نهاية الديسك و الاسطوانة و البلية و لازم الحاجات دى تتغيير فورا و مفيهاش هزار.

مرة تانية بشكرك علي التوبيك ده و تحياتى لحضرتك.

حسب ما انا فاهم ان ده هو ده اختبار سريع ان الدينمو بيشحن البطارية و عشان كده لما بتدور اللمبة بتفصل و لو دورت و اللمبة مفصلتش فده معناه ان الدينامو مش بيشحن و البطارية حتمشيك شوية لحد ما تخلص شحن.

انا فاكر مرة نفس العلقة دي حصلت مع بابا اللة يرحمه علي الصحراوي و الدينامو كان باظ منه و قضاها شحن تونجر على الطريق من البنزينات لحد ما وصل اسكندرية و تاني يوم راح صلح الدينامو عند الكهربائى فى اسكندرية.

اقتباس:

---

المشاركة الأصلية كتبت بواسطة mecha

دا مش حل ولا حتي مؤقت
كل اللي حصل عملت لمبة تست خارجيه نورت وطفت
لا شفت فيوزات ولاشيكت علي الكابلات والترامل و سير الدينامو

---

الاخ الكريم
اولا : اشكرك علي ردك الكريم

ثانيا : و ان كان تفسير حضرتك للحل دا هو مجرد لمبه تست احب ااكد لسيادتك اني مشيت بالحل دا لمده لا تقل عن 3 اسابيع مجرد كسل مني اني اروح اعمل الكشف عندي الكهربائي و دا لان عندي في الانشيا امبير بيبين مستوي الشحن و لو كان مجرد لمبه تست يبقي النتيجه ان البطارية مش هاتشحن و عايز ااقول لسيادتك كمان ان اللي خلاني ماشي بيها كده 3 اسابيع اني سافرت بيها من اول المشكله من القاهرة للاسكندرية ثم مرسي مطروح و العوده للقاهرة و لو كانت مجرد لمبة تست يبقي اكيد عمري ما كنت هاوصل للرست بالمفهوم انها لمبه تست .

ثالثا : انا قولت التوقيت كان 4 صباحا و مضطر انك تسافر او لو حصل انك في مكان بعيد .

رابعا : لو كان كل اللي حضرتك ذكرته من فيوزات او كابلات او سير دينامو و انت في الصحراوي مثلا
السؤال هنا لو كان السبب من دول يا تري برضة ( اللمبه التست هاتنور ؟؟؟ )

خامسا : لما روحت للكهربائي لاقي ان التوصيلات من الارضي متبهدلة و تم تغييرها و الحمد لله

عموما اشكر لسيادتك المشاركة

و نتمني منك المشاركة بمشكله شخصية و حلها

اقتباس:

---

المشاركة الأصلية كتبت بواسطة yassinhaitham

حسب ما انا فاهم ان ده هو ده اختبار سريع ان الدينمو بيشحن البطارية و عشان كده لما بتدور اللمبة بتفصل و لو دورت و اللمبة مفصلتش فده معناه ان الدينامو مش بيشحن و البطارية حتمشيك شوية لحد ما تخلص شحن.

انا فاكر مرة نفس العلقة دي حصلت مع بابا الله يرحمه علي الصحراوي و الدينامو كان باظ منه و قضاها شحن تونجر على الطريق من البنزينات لحد ما وصل اسكندرية و تاني يوم راح صلح الدينامو عند الكهربائى فى اسكندرية.

---

الاخ الكريم

اشكرك علي الرد و المشاركة و رحمه الله علي والدك

هو ليس اختبار بالمعني الكامل بل هو بالمعني اللي انا فاهمه انك بتعمل كوبري بيتجاوز دخول الموجب للمبه الطابلوه و الفيوزات و كل انواع الحماية للدينامو و البطارية

و في المشاركه السابقه انا كلمت الكهربائي و قولتله انا سافرت اسكندرية و لسه مكمل لمرسي مطروح قالي تمام كمل و لا تقلق و الحل دا مش انا اللي اخترعته لكن لما كنت فكيت الطابلوة عشان كان عداد السرعة محتاج يتظبط و لاقيته عمل الكوبري دا و لما سالته ليه قالي عشان البطارية ماتنامش منك

و اللي انا قولته اني مشيت بيها كده اكتر من 1300 كيلو و الحمد لله البطاريه مانامتش و لا حتي اخدت تعسيلة - كتر خيرها و اللي كان بيبنلي مستوي الشحن زي ما قولت ان الانشيا فيها عداد لمستوي الشحن
و عداد لدرجه حرارة الزيت و دي مهمه كمان اوي

و في المشاركة القادمة إن شاء الله سيكون عن الحرارة

و لكم جميعا جزيل الشكر

اقتباس:

---

المشاركة الأصلية كتبت بواسطة khaled_k21

الاخ الكريم
اولا : اشكرك علي ردك الكريم

ثانيا : و ان كان تفسير حضرتك للحل دا هو مجرد لمبه تست احب ااكد لسيادتك اني مشيت بالحل دا لمده لا تقل عن 3 اسابيع مجرد كسل مني اني اروح اعمل الكشف عندي الكهربائي و دا لان عندي في الانشيا امبير بيبين مستوي الشحن و لو كان مجرد لمبه تست يبقي النتيجه ان البطارية مش هاتشحن و عايز ااقول لسيادتك كمان ان اللي خلاني ماشي بيها كده 3 اسابيع اني سافرت بيها من اول المشكله من القاهرة للاسكندرية ثم مرسي مطروح و العوده للقاهرة و لو كانت مجرد لمبة تست يبقي اكيد عمري ما كنت هاوصل للرست بالمفهوم انها لمبه تست .

ثالثا : انا قولت التوقيت كان 4 صباحا و مضطر انك تسافر او لو حصل انك في مكان بعيد .

رابعا : لو كان كل اللي حضرتك ذكرته من فيوزات او كابلات او سير دينامو و انت في الصحراوي مثلا
السؤال هنا لو كان السبب من دول يا تري برضة ( اللمبه التست هاتنور ؟؟؟ )

خامسا : لما روحت للكهربائي لاقي ان التوصيلات من الارضي متبهدلة و تم تغييرها و الحمد لله

عموما اشكر لسيادتك المشاركة

و نتمني منك المشاركة بمشكله شخصية و حلها

---

اهلا اهلا
كدا حضرتك وضحت شويه
اللي انت عملته انك غذيت الدينامو بطريقه مباشره وتعديت الكونتاكت والفيوز بوكس
والسلكه اللي تقصدها رفيعه حوالي ٣مم
كل دا جميل ومجهود ممتاز:S_thum1[1]::S_thum1[1]:

اقتباس:

---

المشاركة الأصلية كتبت بواسطة mecha

اهلا اهلا
كدا حضرتك وضحت شويه
اللي انت عملته انك غذيت الدينامو بطريقه مباشره وتعديت الكونتاكت والفيوز بوكس
والسلكه اللي تقصدها رفيعه حوالي ٣مم
كل دا جميل ومجهود ممتاز:s_thum1[1]::s_thum1[1]:

---

الاخ الكريم

اشكر لسيادتك الرد و التوضيح و تقريبا هو دا اللي عملته اني تخطيت الحواجز الطبيعيه

و اللي انا فاهمه كمان انك لازم تحط في التوصيله لمبه لسببين :

1- معني اللمبه تنور يبقي واخده طرف ارضي من الدينامو و لما توصلها بالطرف الموجب للبطاريه بتنور و دا معناه ان الدينامو هنا مجرد موصل جسم العربيه بالطرف التاني الللي المفروض انه بيطلع موجب و بكده نستنتج انه ما ينفعش التوصيل مباشرة و الا هايحصل قفله

2- ان وجود اللمبه عامل مهم جدا ليه ؟؟؟
لان التنجستين بتاع اللمبه بيشتغل كمقاومة و ان كانت بسيطه لكن كمان بتشتغل كانها فيوز لن لو التيار اللي بيمر منها عالي جدا او بمعني ادق الامبير اعلي من احتمالها فاكيد التنجستين هايتقطع و اعتقد انها كده بتادي دور الفيوز.

و ننتظر من الاخوة الاضافه

ياريت اى حد يكون مختص فى كهرباء السيارات يفيدنا فى الموضوع دة . لانى بصراحه شايف ان موضوع اللمبه دة هو مجرد اختبار للدينامو فقط خاصه ان حضرتك ذكرت ان العيب هو عدم إضائه لمبه الدينامو وليس عدم اغلاق إضائتها مع دوران المحرك . ثانيا الكهربائى قال لحضرتك تكمل علشان لمبه الاختبار لما تنطفئ دة معناة ان الدينامو له خرج وصل مقدارة انه يقاوم فولت البطاريه ( يعنى الدينامو مش قاطع خالص ) شغال و اكيد هيشحن مع ذيادة عدد لفات الموتور خاصه فى السفر .
لكن بصراحه موضوع اللمبه تشتغل مقاومه و فيوز دة كلام غير صحيح من وجهه نظرى وخاصه ان اللمبه تتحرق لما يعلى عليها الفولت مش الامبير .
وشكرا جزيلا لصاحب الموضوع . و أسف انى عارضته فى الرأى بس دى وجهات نظر ( الاختلاف فى الرأى لا يفسد للود قضيه ) .

الاخ الكريم

اود ان اشكرك علي مشاركتك الجميله و لا احب انك تبدي الاسف مطلقا علي معارضتك لاي راي لان الموضوع للحوار و التجربة التي نمر بها في اي مشكلة قد تحتمل الخطأ او الصواب لكن تعالي نناقش كل نقطه و انا ارحب بمعارضة سيادتك في اي وجه نظر

1- ما معني اختبار للدينامو ؟؟
الاختبار هو معرفه الشئ يعمل او لا يعمل صح ؟؟؟
اذا متفقين علي انها لمبه اختبار و الدينامو و الحمد لله قد اجتاز الاختبار يعني شغال و الدليل ان اللمبه انطفئت

طيب لما هو شغال يبقي اكيد بيطلع شحن - يعني فولت و امبير - و لانه موصول بجسم السياره يبقي عندنا طرف تاني اللي هو الموجب و بيتوصل عن طريق اللمبه مباشرة للبطارية يعني معني كده انه بيشحن

و سبق و ان شرحت ان في سياره الانشيا امبير زي عداد السرعه مقسم بارقام ( 0 - 12 - 15 ) ليبين مستوي الشحن و كان الحمد لله طوال الـ 1300 كيلو ثابت علي 12 فولت حتي مع الاضائة الليليه .
يعني اكيد بيشحن و مستوي الشحن ثابت ( بالاضافة الي اني كنت بافحص اللمبة الخضرا بتاعة البطارية و كانت خضرا علي طول.

طيب نيجي لنقطه مهمه حضرتك ذكرتها ان اللمبه مش بتنور في الطابلوه اصلا يعني بدون حتي دوران المحرك و دا معناه ان مفيش توصيل بين الطرف الموجب للدينامو و البطارية و كمان لما ادور العربيه الاقي مؤشر الشحن قرب من الصفر مما يعني انه لا يوجد شحن و السياره تعمل علي البطارية فقط .

فيه بقي حاجه مهمه كمان حضرتك قولتها : ( ثانيا الكهربائى قال لحضرتك تكمل علشان لمبه الاختبار لما تنطفئ دة معناة ان الدينامو له خرج وصل مقدارة انه يقاوم فولت البطاريه )
هانفترض وضعيه تانيه و هي عمل نفس التوصيه بدون لمبه - ماذا سيحدث ؟؟؟
شرز او قفله او ربما احتراق في اجزاء من الضفيرة طب نفكر ليه لمبه و ليه بتنور اصلا ؟؟

اللمبه بتنور في حاله واحده انها تاخد سالب و موجب غير كده مستحيل تنور طبعا

يبقي معتي انها تنطفي لما بتدور المحرك يبقي معناه انها مش واخده غير تيار واحد و هو طبعا الموجب
مما يدل ايضا علي ان الكتاوت الخاصة بالدينامو تعمل و الا لن تنطفئ اللمبة .

طب لو الكتاوت ايه لازمتها ؟؟ تنظيم الفولت و الامبير لما يحس ان البطارية مش محتاجه بيفصل عنها الدينامو صح و الا غلط ؟؟؟ - طيب هانفترض بقي ان الفولت او الامبير علي مره واحد نتيجه هبوط حاد في اداء الكتاوت يعني بيقي يطلع 15 فولت مثلا هل تعتقد ان اللمبه ستتاثر ؟؟؟
اعتقد عقليا لا - لكن علميا اعتقد اه هاتتاثر - طب ايه الدليل العلمي علي كده

لو حضرتك جبت افوميتر و قيست اي لمبه علي اختبار المقاومات - من المؤكد انك هتلاقي كل لمبه و ليها مقاومه للتيار تختلف من واحده لاخري - طيب اي مقاومه ليها حد اقصي و بعدين تتحرق و دا اللي انا متوقعه لو زاد الشحن - عشان كده انا قولت انها علي ما اعتقد انها تعمل كفيوز

( خاصه ان اللمبه تتحرق لما يعلى عليها الفولت مش الامبير )

هنا خطا في كلام حضرتك - ليه بقي ؟؟؟ - لان احنا اتفقنا في اول الكلام ان بعد انطفاء اللمبه و دوران المحرك - هنا لم تعد تعمل كلمبه مطلقا و الدليل انها مش منورة و اصبحت مجرد موصل للموجب و تحولت بشكل كامل الي سلك توصيل ذو مقاومه .

كمان فيه حاجه هات لمبه 12 فولت من لعب الاطفال و شغلها علي بطارية السياره و شاهد ماذا سيحدث لها - انا معاك ان الاحتمال الاكبر لاحتراق اللمبه هو علو التيار لكن احب اضيف ان اللمبات بتسخن نتيجه ارتفاع الامبير و جرب كمان تجيب لمبه السيارة و شغلها علي 12 فولت من محول ذو نصف امبير و لاحظ درجه السخونه في الحالتين .

و هاتشتغل فيوز لانها مقاومة ليس الا .

عموما كل ما سبق هو اجتهادات خاصة تحتمل الصواب او الخطأ

و اشكر كل من شارك و سيشارك

الاخ الفاضل خالد
اولا : شاكر ليك حسن اخلاقك و تقبلك للنقد وهو شئ اصبح مفتقد فى هذا المجتمع وهو مايدل على شخصيه محترمه وذات خلق عالى .
وثانيا : نفسى فعلا ان يقوم بالرد مهندس كهرباء او مهندس متخصص فى السيارات ويقوم بشرح كامل دائرة الشحن . خاصه ان الواحد دلوقتى مش فاكر هو أكل ايه امبارح ( الزهايمر بقى من الاكل فى الالومنيوم ) .
ثالثا : كويس اننا اتفقنا على انها لمبه اختبار لحاله عمل الدينامو و ان الدينامو إجتاز الاختبار . اى انها لم تكن الاصلاح الفعلى لعطل الدينامو الذى هو عبارة عن تأكل فى الاسلاك . أعتقد بيها او بدونها كان الدينامو هيتصرف نفس التصرف .
ورابعا : هو على حسب معلوماتى وخبرتى ( مهندس ميكانيكا باور ( غلايات ) واصلا خريج صنايع قسم سيارات ) فإن اللمبه تتحرق لما يعلى عليها الفولت مش الامبير لا هى هتسحب الامبير اللى محتاجاة فقط والدليل على كدة انك ممكن توصل نفس هذة اللمبه على البطاريه مباشرة بكامل امبيرها والنتيجه استمرار إضاءة اللمبه حتى نفاذ شحن البطاريه .
خامسا : انا بنصح اى حد ( وطبعا باب النجار مخلع ) بإن لما بطاريه عربيته تتلف و هيشترى بطاريه بأنه يجيب بطاريه دييب سايكل Deep cycle من أى نوع ( بدون ذكر انواع علشان ما يبقاش إعلان ) ودى بأذن الله لو مسافر السعوديه بالعربيه والدنامو قاطع خالص بردة هتوصل وهتشغل النور والكاسيت وكل حاجه . هى بس غاليه شويه لا شويتين .
وشكرا جزيلا .

الاخ الكريم / م. عمرو

اولا : احب اشكر لسيادتك ذوقك الرفيع و الذي ان دل علي شئ فسوف يدل علي تربيه عاليه و اخلاق ما شاء الله عليها .

ثانيا : و انا ايضا و الله نفسي يكون فيه مكان للمنتدي يكون فيه شرح لاجزاء مهمه في السيارة منها دائرة الشحن و غيرها طبعا لكن علي وعد باني سوف ابحث مع عمو الجوجل عن مثل تلك الامور .
و بعدين يا باشا انت لسه شباب علي الزهايمر دا ( بعد الشر عليك طبعأ )

ثالثا : و علي فرض الاتفاق علي انها لمبه اختبار - اتفق مع سيادتك انها ليست الاصلاح الفعلي و لكن كما ذكرت في اول مشاركه هي مجرد حل مؤقت لحين الذهاب الي دتكور الانف و الاذن و الحنجرة .
لكن هل تعتقد انه بدون هذا الكوبري ( االمبه ) هل يمكن ان يعمل الدينامو و البطاريه تشحن ؟؟
بل اعتقد انه سيحدث اسوء من ذلك لو انا لم اوصل هذا الكوبري ( احتراق الكتاوت و هو مالا يحمد عقباه )

رابعا : مقدرش اعافر و اناقر في موضوع الامبير و الفولت لاني محتاج راي خبير كهربائي و لحين الفت في هذا الموضوع اتفق معاك لحين ظهور العكس او اثبات كلامك .

خامسا : نصيحه ممتازة طبعا لكن علي المستوي الاقتصادي الحالي اعتقد ان معظم ملاك السيارات بيفكروا في شراء عجل او اسكوتر .

سادسا و دا بقي الاهم :

كل عام و سيادتك و كل الاعضاء بخير

المشكله التانيه :-

و انت ماشي في الطريق علي باب الله لا بيك و لا عليك

امبير الحرارة يقفز للتسعين تبصله باستغراب شويه

يتحداك و يكمل المشوار و متجه للـ 100

قلبك يدق و الاعصاب تسيب هاتعمل ايه دي مصيبه !!!!


ننتظر الاجابات و بلاش نبص في ورقة اللي جنبك

بعض الاسباب هي:

1. الماية ناقصة من غير اعراض تانية وطبعا قبل ما تشيك لازم تركن و تبرد الموتور الأول كويس و بعدين تدور و تزود و اوعي تزود مياة و انت مبطل علشان العربية ما تجبش وش سلندر.
2. في حالات كتيرة بيكون السبب وصلة خرطوم كاوتش مقطوعة من مكان الرباط و لو الخرطوم ابن حلال مش غلس فحضرتك بتبطل الموتور و تسيبه يبرد شوية و بعدين بتاكل من الخرطوم العقلة اللي فيها قطع بالكتر أو بنسة و بعدين تربط الجوان و تزود مية و انت مدور و تشوف لسة فيه تسريب و لا لأ.
3. ممكن المروحة تكون مفككوكة أو ترموستات الكوعة مبيفتحش و دا نادر يبقي اما تطلب ونش أو تسوق علي مراحل (اركن-برد-دور-اركن و هكذا) علشان العربية متسخنش منك لحد أقرب ميكانيكى.

و شكرا لأحياء الموضوع و نفسى رجالة فيات برضه تشارك.

الاخ الكريم أ / ياسين
اود اولا ان اشكر سيادتك علي شكرك لاعاد فتح الموضوع و الذي اعتقد انه من المفترض ان يكون من اكثر المواضيع سخونه نظرا لما قد يحتوي علي عديد من المشاكل الشخصيه التي تقابلنا و اضطررنا لحلها باي وسيله و بذلك سيكون المضوع شبه مرجع لاعطال خارجه عن الارادة و كيف يمكن التصرف فيها

ثانيا : انا مع سيادتك في كل كلمه حضرتك ذكرتها و بما ان سيادتك تقريبا جيبت كل الاحتمالات تقريبا و ربما ينقصنا احتمال آخر ربما يكون بعيد و هو ان طلمبه الميه قد توقفت او اصابها عطل ما او حتي بتكون بتسرب
لكن خلينا نتناول كل احتمال و محاولة علاجه

و اسمحلي اقتبس من كلام سيادتك الاتي :

1- وطبعا قبل ما تشيك لازم تركن و تبرد الموتور الأول كويس
( تتراوح الفترة الزمنيه ما بين 10 دقائق الي 20 دقيقة طبقا للصيف او الشتا )


2- في حالات كتيرة بيكون السبب وصلة خرطوم كاوتش مقطوعة من مكان الرباط و لو الخرطوم ابن حلال مش غلس فحضرتك بتبطل الموتور و تسيبه يبرد شوية و بعدين بتاكل من الخرطوم العقلة اللي فيها قطع بالكتر أو بنسة و بعدين تربط الجوان و تزود مية و انت مدور و تشوف لسة فيه تسريب و لا لأ.

( طبعا دا كلام مظبوط جدا و يتم بالكشف عن طريق النظر في الحوض و من اسفل الحوض لاكتشاف اي مصدر تنقيط او مياه تحت الحوض )


3- ممكن المروحة تكون مفككوكة أو ترموستات الكوعة مبيفتحش و دا نادر يبقي اما تطلب ونش أو تسوق علي مراحل (اركن-برد-دور-اركن و هكذا) علشان العربية متسخنش منك لحد أقرب ميكانيكى.

( المروحه تكون مفكوكة اعتقد ان حضرتك تقصد التوصيلات الكهربائية و دا هايتم بالرجوع الي الاسلاك الموصلة للمروحه و هانستبعد ترموستات الكوعه في حاله واحده ان الخرطوم اللي خارج منها يجب بالضرورة ان يكون ابرد من باقي الخراطيم و بكده هايبقي الشك منحصر في الكوعه )


لكن خللينا نضع فرضيه اخري لم تضعها في الحسبان و اعتقد انها بتكون اساس المشكله بنسبه لا تقل عن 60% الي 80% و هي ترموستات الحرارة ( نظرا لعدم وجود قطع غيار متقنة في الوقت الحالي )

اذا ركنا لاقينا فيه ميه في القربه - مفيش وصلات مقطوعه - الكوعه طلعت براءة

نعمل ايه و قلنا قبل كده بلاش نبص في ورقه اللي جنبنا


ننتظر المزيد

أستاذ خالد

انا بشكر حضرتك جدا على ذوقك و روحك الايجابية اللي قلت قوى فى قسم الفيات بعد ما كان من انشط الأقسام.

حاجة تانية احب اضفها لأنها حصلت معايا شخصيا اوعي تحط نوع مياة غير موصى به و علي سبيل المثال مية خضرا بدل الحمرا لأ ده ادي لعمل سدد في مجارى المية في الريداتير و اضطريت اسلكه عند واحد بتاع ريداتير و الحمد لله انها جت علي قد كده.

محدش يسمع كلام حد من بتوع البنزينات الله يكرمكم بتوع الكشف المية و الزيت دول لأنهم ممكن يودوك في داهية عن قصد او جهل يقولك نغسل و يدلقلك أى حاجة و الازازة بكذا.

الاخ الكريم

شكرا لذوقك و كلماتك المعبرة

و احب اقول تعليقا علي كلام سيادتك بشكل عام ان مش بس الميه الخضرا او الحمرا

لكن المشكله الكبري هي الفتي في جميع الاشياء و دي سمه من سمات الشعب المصري

تلاقي اي حد بيشتغل اي حاجه

و دا احد الاسباب الكبري لفشل التسويق للسيارات الاوربيه بصفه عامه
لان اللي يشتغل فيها لازم يكون فاهم كل حاجه فيها و لانها تكنولوجيا متطورة مش بتلاقي عقليات تقدر تفهمها بالاضافة الي ان اي توكيل يهمه بالدرجه الاولي تجميع الاموال بصورة مبالغ فيها و دا بيخلي سمعه الاوربي زي الزفت.

لكن تعالي بقي لسيارات جنوب شرق اسيا - فقيرة في التكنولوجيا - ميكانيكا سهله لدرجه ان اي عيل اشتغل شهرين مع اسطي يقولك ايه العيب - قطع غيار خارج التوكيل - دا جميل جدا لكن في مقابل انك بتشتري سياره بسعر مقارب للاوروبي فقير الامكانيات و فقير في التكنولوجي

اديك مثال صغير اوي : الانشيا فيها حساس لقربه الميه و لقربه المساحات غير حساسات تانيه كتير
و دا من موديلات كام ؟ 1991 لو قارنت بينها مع نفس موديلات الكوري في نفس السنه تفتكر هايكون فيه فرق ؟؟؟؟ اكيد طبعا


المهم نرجع لموضوعنا

اولا : نظرا لعدم تفاعل الاعضاء و الاكتفاء بالمشاهده فقط اعتقد اننا هانحل المشكله دي و نقفل الموضوع


حل المشكله :

بما ان المشكله بنسبه كبيرة في الترموستات يبقي نعمل اختبار للمروحه باننا نعمل قفله في اطراف الترموستات لو اشتغلت المروحه يبقي تاكد من مووووت الترموستات

طب نعمل ايه بقي ؟؟؟؟

الحل كالاتي :
لازم يكون معاك دايما في شنطة العده مترين سلك 4 ملي او اكتر و ياريت تحط زرار من زراير الفتح و القفل اللي موجودة في البيت ( مفتاح الماجيك ) و دا بيستحمل لحد 10 امبير تقريبا

هاتاخد فرده من القطب الموجب للبطاريه و تلمس علي احد التوصيلات الاتنين بتوع المروحه
اللي هايشغل المروحه فيهم يبقي هو دا اللي هايتوصل بالقطب الموجب

طب لو وصلناه مباشره المروحه هاتشتغل بلا توقف و دا هايؤدي الي انهاء عمرها بسرعه ( مش قوي يعني ) يبقي هنا جاء دور المفتاح الماجيك - يعني من الاخر بنعمل مفتاح بلدي لتشغيل المروحه و نتوكل علي الله و نحط عينينا علي مؤشر الحرارة - نشغل نص دقيقه و نطفي و هكذا لحين الذهاب لدكتور الصدر و الحساسيه

و السلام عليكم و رحمه الله و بركاته

ألأخ الكريم

فكرة طبعا ممتازة بس مش الكل يقدر يعملها

احنا بنسمى ده jumper or by-pass على الترموستات و فيه كهربائية بتركب مفتاح سلكتور في التابلو علطول بالذات في العربيات القديمة علشان لما الحرارة تعلى هوووب تقلب المفتاح و الدنيا تهدى و ده علي اعتبار ان الترموستات صينى يعني :)

الاخ الكريم

اشكرك بشده و نشاط

الكل مش هايقدر يعملها طبعا - انا معاك - لكن الهدف هو نشر فكر التوعيه و ان الواحد مايقفش عاجز امام اي مشكله تقابله مش يقف قدامها عاجز لان في هذه المشكله ماتقدرش تتحرك بالسيارة مطلقا

و انا نفسي نجمع كل الخبرات و المشاركات المفيده المنطقية و العمليه في ملف pdf ليكون مرجع للجميع علي ان يتم تحديئه كل 3 شهور مثلا

و لك مني كل التحيات