فورد فوكاس 2014 و لا لانسر شارك 2014 من حيث المصاريف

بسم الله
اولا انا عارف انه فيه عربيات تانية كويسة في نفس الفئة السعرية بس دول اكتر اتنين انا استريحتلهم و حبتهم و مقتنع بيهم
ثانيا المقارنة ما بين شارك اعلى فئة و فوكاس 3 فئة (سبورت)
ثالثا انا يهمني جدا في المقارنة تكون بناءا على running cost
يعني اهم حاجة بنزين كام 92 و لا 95 - بنفس الاداء - عشان انا قراة في الجروب انه الفوكاس بيطحتلها 92 بس الاداء بيقل
اسعار الصيانات الدورية- اسعار قطع الغيار - توفر قطع الغيار- توفر القطع الغير اصلية و الاصلية خارج الوكيل- امكانية عمل صيانة خارج الوكيل
اعطال الكمبيوتر الناتجة عن التكنولوجيا العالية
الاعتمادية على العربية - مجيش في يوم ادور العربية القيها ما بتدرش و يطلع مشكلة في حساس - احتمالية حدوث ذلك
و ارجو ايضا الوضع في الاعتبار لو شاب يبدا حياته و مقبل على الزواج - فموضوع المصاريف ده مهم اوي
و ارجو لو تقيم كل نقطة من 10 مثلا بالنسبة للسيارتين
و شكرا

فى فرق كبير بين العربيتين وطبعا الفوكس افضل . بس اعادة البيع الفورد هتخسر كتير . والعربيتين 92 عادى . افضل حاجة انت تسأل فى التوكيلين عن قطع الغيار والصيانات بنفسك . انا ممكن اقولك صيانات الشارك . صيانة الالف 460 . العشرة 700, العشرين 1000, الثلاثين 700 , الاربعين 2000 .

الانتين قطع غيارهم غالية وصيانة مكلفة نسبيا
بس انت لو ركبت الفوكس هتعجبك اوي ومش هتفكر في الياباني ولا الكوري
وربنا يوفقك في الاختيار

انا معجب جدا بالاتنين , فوكاس احلي و اشيك و مش منتشره , بس الانسر بدون مشاكل و عربيه عاليه و اعتماديه و اعاده بيع محترمه ,, مقارنه صعبه بس الي يحددها طبيعه شخصيتك و دخلك ,, لو متهتمش باسعار و اعادع بيع يبقي فوكاس ,, لو يجوبك جايب تمنها يبقي شارك .. ده رايي

الاسهل الشارك & الافضل الفورد
مجرد رأي ..

لو مش فارق معاك صيانه وقطع غيار وتوكيل دوس فى الفوكس
غير كده شارك

في حد عنده فكرة عن اسعار قطع الغيار و الصيانات الدورية للفوكاس

فورد طبعا

الفوكس فيتيس dsg بمشاكله المعروفه في فولكس فاجن وعشان كدا نادرا ما حد بيطلع العربيه دي وقعت
واخر مره سالت عليها كانت بنغس الفيتيس مش عارف يمكن نزلو الفيتيس القديم العادي
الشارك صيانتها عاديه مش مرتفعه بدون مشاكل

هوا الفتيس شيفت بور و بدبل كلاتش - تكنولوجيا مختلفة كان في مشكلة في الرعات البطيئة - عايز رجل حساسة قوي بس هما عدلو كل ده من اول عربية في 2014 و كمان العربيات القديمة

في رأيي فوكاس مش إعتمادية خالص لكن الفوكاس إستهلاك بنزين أقل بسيط من اللانسر

ده معظم الناس بتقول انها اكتر اعتمادية

هى اسعار الفوكس ايه ؟

مانيوال 156.900
اول فئة اتوماتيك 169.000 فيها كل حاجة تقريبا معادا رفاهيات بسيطة
تاني فئة 187.000 احسن اختيار - فيها جنوط - فتحة سقف - فوجات - و حبة اوبشنز كتير داخلية
هما عملين عرض - خصم 9 الاف جنيه
دهالي مخليني افكر فيها

قطع غيارها ببلاش دلوقتي كنت قرأت في جرناال الجمعة الاسعار وهمية
يا جماعه مطلعوش سمعة على العربية دي اسعار قطع غيارها احسن من سيراتو و الانترا
واسال و هتعرف .

اقتباس:

---

المشاركة الأصلية كتبت بواسطة drengine

ده معظم الناس بتقول انها اكتر اعتمادية

---

فيها مشاكل في الفتيس زي ما الأعضاء قالوا وشوف مين أكتر في الشارع وإنت تعرف الأكثر إعتمادية

اولا تم حل مشكلة الفتيس تمام بشاهدة كل الي اشترى 2014 موضوع الانتشار اعتقد انها هتزيد في الفترة القادمة عشان اتو جميل عامل عروض اسعار جيدة

كلنا عرفين انه مش مقياس خالص انتشارالعربية في مصر - هي بتعمد على شطرات البياع و العمولات الي الشكات بتقدمها للبياعين لما يبعوا لموديل اكتر - و الكلام ده اتعمل معايا في اكتر من معرض - قعد البياع يقنعني بعربية معينة رغم ان كلها مشاكل واضحة و الناس كلها عرفها و كانت بره الرانج الي انا بتكلم فيه

المهم تقولنا فى الاخر حضرتك قررت ايه؟

انا الان بتاكد تمام التاكد من موضوع الفتيس و النظام الي معمول لضمان الفتيس good well في فورد و لو كله تمام- هيبقى بدون تفكير ان شاء الله الفورد
غير ذلك الشارك و الله المستعان

العالم كله في مشكله في الفيتيس الدول كاتش وكل الناس حتتجن من فولكس و فورد لحد الان المشكله مستمره
وانا اول الناس اللي نفسي في فورد من 2012 و جولف كل فتره بتابع والاخبار سيئه
في النهايه في ناس بتشتري بغيب الفيتيس بس تكون عارف

انا بعد الؤال و متابعة اخبار و مواقع اجنبية - الناس كلها بتقول ان المشكلة من اول انتاج 2014 اتحلت و برده انا مقلق و مستنى اشوف موضوع عبد اللطيف الجميل بخصوص الضمان الي هيعملو على الفتيس good well

فوكس افضل كسياره اوروبي وكماليات وثبات بس اعتماديه مش تمام وقطع عيار بالفعل غاليه جدآ يعنى 2008 قاعدة المتور ب2500 جنيه الواحده والطابلوه مستعمل ب30 الف جنيه كارثه لكن الانسر بالفعل اكثر اعتماديه وكماليات كافيه وقطع عيار متوفره ولها بدائل والكل شغال فيها وطبعآ اعادة البيع مفيش كلام

(( الاعتمادية على العربية - مجيش في يوم ادور العربية القيها ما بتدرش و يطلع مشكلة في حساس -))
يبا انت في ناحية الياباني

(الفوكس بموتور zetec
فيها مشاكل دواره في الحر
المتور دا مينفعش يتخرط

انا بفكر بشكل كبير في الفوكاس بردو، و احتمال كبير انزل اجيبها الاسبوع دا ان شاء الله

اقتباس:

---

المشاركة الأصلية كتبت بواسطة drengine

انا بعد الؤال و متابعة اخبار و مواقع اجنبية - الناس كلها بتقول ان المشكلة من اول انتاج 2014 اتحلت و برده انا مقلق و مستنى اشوف موضوع عبد اللطيف الجميل بخصوص الضمان الي هيعملو على الفتيس good well

---

هو بعد اذنك ايه موضوع الضمان اللي على الفتيس ده ؟؟
علشان انا برضه عايز اجيب الفوكاس و مقلق من موضوع الفتيس ده ..
و شكرا ..

اقتباس:

---

المشاركة الأصلية كتبت بواسطة احمد فهمى

فوكس افضل كسياره اوروبي وكماليات وثبات بس اعتماديه مش تمام وقطع عيار بالفعل غاليه جدآ يعنى 2008 قاعدة المتور ب2500 جنيه الواحده والطابلوه مستعمل ب30 الف جنيه كارثه لكن الانسر بالفعل اكثر اعتماديه وكماليات كافيه وقطع عيار متوفره ولها بدائل والكل شغال فيها وطبعآ اعادة البيع مفيش كلام

---

ممكن اعرف مين اللي بيبيع التابلوه الفوكاس ب 30 الف!!!!؟؟؟؟؟
ومستعمل كمان!!!!
انا متأكد ان مفيش تابلوه بالسعر ده
الا لو bmw الفئة السابعة وموديل 2010 مثلاً
ولعلمك اسعار قطع غيار الفوكاس اقل من السيفيك لنفس السنة في كل شيء

اقتباس:

---

المشاركة الأصلية كتبت بواسطة s o p h o s

الاسهل الشارك & الافضل الفورد
مجرد رأي ..

---

رأي سليم، والله أعلم.

فيه واحد زميل في المنتدى اسمه وائل عطية كان عامل المشاركة دي سنة 2008: وبيقول:

كنت في زيارة خاطفة امبارح لمنفذ بيع قطع غيار فورد الموجود بمدينة نصر في بنزينة وطنية اللي في ذاكر حسين..وعرفت بعض أسعار قطع غيار الفورد فوكاس..مش كل حاجة طبعاً بس هاحاول أجمعهم بالتوالي للإفادة وياريت لو حد عنده معلومات نضيفها في الموضوع دا :


- فلتر بنزين 96
- طاسة فورد 123.20
- مراية الصالون كاملة 346
- فلتر هواء 64
- قاعدة موتور رئيسية كاملة 887
- تيل فرامل أمامي 313
- فلتر زيت 41

الأسعار السابقة شاملة الضريبة
جميع قطع الغيار متوفره

وانا لسه سائل على التابلوه 2008 كامل شامل ب 10000 من الوكالة بدون فصال، يعني ممكن السعر يقل، وده تقريباً أغلى حاجة في العربية