الاوتو مريح بس محتاج متابعه واهتمام المانول اكثر اعتماديه وعزم اشد وغرز وسرعه
شوف انت عاوز ايه من العربيه
تحياتى ليك ولعربيتك
عرض للطباعة
الاوتو مريح بس محتاج متابعه واهتمام المانول اكثر اعتماديه وعزم اشد وغرز وسرعه
شوف انت عاوز ايه من العربيه
تحياتى ليك ولعربيتك
مانيوال طبعا مش علشان متعة و تحكم و بس لا كمان علشان توفير البنزين :plusone1:
و في بلاد بره بيقولوا : Auto transmission is for lazy people :C_laugh[1]:
لكن و عن تجربة بسبب الزحمة الغير طبيعية المانيوال بيتحول الي اجهاد في رجلك الشمال مع مود من العصبية في السواقة ممكن تؤدي لا قدر الله الي حوادث.
الاوتو ضرورة لو شغلك داخل المدينة لكن لو سكتك سالكة يبقي مانيوال و بس .
تحياتي
الاتنين بعد فتره من السواقه بتبقى حاجه روتينيه
كل حاجه ليها متعتها ويسلام لو العربيه رياضيه سواء اوتوماتيك او مانيول
لكن ف بلدنا المانيول مجهد جدا جدا جوه البلد
انا شايف ان السواقه فى مصر مبقتش متعه خالص - انا عمري ما سوقت اوتو - وبسوق مانوال من 18 سنه و حاسس اني تعبت و نفسي اجيب اوتو - بس للاسف صعب جدا اغير العربيه دلوقتي - فركنتها وبركب المترو
المتعه الحقيقيه فى مصر انك توصل من البيت للشغل و من الشغل للبيت في وقت قصير جدا بعيد عن الزحمه
لا سواق ولا تاكسي ولا اوتوبيس ولا ميكروباص ولا حاجه من دول خالص
مترو مترو مترو - مع التغاضي عن الزحمه
(ارخص كمان من البنزين)
وشكرا
المانيوال هو اصل السواقة والمتعة الاوتوماتيك تحس ان العربية هي الي بتتحكم فيك مش انت الي بتتحكم فيها
سواقة عربية يعني مانيـــــوال غير كده مفيش
مش ذنب الناس برا اننا معندناش طرق وعلطول زحمة كده
برا علطول عربيات مانيوال محركات قليلة اقتصادية وهتشباك
هو ده اسلوب الحياة الحقيقي لكن بالتأكيد مش هنا
مجرد رأي ..
أنا بعشق المانيوال ... وأديني بقالي 8 سنين ف السعوديه أهو وعمري ماجيبت ولاهاجيب أوتوماتيك .. وفي مصر عندي إسبرانزا 516 مانيوال برضه .. انا بتخنق لما أسوق أوتوماتيك .. أحس إن العربيه هيا اللي سايقاني مش انا اللي سايقها .. رغم إنه ميزه في مصر عشان الزحمه الرهيبه لكن أنا بقول إن لو إنت إستخدامك للعربيه قليل يعني لو مشوارك من البيت للشغل ومن الشغل للبيت وبس يبقى هات مانيوال .. لكن لو عندك مشاوير كتير .. يبقى لابد من الأوتوماتيك .. وحاليا في الجير بوكس الجديد اللي هو ستيبترونيك .. لماتكون الدنيا زحمه إقلبها أوتو وريح دماغك .. الدنيا رايقه شغل المانيوال وعيش ..
حضرتك لو قصدك متعة السواقة اللى هى السحب والشد و الدريفتات و التخميس وكده يبقى اكيد المانيوال احسن علشان بتخليك متحكم افضل فى قوة العربية وانك تسقط نقلات وكده بس نمط القيادة الهجومى ده الواحد مش بيعمله كتير وعاوز طرق حلوة و بال رايق . انما فى زحمة البلد الساعة 2 الظهر اكيد الاتوماتيك . تخيل نفسك فى زحمة الدائرى وماشى حوالى 5 كيلو على الاول بالدبرياج . الاتوماتيك عربية تتركب فى مصر . خصوصا ان مصر بقت الزحمة 24 ساعة مش الساعة 2 الظهر بس
المانيول حلو بس علي طريق سريع ومفيهوش زحمة
لكن في مصر افضل الاستيب ترونيك بسبب وجود الزحمة المقرفة
دة انا بفكر اشيل ماتور الاوبترا بتاعي مع انه عامل 70 الف كيلو واحط ماتور بي فتيس اتو
علشان رجلي بقت توجعني المانيول في مصر يقرف